DIRTA Atsimo-Andrefana - Direction Régionale du Tourisme et de l'Artisanat

12/06/2026

Ho fanamarihana ny Andro Maneran-tany ho an’ny Asa Tanana (10 Jona), dia nanatanteraka hetsika manokana ny Fitaleavam-paritry ny Fizahantany sy ny Asa Tanana Atsimo-Andrefana niaraka tamin’ny Chambre des Métiers et de l’Artisanat.

Diabe namakivaky ny tanànan’i Toliara no nanombohana ny hetsika, ka nahitana ny fandraisan’anjaran’ireo mpanao asa tanana sy ireo mpiaramiombon’antoka isan-tsokajiny. Naneho ny firaisankina sy ny fahavononana hampiroborobo ny sehatry ny asa tanana izany, sehatra iray mitana anjara toerana lehibe amin’ny fampandrosoana ara-toekarena sy ara-kolontsaina.

Nofaranana tamin’ny fambolen-kazo ny hetsika, ho mariky ny fanoloran-tenan’ireo mpandray anjara amin’ny fiarovana ny tontolo iainana sy ny fampandrosoana maharitra.

Mankasitraka ireo mpanao asa tanana sy ireo rehetra nandray anjara tamin’ny fahatanterahan’izao fankalazana izao ny Fitaleavam-paritry ny Fizahantany sy ny Asa Tanana Atsimo-Andrefana, ary manentana hatrany ny rehetra hanome lanja sy hanohana ny asa tanana, izay anisan’ny harena sy mampiavaka ny faritra ary ny firenentsika.

10/06/2026

FANAMBARANA

Ho fankalazana ny Andro Maneran-tany ho an'ny Asa Tanana, dia mampandre ireo mpanao asa tanana rehetra ny Fitaleavam-paritry ny Fizahan-tany sy ny Asa Tanana Atsimo-Andrefana fa hisy hetsika manokana hotanterahina ny Zoma 12 Jona 2026.

🕢 Fotoana : 7 ora sy 30 minitra maraina
📍 Toerana fiaingana : Biraon'ny Fitaleavam-paritry ny Fizahan-tany sy ny Asa Tanana, Amoron-driaka, ampitan'ny Hotely Voanio.

Ny hetsika hanamarihana izany dia ahitana :

Diabe
Fambolen-kazo

Koa manasa sy mamporisika ireo mpanao asa tanana rehetra handray anjara amin'izao fankalazana izao, ho fanomezana lanja ny sehatry ny asa tanana sy ho fanamafisana ny firaisankina eo anivon'ny mpisehatra rehetra.

Ny fahatongavanareo dia maneho ny fanohanana sy ny fandraisana anjara amin'ny fampandrosoana ny asa tanana eto amin'ny faritra.

10/06/2026

10/06/2026

Postulez aux programmes de formation, bourses et projets de recherche

17/05/2026

Ny CMA (Chambre des Métiers et de l’Artisanat) Atsimo-Andrefana dia manolotra antsika :

🌸🎁 BAZAR SPÉCIAL FÊTE DES MÈRES 2026 🎁🌸

Mitady cadeau miavaka ho an’i Mama ? 🎁

Tongava ao amin’ny BAZAR SPÉCIAL FÊTE DES MÈRES eto Toliara !

🗓️ Fotoana : 27 ka hatramin’ny 31 Mai 2026 ho avy izao
📍 Toerana : Kily Soafilira – Bazar Be, Toliara

✨ Hetsika lehibe ahitana :
🧺 Ireo vokatra vita amin’ny Asa tanana Malagasy
🍰 Pâtisserie, glace ary sakafo maro samihafa
🎀 Fanomezana maro isan-karazany

❤️ Ndao hanamarika ny Fetin’ny Reny amin’ny alalan’ny fanomezana miavaka vita amin’ny Asa tanana !

📣 Ho an’ireo mpandraharaha sy mpivarotra :
Aza tara fa mbola misokatra ny famandrihana toerana !

👉 Ampirantio ny vokatrao mba hampitombo ny varotrao !
🔥 Vita Malagasy, reharehantsika !

Tongava maro fa hisy zavatra maro mahaliana sy vidiny mirary !

📞 Contact: 038 53 034 32 013 60

01/05/2026

Nandray anjara tamin’ny diabe fanamarihana ny fankalazana ny Andro Maneran-tany ho an’ny Asa, androany 1 Mey, ireo mpiara-miasa avy ato amin’ny Fitaleavam-paritry ny Fizahan-tany sy ny Asa Tanana ato amin’ny Faritra Atsimo-Andrefana.

Ny diabe, izay niainga teo amin’ny Prefektiora Toliara nihazo ny lalana mankany amin’ny OMIT, dia notarihin’ny Prefen’i Toliara sy ny Sekretera Jeneralin’ny Faritra Atsimo-Andrefana, niaraka tamin’ireo tomponandraiki-panjakana sy mpitarika sendikà isan-tsokajiny teto an-toerana.

Ny lohahevitra amin’izany dia : “Mpiasa malagasy fototry ny fanavaozana marina, antoky ny fampandrosoana”.

19/04/2026

11/04/2026

30/03/2026

‎“Izay mamboly hazo, manome aina.” 🌱
‎
‎Nanatanteraka hetsika fambolen-kazo ny Fitaleavam-paritry ny Fizahantany sy ny Asa tanana eto Atsimo-Andrefana, ny 28 Martsa 2026, niaraka tamin’ireo mpisera-dia sy ireo mpanao asa tanana ato amin’ny faritra. Tao amin’ny ONG Reniala, Mangily, no nanatanterahana izany.
‎
‎Natao ity hetsika ity mba ho fanamarihana ny fandraisana anjara amin’ny fiarovana ny tontolo iainana, ary ho fanamafisana ihany koa ny andraikitsika tsirairay amin’ny fiarovana ny planetantsika.

‎Isaorana manokana ireo mpiara-miombon’antoka rehetra izay niara-nisalahy tamin’ny fanatanterahana izao hetsika fambolen-kazo izao.