Dr Nkosazana Dlamini Zuma Municipality News

03/09/2026

UMEYA WETHULE NGOKUSEMTHETHWENI IHHOLO LOMPHAKATHI LASEGLENMAZE

IMeya kaMasipala iDr Nkosazana Dlamini-Zuma, uKhansela Sindisiwe “Majobe” Msomi, wethule ngokusemthethweni umceceke wehholo lomphakathi laseGlenmaze, ngaphansi kukaWadi 14.

UMeya ubehambisana neSekela Meya, uKhansela Kholeka Hadebe, uKhansela W. Mtolo kanye noKhansela Basil Ntshiza.

Indawo yaseGlenmaze ibisihlale isikhathi eside ingenalo ihholo lomphakathi, nokuyinto ebiyinselelo enkulu kubahlali bendawo.

Nokho, namuhla bekugcwele injabulo kubahlali njengoba sebethole ingqalasizinda ebalulekile ezosetshenziswa ukwenza imihlangano, imicimbi kanye neminye imisebenzi ebalulekile yomphakathi.

Amalungu omphakathi abebambe iqhaza futhi esebenza ngesikhathi kwakhiwa leli hholo nawo ahlomulisiwe ngezitifiketi zokubonga umsebenzi wawo, ukuzinikela kanye negalelo elikhulu alibambile ekwakhiweni kwale ngqalasizinda yomphakathi.

Ukuvulwa kwaleli hholo kuwubufakazi bokuzibophezela kukaMasipala iDr Nkosazana Dlamini-Zuma ekuqhubekeni nokuletha ingqalasizinda edingekayo kanye nokuthuthukisa izimpilo zemiphakathi.
Ngokubambisana sakha imiphakathi engcono.

03/09/2026

02/09/2026

UMEYA WETHULE NGOKUSEMTHETHWENI I-EKUPHOLENI CRECHE

Ngelwesithathu, mhla zi-2 kuMandulo 2026, uMeya kaMasipala iDr Nkosazana Dlamini-Zuma, uKhansela Sindisiwe “Majobe” Msomi, wethule ngokusemthethweni inkulisa i-Ekupholeni Creche eNkelabantwana, ngaphansi kuka wadi 11.

UMeya ubephelezelwa yiSekela Meya, uKhansela Kholeka Hadebe, uKhansela Basil Ntshiza kanye noKhansela Xolani Zamisa.

Ukwethulwa kwale nkulisa ngokusemthethweni kuwubufakazi bokuzibophezela kukaMasipala iDr Nkosazana Dlamini-Zuma ekuthuthukiseni izindawo zokufundela izingane ezincane kanye nokuqinisekisa ukuthi izingane zomphakathi zithola indawo ephephile, enakekelayo nefanele yokufunda nokukhula.

Le ngqalasizinda izophinde ibe negalelo elikhulu ekuthuthukiseni imfundo yezingane zisencane, ibeke isisekelo esiqinile lekusasa eliqhakazile lezingane kanye nomphakathi waseNkelabantwana.

Amalungu omphakathi abekade esebenza ngesikhathi kwakhiwa leli hholo nawo ahlomuliswa ngezitifiketi zokubonga umsebenzi wawo nokuzinikela kwawo ngesikhathi kwakhiwa le ngqalasizinda yomphakathi.
Ngokubambisana sakha imiphakathi engcono.

02/09/2026

VACANCY

02/09/2026

VACANCIES

02/09/2026

UMEYA UVULE NGOKUSEMTHETHWENI IHHOLO LOMPHAKATHI EPHOSANE

Umeya kaMasipala iDr Nkosazana Dlamini-Zuma, uKhansela Sindisiwe “Majobe” Msomi, uvule ngokusemthethweni iHholo Lomphakathi lasePhosane ngaphansi kukaWadi 12 namuhla.

Umeya wethule ngokusemthethweni le ngqalasizinda enhle emphakathini, egcizelela ukubaluleka kwayo ekuthuthukiseni nasekusebenzeleni izakhamuzi zasePhosane kanye nezindawo ezizungezile.

Kulo mcimbi, uMeya ubephelezelwa iSekela likaMeya, uKhansela Kholeka Hadebe, uKhansela Basil Ntshiza, Khansela Xolani Zamisa kanye nenduna uHlophe.

Ukuvulwa kwaleli hholo kuwubufakazi bokuzibophezela kukaMasipala iDr Nkosazana Dlamini-Zuma ekuthuthukiseni ingqalasizinda kanye nokuletha izinsiza eziseduze kubantu, ngenhloso yokwakha indawo engcono yawo wonke umuntu.

Amalungu omphakathi abekade esebenza ngesikhathi kwakhiwa leli hholo nawo ahlomuliswa ngezitifiketi zokubonga umsebenzi wawo nokuzinikela kwawo ngesikhathi kwakhiwa le ngqalasizinda yomphakathi.

02/09/2026

UKUNIKELWA OKUSEMTHETHWENI KWEBHULOHO LASE JACKSON ROAD - EBULWER

Umsebenzi wokuletha izidingo emphakathini uyaqhubeka!

uMeya woMasipala Wasendaweni iDkt Nkosazana Dlamini Zuma, uKhansela MaJobe Msomi ehambisana nobuholi bomkhandlu unikele ngokusemthethweni iBhuloho elisha lase Jackson Road eBulwer emphakathini.

Le bhuloho elibalulekile lizoletha usizo olukhulu kubahlali baseBulwer nasezindaweni ezingomakhelwane, ikakhulukazi kubafundi, asebekhulile kanye nabashayeli abebebhekene nobunzima ngesikhathi sezimvula lapho ukuwela bekunzima.

Ekhuluma emcimbini wokunikelwa kwebhuloho, uMeya uMaJobe Msomi ugcizelele ukuthi uMasipala uzibophezele ekwakheni ingqalasizinda ephephile, efinyeleleka kalula futhi esimeme exhumanisa imiphakathi futhi ethuthukisa izimpilo zabantu.

> "Leli bhuloho lingaphezu kukakhonkolo nensimbi - liyibhuloho lethemba, lokuphepha kanye namathuba omnotho kubantu bakithi. Sifeza isithembiso sethu sokusondeza izidingo kubantu," kusho uMeya uMsomi.

Umphakathi waseBulwer wamukele lo msebenzi ngenjabulo enkulu, wabonga uMasipala ngokulalela nokuphendula izidingo zawo.

UMasipala Wasendaweni uDkt Nkosazana Dlamini Zuma uqhubeka nokubeka phambili ukuthuthukiswa kwengqalasizinda njengesisekelo sokukhula komnotho wendawo kanye nokuphepha komphakathi.

Ngokubambisana sakha imiphakathi engcono.