15/10/2025
Izolo iqembu le IFP ngokuholwa usihlalo walo uMr Thusi laphaya endaweni yase ward 08 ngaphansi koMaspala iAlfred Duma,linikele ngokudla kubantwana ababhalela izivivinyo zabo zikamatikuletsheni esikoleni Incinjane High School esisePieters.Baphinde bafisela abantwana ukubhala okuhle.
Usihlalo ubehambisana noCllr uNtini othunywe iqembu leNkatha ukulekelela le ward,kanye nomgqugquzeli weIFP ngaphansi kwe Indaka/Mnambithi Constituency uThulas Khumalo
Uthish'omkhulu weskole uMr Hlongwane ubonge kakhulu kwiqembu leIFP nakathe selifike izikhathi eziningi kulesikole lizokwenza okuningi okuhle,uphinde waveza nokuthi ekuqaleni konyaka lifikile liholwa uyena uSihlalo walo khona kuWard 08 uMr Thusi lazobapendela isikole,kuthe phakathi nonyaka,labuya lihamba nosihlalo walo wentsha ngaphansi kwe Indaka/Mnambithi umhlonishwa uCllr uThabede sebelethe amabhayisikili kubantwana,nakhu selibuya futhi lizolekelela abantwana ngokudla,uphethe ngokuthi ubudlelwano babo neIFP busuka kude.
uSihlalo uthe mayesuka esikoleni Incinjane wadlulela endaweni yaseMbizeni ebinenkinga yokungaphumi amanzi,efika kulendawo ehambisana nabasebenzi bas'Othukela abaholwa ubaba uSgidi Khumalo,bathole ukuthi kunepayipi elifakwe izidwedwe lokho okwenza ukuthi amanzi engakwazi ukudlulela emphakathini.
uKhumalo nethimba lakhe babe sebelungisa lenkinga,okaMashobane ube esenxusa ukuba abantu basheshe babike uma kunento abangayoqondi kahle endaweni yabo.
uSihlalo weIFP khona eWard 08 ubonge kakhulu ukubambisana okukhona phakathi kwakhe nabasebenzi bas'Othukela abaholwa uKhumalo,waphinda wabonga kakhulu nakubaba uSimo Sthebe nakathe babambisene kahle kakhulu,uma kunezinkinga zamanzi ezikhon'endaweni umanje eke wabathinta baphendula ngokukhulu ukushesha.
