07/04/2026
په ننګرهار کې د سېلابونو وضعیت او ژغورنی هڅې
په ننګرهار ولایت کې د شدیدو ورښتونو له امله سېلابونه راوتلي، چې له کبله یې یو شمېر هېوادوال شهیدان شوي، ګڼ ټپیان دي او خلکو ته درانه مالي زیانونه اوښتي دي.
د وضعیت د کنټرول لپاره، د ننګرهار والي، مرستیال والي، ښاروال، د سیندیزې حوزې رئیس او نور مسؤلین په ګډه د ژغورنې په عملیاتو کې برخه لري او سېلاب ځپلو سیمو ته تللي دي.
ټول ملکی او نظامی چارواکی لاس په کار دی، او د ژغورنی ډلې ټپیان روغتیايي مرکزونو ته انتقالوي او له زیانمنو کورنیو سره مرستې روانې دي.
له خلکو غوښتنه شوې، چې احتیاطي تدابیر مراعت کړي او د سېلابي سیمو ته له نږدې کېدو ډډه وکړي
