16/07/2026
نورستان ولايت پارون ښاروالۍ ریاست مقام کی د ښاری نظم او پراختیا کمیسیون غونډه ترسره شو.
نیټه: 1405/4/24
نن چهارشنبه نورستان ولايت پارون ښاروالۍ ریاست مقام کی د ولایت مقام سره په همغږۍ د ښاری نظم او پراختیا کمیسیون غونډه ترسره شو چی پکی د پارون ښاروالۍ مسؤلینو ترڅنګ د ولایت مقام استازی د مستوفيت رياست ريس محترم مولوي صاحب محمد امير فیضانی د امنیه قوماندانۍ استازی ، د چاپيريال ساتني رياست ريس محترم مولوي صاحب سمیع الحق حقاني، د ترافیکو آمریت آمر محمد داود شمس او د صنعت او سوداګرۍ ریاست استازی،دښار او کور جوړولو رياست ريس محترم مولوي صاحب رحيم الله برهاني د اصنافو اتحاديې ريس مولوي عبدالبصير او دمختلفو اداراتو استازو ګډون کړی وو
غونډه د قرآن الکریم د څو مبارکو آیتونو په تلاوت سره پیل شو
ورپسې د پارون ښاروال مولوي الحاج سيد احمد خان ارهابي د غونډې ګډونوالو ته ښه راغلاست ويلو ترڅنګ دمخکنی غونډې اجرااتو ګزارش شريک کړه او په خپلو خبرو کی وویل ښاری نظم او د ښار پراختیا یوازی د یوی اداری مسولیت نه بلکی د ټولو اړوندو ادارو ګډ مسؤلیت دی او ټینګار یی وکړ چی د ښاری نظم او پراختیا د کمیسیون پریکړی به په عملی ډول تعقیبیږی او د ښاریانو د هوساینی لپاره به هر اړخیزی هڅی لا دوام ولری
ورپسې د اجنډا مطابق د ښار او کور جوړولو رياست ريس محترم مولوي صاحب رحيم الله برهاني دښار تففصلي پلان په اړه ګډونوالو ته معلومات ورکړه او زياته يې کړه چې ياد پلان د تطبيق وړ دي او د پلان تغير او تبديل دمرکزی ادارې کار دي ولايتي ادارې او رياستونه ددې صلاحيت نه لري نو بايد دغه کميسيون دي د پلان د تطبيق څارنه وکړي او د خپل سرو تاسيساتو او تخلفاتو مخه ونيسي.
ورپسې د ښاروالۍ ریاست مالي ادارې عمومی مدير کليم الله نبيل د ښاری نظم او پراختیا کمیسون د غونډی د ارزښت په اړه خبری وکړی او د ياد کمېسيون دهر کميټې دندې او مسووليتونه تشريح کړه نوموړی وویل د ولایت مقام په مشرۍ به دا ډول غونډی په منظمه او دوامداره توګه ترسره کیږی ترڅو د ښاری ستونزو د حل ، د پراختیایی پروژو د ښه تطبیق او د ادارو ترمنځ د همغږۍ کچه لا پیاوړې شي
ورپسې داجنډا مطابق آزاد بحث وشو چې ګډونوالو خپل نظرونه او وړانديزونه شريک کره چي په هغی کی يوه موضوع د نورستان ولايت جهادي مدرسې لپاره د(۱۲) جريبه ځمکې مشخص کولو وو چې د ګډونوالو دبحث روسته دي نتيجي ته ورسيده چې دياد مدرسې لپاره دي د پلاني ساحې څخه بهر ځمکه مشخص او دولايت مقام د تائيد څخه روسته په مشخص شوي ځمکه کې جهادي مدرسه جوړ شي ځکه چې په پلاني ساحه کې د ياد مدرسې لپاره کوم ځای ندی مشخص شوي.
په پای کې دولايت مقام استازي د ولسواليو کارشناس محترم احمد ګل له ټولو ګډونوالو مننه وکړه چې د ښار آبادي لپاره خپل ګټورې مشورې او وړانديزونه شريک کړ او زياته يې کړه چې ولایت مقام به ددې کميسيون پريکړو ملاتړ کوي او هر مياشت به دغه کميسيون غونډه داير کړي ترڅو د ښار دپرمختګ او هوساينې لپاره عملي ګامونه ترسره شي.
په پای کې غونډه په دعا سره پای ته ورسېده.
نورستان ولایت پارون ښاروالۍ ښاري حکومتوالۍ مدیریت
