20/08/2026
د تسلیت او خواخوږۍ پیغام
په ډېرې ژورې خواشینۍ سره مې خبر تر لاسه کي چې زما او د زرګونو هلمندیانو قدرمن استاد محمد حسن خان له دې فاني نړۍ څخه سترګې پټې کړې او د حق په لوري روان سو.
استاد محمد حسن خان د معارف له هغو نومیالیو او مخلصو غړو څخه و، چې د خپل ژوند ډېره برخه یې د هلمندي ماشومانو او ځوانانو د ښوونې، روزنې او علمي پرمختګ لپاره وقف کړې وه. نوموړي د خپلو نه ستړې کېدونکو هڅو له لارې د هلمند د ګڼو نسلونو په روزنه کې ارزښتناک او نه هېریدونکی رول ادا کړی دی.
د استاد مړینه یوازې د هغه د کورنۍ او خپلوانو لپاره نه، بلکې د هلمند د علم، معارف او فرهنګ لپاره هم ستره ضایعه ده. د هغه علمي او ښوونیز خدمتونه به د هلمندیانو په زړونو کې تل ژوندي وي.
په دې ستر غم کې د استاد محمد حسن خان له درنې کورنۍ، خپلوانو، شاګردانو، دوستانو او د معارف له ټولو همکارانو سره خپله ژوره خواخوږي او تسلیت شریکوم.
الله تعالی دې ارواښاد استاد محمد حسن خان ته جنت الفردوس نصیب کړي، قبر یې روښانه او کورنۍ ته یې د زړه صبر او اجر ورکړي.
إنا لله وإنا إليه راجعون
په درنښت
الحاج محمد کریم اتل
