18/07/2026
საქართველო, როგორც რუსეთის „მაშველი რგოლი“ - მორიგი მახე ოკუპირებული ტერიტორიებიდან!
ღრუსები, რომლებიც ჩვენს მიწას წლებია გლეჯენ, ახლა ახალ ხაფანგს გვიგებენ. ცხინვალის რეგიონში „ტრანზიტის გახსნაზე“ ალაპარაკდნენ. თითქოს „ხალხზე ზრუნავენ“, თითქოს ნათესავების მონატრება ახსენდებათ და თითქოს ეკონომიკის ამუშავება უნდათ.
სინამდვილეში კი ყველაფერი ბანალურად მარტივი და ბინძურია:
რუსეთს უჭირს. სანქციების გამო რუსეთში სერიოზული ეკონომიკური კრიზისია - საწვავი, პროდუქტი, ტექნოლოგიები, ყველაფერი ჭირს. მათ სჭირდებათ „დერეფანი“, რათა სანქციების გვერდის ავლით შეზიდონ საქონელი. და ვინ იქნება ეს „მაშველი რგოლი“? ჩვენ - საქართველო.
ჩვენი ხარჯით უნდათ თავის გადარჩენა. ეს „ტრანზიტი“ არის გზა, რომლითაც რუსეთი საკუთარ ეკონომიკას ჩვენი სახელით და ჩვენი ტერიტორიით ჟანგბადს მიაწვდის. თუ ამას დავთანხმდით, რეალურად მათ სანქციების დარღვევაში ვეხმარებით. ეს იქნება ჩვენი, როგორც სახელმწიფოს, პირდაპირი დისკრედიტაცია და დარტყმა ჩვენს რეპუტაციაზე.
ოკუპაციის ლეგალიზაცია. როდესაც ამბობენ, „საბაჟოს საზღვარზე გადავიტანთო“, ეს პირდაპირი სიგნალია, რომ აფხაზეთის და ცხინვალის ანექსიას აფორმებენ. მათ უნდათ, რომ ჩვენივე ხელით ვაღიაროთ მათი „საზღვრები“.
ხელისუფლება კი დუმს. ხედავთ, როგორ ფრთხილად ალაპარაკდნენ? ნიადაგს სინჯავენ. მიუხედავად იმისა, რომ ხელისუფლება რუსული დღის წესრიგით მოქმედებს, ჩვენ ხომ ვიცით, რომ ქართველი ხალხი ამას არასდროს შეეგუება. ეს არის მცოცავი ანექსიის გაგრძელება, რომელსაც ახლა „ეკონომიკური განვითარების“ ლამაზი შეფუთვა გაუკეთეს.
ნუ მოგვატყუებენ „ეკონომიკური სარგებლით“ და „ნათესაური კავშირებით“. ეს არის რუსეთის მცდელობა, თავი გადაირჩინოს ჩვენი დაღუპვის ხარჯზე.
ჩვენი პასუხი უნდა იყოს ცალსახა: არანაირი ტრანზიტი ოკუპანტთან! ნუ ვიქნებით ის ქვეყანა, რომელიც მტერს სანქციების გვერდის ავლაში დაეხმარება.
