07/09/2026
د کندهار ښار په ټولو ناحيوو کي د تنظیف چاري په منظم ډول رواني دي
دوشنبه ۱۶ / ۶ / ۱۴۰۵ ه ش کال
د کندهار ښاروالۍ د تنظیف عمومي مدیریت اړوند تنظیف کارکونکو د منظم پلان له مخي د ښار په ټولو ناحیو کي د کثافاتو راټولو او انتقال چاري په دوامداره توګه ترسره کوي.
د دغو هڅو په پایله کي د تیري یوې اونۍ په ترڅ کي د ښار له بېلابیلو ناحیو څخه ۵۸۷ موټره کثافات چي ټولټال ۵۹۸۷ متره مکعب کیږي راټول او ټاکل سوو ځایونو ته انتقال سوي دي.
همداراز په څوارلسو ناحیو کي د چریو د پاکولو چاري رواني دي او په دریمه، لسمه او پنځلسمه ناحیو کي د چریو د پاکولو د اشر چاري هم په چټکۍ سره ترسره کیږي.
له بلي خوا د هغو عمومي پلچکانو او صوبو د پاکولو او خلاصولو چاري هم رواني دي، چي له اوږدې مودې راهیسي دکثافاتو د راټولېدو له امله بند سوي وه. اوس مهال د (ش.هید) اصف چوک لاندي د عمومي پلچک د پاکولو چاري هم رواني دي، چي په بشپړیدو سره به ئې د اوبو تګ راتګ اسانه او د ښار د پاکوالي وضعیت لا ښه سي.
په درنښت
د کندهار ښاروالۍ مطبوعاتي دفتر
