21/07/2026
د کونړ سیندیزې فرعي حوزې ریاست خبرتیا!
د کونړ سیندیزې فرعي حوزې ریاست د هوا پېژندنې د وروستیو وړاندوینو له مخې، د سختو اورښتونو او ناڅاپي سیلابونو د رامنځته کېدو د احتمال له امله، د کونړ ولایت له ټولو هغو اوسېدونکو څخه چې د سیندونو او خوړونو په غاړو کې ژوند کوي، په درنښت غوښتنه کوي چې له بشپړ احتیاط څخه کار واخلي.
له ټولو هېوادوالو څخه هیله کېږي چې د سیلابونو د خطر پر مهال د سیندونو او خوړونو له غاړو څخه خوندي ځایونو ته انتقال شي، د خپلې کورنۍ غړي او څاروي خوندي وساتي، او د اړوندو دولتي ادارو سپارښتنې په جدي توګه عملي کړي.
ستاسو احتیاط کولای شي د انساني او مالي زیانونو مخه ونیسي.
