07/09/2026
۱۴۰۵/۶/۱۶هـ ش ۱۴۴۸/۳/۲۵هـ ق
د کلیو بیارغونې او پراختیا ریاست کې اداري غونډه ترسره شوه
د کلیو بیارغونې او پراختیا ریاست کې د چارو د لا ښه تنظیم د کاري مسؤلیتونو د ترسره کولو او د پروژو د اغېزمنتیا په موخه اداري غونډه ترسره شوه.
په دې غونډه کې د ریاست پر بېلابېلو کاري موضوعاتو روانو چارو او پروژو په اړه هر اړخیز بحث او خبرې وشوې. مسؤلینو او کارکوونکو ته ټینګار وشو چې خپلې دندې او مسؤلیتونه دې په اخلاص صداقت ژمنتیا او بشپړ مسؤلیت سره ترسره کړي څو د خلکو ستونزو ته پر وخت او اغېزمنه رسېدنه وشي.
همدارنګه د پروژو د تطبیق په اړه ټینګار وشو چې ټولې پروژې باید د ټاکل شوو اصولو معیارونو او اړتیاوو مطابق په بشپړه روڼتیا او شفافیت ترسره شي او د پروژو په ټولو پړاوونو کې د کیفیت عدالت او عامه ګټو رعایت ته ځانګړې پاملرنه وشي.
په پای کې پر دې ټینګار وشو چې د ریاست ټول کارکوونکي باید د ادارې د موخو د ترلاسه کولو لپاره له یو بل سره همغږي همکاري او متقابل تفاهم ولري څو چارې په ښه ډول پرمخ ولاړې شي او د خلکو لپاره لا اغېزمن خدمتونه وړاندې شي.
