14/05/2026
Më datë 12 maj 2026 në ambientet Prokurorisë së Shkallës së Parë të Juridiksionit të Përgjithshëm Elbasan u zhvillua mbledhja e prokurorëve të kësaj prokurorie me objekt analizën e raportit të drejtuesit të prokurorisë mbi veprimtarinë për vitin 2025 dhe gjendjen e kriminalitetit në Qarkun e Elbasanit.
Në mbledhje u ftuan dhe ishin të pranishëm Kryetarja e KLP-së Znj.Mirela Bogdani, Inspektori i Përgjithshëm i ILD-së Z.Artur Metani, përfaqësuesja e Prokurorit të Përgjithshëm Znj.Alma Muça, Zv.Drejtuesi i Prokurorisë së Apelit Z.Arben Qosja, Drejtori i DVP Elbasan Z.Fatmir Hoxha dhe Kryetari i Dhomës Vendore të Avokatisë Elbasan Z.Erind Gjeta.
Prezantimi i analizës vjetore të veprimtarisë së institucionit për vitin 2025 u krye nga Drejtuesi i Prokurorisë, Z.Kreshnik Ajazi, i cili evidentoi treguesit kryesorë të punës së prokurorisë, nivelin e cilësisë dhe efikasitetit në hetimin dhe përfaqësimin në gjykim të çështjeve, respektimin e standardeve etike dhe profesionale, shërbimet e ofruara për qytetarët, treguesit e gjendjes së kriminalitetit në qarkun e Elbasanit si dhe bashkëpunimin me institucionet e tjera, ku theksi i vu në vijimin e bashkëpunimit të shkëlqyer me policinë e shtetit, ndërveprimin institucional me standarte të larta etike dhe profesionale me dhomën vendore të avokatisë si dhe me subjektet e tjera procedurale.
Ne fjalen e saj Kryetarja e KLP Znj. Mirela Bogdani pergezoi punen e bere nga prokuroret e kesaj prokurorie, te cilet edhe pse kane qene ne mungese organike kane perballuar nje ngarkese te konsiderueshme pune. Njekohesisht garantoi qe nga ana e Keshillit te Larte te Prokurorise do te vijohet ndjekja e te gjitha proceseve te levizjeve paralele me qellim plotesimin e vakancave ne kete prokurori.
Perfaqesuesja e Prokurorit te Pergjithshem, vleresoi analizen si nje material te plote e te gjithanshem, miratuar nga Prokurori i Pergjithshem, po ashtu vleresoi punen e bere nga kjo prokurori si dhe korrektesine dhe shpejtesine e dhenies se informacionit ne kuader te bashkëpunimit institucional.
Inspektori i Larte i Drejtesise, Z.Metani, ne fjalen e tij e vuri theksin ne respektimin e te drejtave proceduriale me te gjitha palet ne proces dhe pavaresine e prokurorit ne hetim. Gjithashtu falenderoi bashkepunimin institucional me Prokurorine e Shkalles se Pare Elbasan.
Gjatë diskutimeve, pjesëmarrësit trajtuan problematikat dhe sfidat e hasura gjatë ushtrimit të veprimtarisë hetimore dhe të përfaqësimit në gjykim, duke u ndalur në nevojën për përmirësimin e mëtejshëm të proceseve të punës dhe rritjen e efikasitetit institucional.
Në përfundim të takimit, u theksua se prioritet për vitin 2026 do të jetë angazhimi i prokurorëve për të siguruar zbatimin e ligjit, për të garantuar rend, siguri dhe drejtësi për qytetarët, përmbushjen e funksioneve kushtetuese dhe ligjore të prokurorit me profesionalizëm, transparencë dhe efikasitet, si parakushte për rritjen e besimit të publikut tek sistemi i drejtësisë, përmes garantimit prej prokurorëve të procesit të rregullt dhe të drejtë gjyqësor.
