Florinda Zegullaj

16/06/2026

16/06/2026

📍 Sot zhvilluam mbledhjen e Komitetit Rajonal të Antitrafikimit të Personave të Qarkut Korçë, me pjesëmarrjen e institucioneve përgjegjëse dhe partnerëve që kontribuojnë në parandalimin dhe luftën kundër këtij fenomeni.

Gjatë takimit u analizua situata në qark, u diskutua mbi zbatimin e Mekanizmit Kombëtar të Referimit, masat parandaluese të ndërmarra nga institucionet, si dhe nevoja për forcimin e mëtejshëm të bashkëpunimit ndërinstitucional.

Trafikimi i personave mbetet një nga shkeljet më të rënda të të drejtave të njeriut dhe lufta kundër tij kërkon angazhim të vazhdueshëm nga të gjitha institucionet, pushteti vendor, strukturat ligjzbatuese, arsimi, shëndetësia dhe shoqëria civile.

Si Kryetare e Komitetit Rajonal, ritheksova rëndësinë e koordinimit të vazhdueshëm ndërmjet institucioneve, shkëmbimit të informacionit në kohë dhe forcimit të masave të ndërgjegjësimit në komunitet, veçanërisht për grupet më të rrezikuara.

Mbrojtja e dinjitetit njerëzor, siguria e qytetarëve dhe garantimi i të drejtave themelore mbeten përgjegjësi e përbashkët e të gjithëve ne.

🤝 Vetëm përmes bashkëpunimit, përgjegjshmërisë institucionale dhe veprimit të koordinuar mund të ndërtojmë komunitete më të sigurta dhe më të mbrojtura nga çdo formë shfrytëzimi.

15/06/2026

🇦🇱🤝🇲🇰

Në Pikën e Kalimit Kufitar Qafë Thanë zhvilluam një takim koordinues me autoritetet shqiptare dhe ato të Republikës së Maqedonisë së Veriut.

Në takim morën pjesë, nga pala shqiptare, Drejtori i Drejtorisë Vendore për Kufirin dhe Migracionin Korçë, z.Gëzim Zhupaj, Drejtori i Degës Doganore Qafë Thanë, z.Gentian Berberi, përfaqësues të Ambasadës së Republikës së Shqipërisë në Shkup, përfaqësues të Konsullatës së Përgjithshme të Republikës së Shqipërisë në Strugë, Komandanti i Policisë Kufitare Qafë Thanë, z.Benard Gjona, si dhe përfaqësues të tjerë të institucioneve përkatëse.

Nga pala e Republikës së Maqedonisë së Veriut morën pjesë Drejtori i Qendrës Rajonale Perëndimore, z.Goran Veljanoski, Drejtori Rajonal i Kufirit në Ohër, z.Ljupçe Spiroski, Shefi i Stacionit Policor Kufitar Kafasan, z. Jovan Bakalov, si dhe përfaqësues të tjerë të institucioneve homologe.

Takimi u përqendrua në masat që duhen ndërmarrë për përballimin me efikasitet të flukseve të shtuara gjatë sezonit turistik dhe jo vetëm, shtimin e burimeve njerëzore dhe logjistike, si dhe zbatimin e procedurës së lehtësimit me synim garantimin e lëvizjes së shpejtë, të sigurt dhe pa vonesa të qytetarëve dhe mjeteve në të dy anët e kufirit.

Si rezultat i diskutimeve dhe frymës së shkëlqyer të bashkëpunimit, u arrit dakordësia për shtimin e sporteleve të shërbimit dhe angazhimin e burimeve njerëzore shtesë gjatë periudhave me fluks të lartë, me qëllim përshpejtimin e procedurave kufitare dhe përmirësimin e cilësisë së shërbimit ndaj qytetarëve.

Bashkëpunimi i ngushtë ndërinstitucional dhe ndërkufitar mbetet garancia më e mirë për një sezon turistik të suksesshëm, për forcimin e lidhjeve mes dy vendeve tona dhe për ofrimin e standardeve sa më të larta të shërbimit në pikat e kalimit kufitar.

15/06/2026

📍Kalendari javor 8 - 14 Qershor 2026

15/06/2026

14/06/2026

Siguria ushqimore, mbrojtja e konsumatorit dhe garantimi i standardeve më të larta të kontrollit në kufi janë detyra që kërkojnë bashkëpunim të ngushtë ndërinstitucional.

Gjatë inspektimit në Pikën e Kalimit Kufitar Qafë Thanë, Ministri i Punëve të Brendshme, z. Besfort Lamallari dhe Ministri i Bujqësisë dhe Zhvillimit Rural, z. Andis Salla përcollën nga afër angazhimin e institucioneve për forcimin e kontrolleve dhe modernizimin e një prej pikave më të rëndësishme kufitare të vendit.

Qafë Thana, si një nga pikat kufitare ku ka nisur procesi i modernizimit, do të rrisë kapacitetet e kontrollit, analizës dhe monitorimit të produkteve dhe mallrave, duke garantuar më shumë siguri për qytetarët, mbrojtje për konsumatorin dhe luftë më efektive ndaj kontrabandës dhe produkteve të falsifikuara.

Në prag të sezonit turistik, ky investim merr një rëndësi të veçantë për rritjen e standardeve të shërbimit, sigurisë dhe besueshmërisë në hyrje-daljet kufitare të Qarkut Korçë.

Mirënjohje për të gjitha strukturat shtetërore që kontribuojnë çdo ditë me profesionalizëm dhe përkushtim në mbrojtjen e interesit publik dhe sigurisë së qytetarëve.

13/06/2026

Sot, më shumë se kurrë, politika nuk matet me zhurmën e ditës, por me gjurmët që lë në jetën e njerëzve.

Në këto 35 vite, Shqipëria ka kaluar përmes sfidave të mëdha, por ka ditur të ecë përpara, të ndërtojë institucione më të forta, të afrojë vendin me Evropën dhe të krijojë mundësi të reja zhvillimi për qytetarët e saj.

Në këtë përvjetor të PS, kujtoj se forca e vërtetë e një force politike nuk qëndron tek pushteti, por tek aftësia për të mbajtur përgjegjësi, për të dëgjuar, për të reflektuar dhe për të vazhduar të punojë për interesin publik.

Demokracia është e fortë kur secili ka të drejtën të shprehë mendimin e tij. Por ajo bëhet më e fortë kur, pavarësisht dallimeve, ne zgjedhim të ndërtojmë dhe jo të shkatërrojmë; të bashkojmë dhe jo të përçajmë.

Shqipëria që duam nuk ndërtohet me urrejtje, por me punë. Nuk ndërtohet me akuza, por me fakte. Nuk ndërtohet me ndarje, por me besim tek e ardhmja.

Le të vazhdojmë të punojmë me përkushtim, integritet dhe përgjegjësi, që brezat që vijnë të gjejnë një Shqipëri më të zhvilluar, më të drejtë dhe më dinjitoze.

🇦🇱 Për Shqipërinë që ecën përpara! Për Shqipërinë që nuk ndalet!

10/06/2026

Në vijim të takimeve në terren për forcimin e masave parandaluese gjatë sezonit veror, zhvilluam sot takime pune në Njësitë Administrative Trebinjë dhe Proptisht, në bashkëpunim të ngushtë me Bashkinë Pogradec, me pjesëmarrjen e përfaqësuesve të institucioneve vendore, Policisë së Shtetit, strukturave përgjegjëse dhe përfaqësuesve të komunitetit.

Në fokus të diskutimeve ishin masat konkrete për parandalimin e kultivimit të bimëve narkotike dhe parandalimin e zjarreve në pyje e kullota, duke vlerësuar rëndësinë e koordinimit të të gjitha strukturave përgjegjëse në nivel vendor.

Mbrojtja e territorit, e pasurive natyrore dhe garantimi i sigurisë publike kërkojnë angazhim të përbashkët dhe prani aktive në terren. Në këtë kuadër, vlerësoj gatishmërinë dhe bashkëpunimin për adresimin e këtyre prioriteteve, në funksion të mbrojtjes së mjedisit, zhvillimit të qëndrueshëm dhe mirëqenies së qytetarëve.

Angazhimi ynë i përbashkët mbetet i qartë: zero tolerancë ndaj kultivimit të bimëve narkotike dhe vigjilencë maksimale për parandalimin e zjarreve gjatë sezonit veror.