Bashkia Lezhe

12/06/2026

💙 12 QERSHOR – DITA BOTËRORE KUNDËR PUNËS SË FËMIJËVE
Sot, në Shëtitoren e Shëngjinit, Njesia Për Mbrojtjen e Fëmijëve organizoi aktivitetin sensibilizues me temë:
"Fëmijëria nuk është punë – çdo fëmijë ka të drejtë të ëndërrojë"
Aktiviteti mblodhi së bashku përfaqësues të institucioneve, fëmijë, qytetarë dhe OJF, me qëllim rritjen e ndërgjegjësimit mbi parandalimin e punës, lypjes dhe çdo forme shfrytëzimi të fëmijëve.
Në kuadër të këtij aktiviteti u prezantua Task Forca Lokale për monitorimin e rasteve të fëmijëve në situatë rruge, gjatë sezonit turistik.
Përmes monologut "Zëri i Fëmijëve" dhe instalacionit ndërgjegjësues si një hapësirë ku vizitorët mësojnë mbi ndikimin e punës së fëmijëve dhe rëndësinë e mbrojtjes së tyre", u përcoll mesazhi se çdo fëmijë meriton një fëmijëri të lumtur.
🤝 Bashkia Lezhë falënderon të gjitha institucionet partnere dhe pjesëmarrësit për kontributin dhe angazhimin e tyre në mbrojtjen e të drejtave të fëmijëve.
Le të punojmë së bashku që çdo fëmijë të ketë mundësinë të jetojë fëmijërinë që meriton.

12/06/2026

10/06/2026

📢 Kujtesë për të gjithë qytetarët dhe subjektet tregtare!

🗓️ Afati i fundit për pagesën e taksës së ndërtesës dhe truallit është 30 Qershor 2026.

✅ Kryeni pagesat në kohë për të shmangur penalitetet dhe detyrimet shtesë.

09/06/2026

🚜🌱 Puna vazhdon çdo ditë në terren, me të njëjtin ritëm dhe përkushtim, për të garantuar një infrastrukturë funksionale dhe në shërbim të bujqësisë.
📌Vetëm gjatë vitit 2026 është realizuar rehabilitimi i 70 km kanale kulluese dhe ujitëse.
🌾 Rehabilitimi infrastrukturës bujqësore mbetet një prioritet i rëndësishëm për të mbështetur fermerët dhe për të garantuar zhvillim të qëndrueshëm në zonat rurale.

08/06/2026

Nesër, Lezha mirëpret një mbrëmje të veçantë artistike me poezinë e autorit lezhjan Preç Zogaj, të sjellë për publikun përmes interpretimit të aktoreve të mirënjohura Luiza Xhuvani, Yllka Mujo dhe Elia Zaharia, me pjesëmarrjen e artistit të njohur Frederik Ndoci.

Ju ftojmë të bëheni pjesë e kësaj nate kulturore, nesër në orën 18:00, në Pallati i Kulturës ‘Ded Ndue Lazri’.

Mos mungoni në një mbrëmje kulture dhe arti, ashtu siç i ka hije Lezhës!

07/06/2026

Mirëmëngjes nga një atmosferë fantastike në Shëngjin, ku prej tre netësh UNUM Festival ka sjellë energji, muzikë dhe mijëra të rinj nga vende të ndryshme. Një festë që e ka kthyer qytetin në qendrën e argëtimit dhe turizmit veror. ☀️🎶🌊