Agjencia për Zhvillim Bujqësor dhe Rural

10/09/2026

Risili, Vlorë | Që prej vitit 2009, “Bregu i Lofatave” zhvillon aktivitetin e tij në sektorin e ullishtarisë, duke kultivuar rreth 4 000 rrënjë ullinjsh dhe duke u fokusuar në prodhimin e vajit të ullirit ekstra të virgjër.

🫒 Vaji i ullirit i prodhuar tregtohet në disa vende të Evropës dhe në Shtetet e Bashkuara të Amerikës, duke kontribuar në promovimin dhe eksportin e produkteve shqiptare në tregjet ndërkombëtare.

🌿 Në funksion të zgjerimit dhe modernizimit të aktivitetit, ata kanë lidhur kontratë me AZHBR-në për mekanizimin e bujqësisë, si dhe për linjat e përpunimit dhe ambalazhimit të vajit.

Një histori sipërmarrjeje shqiptare që rritet, investon dhe modernizohet.

09/09/2026

📍Koxhas, Shijak | Në kantinën “Dervishi”, periudha e vjeljes së rrush*t shënon një nga fazat më të rëndësishme të prodhimit.

🍇 Në rreth 5 hektarë vreshta kultivohen varietete të ndryshme rrushi, të cilat mblidhen dhe përzgjidhen për t’u transportuar e përpunuar në kantinë.

Procesi i prodhimit kërkon përkushtim dhe kujdes në çdo fazë, nga puna në vreshta dhe vjelja, deri te përpunimi i rrush*t dhe prodhimi i verës. Kjo periudhë është rezultat i një pune të vazhdueshme gjatë gjithë vitit.

📈 Përmes Skemës Kombëtare të Investimeve 2024, kantina ka përfituar mbështetje për mekanizimin e fermës.

Një investim që krijon më shumë mundësi për zhvillim dhe për një prodhim cilësor vendas.

07/09/2026

📍Mëngël, Elbasan | Në kompaninë Toka Olives Oil, një prej brendeve të reja në prodhimin e vajit ekstra të virgjër të ullirit dhe ullirit të tavolinës.

Me zgjerimin e gamës së produkteve, kompania ka investuar edhe në teknologji të reja të prodhimit. Në sajë të Skemës Kombëtare të Investimeve, ka lidhur kontratë me AZHBR për pajisje dhe linja për përpunimin e ullirit, ndërsa është edhe një ndër përfitueset e Kredisë së Butë me Garanci Sovrane.

🌿 Toka Olives Oil eksporton në SHBA, Kanada dhe tregjet evropiane, ndërsa produktet e saj janë të pranishme edhe në tregun vendas. Cilësia e produkteve të saj është vlerësuar edhe jashtë vendit, me çmimin Gold Award në Kanada për vajin organik të ullirit. 🏆

🇦🇱 Drejt tregjeve ndërkombëtare, me investime që i japin më shumë vlerë prodhimit vendas.

05/09/2026

🤍 5 SHTATOR | Dita e Shenjtërimit të Nënë Terezës

Një jetë kushtuar dashurisë, mirësisë dhe shërbimit ndaj njerëzve. Sot kujtojmë jetën dhe veprën e saj, si një shembull frymëzues kudo në botë. 🇦🇱

04/09/2026

🍇 Në vreshtat e Kantinës “Enofama”, në Toshkëz të Lushnjës, ka nisur vjelja e rrush*t.

Prej vitit 1998, sipërfaqja e vreshtave është rritur dhe sot shtrihet në 45 hektarë, me varietete autoktone, që furnizojnë tregun vendas dhe atë ndërkombëtar, në vende si Belgjika, Japonia, Kina dhe Brazili. 🍷

📈 Për zhvillimin dhe rritjen e kapaciteteve të aktivitetit, “Enofama” ka përfituar mbështetje nga Programi IPARD dhe Kredia e Butë me Garanci Sovrane, si edhe ka aplikuar në Skemën Kombëtare të Investimeve 2025, duke investuar në pajisje, makineri dhe linja përpunimi për vjeljen dhe prodhimin e verës.

✅ Një tjetër shembull i potencialit të prodhimit vendas dhe i rezultateve të investimeve në bujqësi. 🇦🇱

31/08/2026

🌲🏡E vendosur në Parkun Kombëtar të Malit të Tomorrit, në Kapinovë të Beratit, bujtina “Kapinova” ofron një përvojë të veçantë mes natyrës, peizazhit malor dhe qetësisë së zonës.

Mbështetur nga AZHBR, përmes Programit IPARD, ofron akomodim në 16 shtëpiza druri dhe mirëpret vizitorë nga vende të ndryshme të botës. 🌍

Tashmë, bujtina po zgjeron aktivitetin e saj me ndërtimin e ambienteve të restorantit, duke synuar forcimin e bashkëpunimit me fermerët e zonës dhe të sjellë në tryezë produkte të freskëta vendase. 🌱🍽️

27/08/2026

26/08/2026

Nga fotografimi ajror te identifikimi i parcelave 🛰️🌱

Ka nisur fotografimi i ri ajror i territorit nga ASIG, me teknologji dhe rezolucion të lartë. Të dhënat e përftuara do të përdoren për krijimin e ortofotove të reja, të cilat do të shërbejnë si bazë për ndërtimin e LPIS-Sistemit të Identifikimit të Parcelave të Tokës.

Përmes LPIS do të identifikohen dhe digjitalizohen parcelat dhe sipërfaqet bujqësore, duke ndihmuar në përcaktimin më të saktë të sipërfaqeve të pranueshme për mbështetje. 🌾

Për AZHBR-në, ky sistem do të jetë një instrument i rëndësishëm për administrimin dhe kontrollin e mbështetjes për fermerët.

✅ Çfarë sjell kjo?

🔹Më shumë saktësi në identifikimin e parcelave
🔹Më shumë transparencë
🔹Verifikim më të efektshëm të sipërfaqeve
🔹Administrim më modern të mbështetjes bujqësore

Nga fotografimi ajror te parcela, nga parcela te LPIS, teknologjia dhe të dhënat gjeohapësinore po bëhen pjesë e një administrimi më të saktë të mbështetjes për fermerët.

25/08/2026

📍Konispol | Me Shpëtim Shehun, përfaqësues i kompanisë Forest Lake, e cila dallohet për prodhimin e shegëve dhe agrumeve.

Me një sipërfaqe prej mbi 70 ha me shegë dhe 12 ha me agrume, Forest Lake furnizon tregun vendas, ndërsa pjesën më të madhe të prodhimit e orienton drejt eksportit. 📈

Për të zgjeruar më tej sipërfaqet e prodhimit, Forest Lake ka aplikuar në Skemën Kombëtare të Investimeve 2025, ku ka lidhur kontratë për mbjellje të reja dhe mekanizimin e bujqësisë.

✅ Këto investime synojnë rritjen e mëtejshme të sipërfaqes së kultivuar, sasisë dhe rendimentit të prodhimit. 🌱