16/06/2026
📍Kuvend
Zv. Ministri i Bujqësisë dhe Zhvillimit Rural, Arjan Jaupllari, prezantoi në Komisionin për Bujqësinë, Ushqimin dhe Zhvillimin Rural projektligjin “Për kontrollet zyrtare dhe aktivitetet e tjera zyrtare të kryera për të garantuar zbatimin e legjislacionit mbi ushqimin dhe ushqimin për kafshët, rregullimeve mbi shëndetin dhe mirëqenien e kafshëve, si dhe mbi shëndetin e bimëve dhe produktet për mbrojtjen e bimëve në Republikën e Shqipërisë”.
🔬 Qëllimi i projektligjit është harmonizimi i kuadrit ligjor shqiptar me legjislacionin e Bashkimit Europian në fushën e kontrolleve zyrtare për sigurinë ushqimore, shëndetin dhe mirëqenien e kafshëve, si dhe shëndetin e bimëve, në përputhje me standardet ndërkombëtare.
🤝 Projektligji synon forcimin e sistemit të kontrolleve zyrtare, garantimin e sigurisë ushqimore dhe mbrojtjen e shëndetit të konsumatorëve, kafshëve dhe bimëve, duke rritur transparencën, bashkëpunimin institucional dhe efektivitetin e mekanizmave të mbikëqyrjes sipas standardeve të Bashkimit Europian. 🇦🇱🇪🇺🍽️🌱🐄