DPA- Drejtoria e Përgjithshme e Akreditimit

Home
Albania
tirane
DPA- Drejtoria e Përgjithshme e Akreditimit

Drejtoria e Përgjithshme e Akreditimit (DPA) është i vetmi organizëm kombëtar i akreditimit

25/08/2026

🎒📚 Një vit i ri shkollor, një fillim i ri me cilësi!

🎓 Le ta nisim vitin shkollor me më shumë siguri, më shumë cilësi dhe më shumë besim.
Në prag të fillimit të vitit të ri shkollor, siguria dhe cilësia e produkteve dhe shërbimeve që shoqërojnë nxënësit çdo ditë janë më të rëndësishme se kurrë.

Nga ushqimi i sigurt në mensa dhe ambiente shkollore, te produktet shkollore, pajisjet, shërbimet e testimit dhe inspektimit, cilësia nuk duhet të lihet në dorë të rastësisë.

🔬 Akreditimi siguron që laboratorët, organizmat e inspektimit dhe organizmat e certifikimit të kenë kompetencën e nevojshme për të kryer në mënyrë të besueshme aktivitetet e vlerësimit të konformitetit.

Sepse pas çdo analize, inspektimi apo certifikimi të besueshëm, qëndron një element i rëndësishëm: kompetenca e verifikuar dhe besimi në rezultat.

Akreditimi – besim në çdo rezultat.

19/08/2026

☀️ VERA KA SHIJEN E SAJ. CILËSIA KA STANDARDIN E SAJ.

Vera është ajo qe shoqerohet me idene e restoranteve, produkteve të freskëta dhe momenteve që i shijojmë pa shumë mendime.

Por pas një vere të sigurt dhe cilësore fshihen shumë procese që nuk i shohim.

💧 Uji kontrollohet.
🧪 Produktet analizohen.
🏨 Shërbimet dhe strukturat qe mund të inspektohen.
✅ Sistemet qe duhet të certifikohen.

Dhe pas këtyre proceseve qëndron vlerësimi i konformitetit.

Kur laboratorët, organet e inspektimit dhe organet e certifikimit janë të akredituara, ne kemi më shumë besim se rezultatet mbi të cilat mbështetemi janë prodhuar nga organizma kompetentë, të paanshëm dhe në përputhje me standardet e përcaktuara.

🏖️ Sepse edhe kur ne mendojmë vetëm për pushime…

akreditimi vazhdon të punojë në sfond.

🌞 Shijoni verën.
Besoni te cilësia.
Kërkoni akreditimin.

Akreditimi – besim në çdo stinë.

05/08/2026

🔴Pas çdo akreditimi të suksesshëm nuk qëndron vetëm një institucion por edhe një ekip ekspertësh që bashkon njohuritë e tij për të garantuar kompetencën.

👉Në Drejtorinë e Përgjithshme të Akreditimit, krahas stafit të brendshëm, kontribuon një rrjet i gjerë vlerësuesish dhe ekspertësh teknikë të jashtëm, profesionistë me përvojë të spikatur në fusha të ndryshme.

👨‍🔬 Ata janë specialistë të laboratorëve, inxhinierë, mjekë, veterinerë, kimistë, biologë, ekspertë të mjedisit, sigurisë ushqimore, ndërtimit, teknologjisë së informacionit, sistemeve të menaxhimit dhe shumë disiplinave të tjera, të cilët sjellin ekspertizën e tyre sa herë që nevojitet një vlerësim teknik.

🤝 Çdo proces akreditimi është rezultat i një pune të përbashkët. Stafi i DPA-së koordinon procesin, ndërsa ekspertët teknikë japin vlerësimin profesional në fushat ku kërkohet kompetencë e specializuar.

📈 Me zgjerimin e fushave të akreditimit dhe rritjen e kërkesave për shërbime, këtij rrjeti i bashkohen vazhdimisht profesionistë të rinj, duke forcuar kapacitetet kombëtare dhe duke rritur besueshmërinë e sistemit të akreditimit.

📌 Akreditimi është një zinxhir kompetence, ku çdo hallkë ka rëndësi. Vetëm kur ekspertiza, paanshmëria dhe bashkëpunimi funksionojnë së bashku, ndërtohet besimi.

03/08/2026

Kur një nënë thotë: “Besoj se është e sigurt”, pas kësaj fjale qëndron më shumë sesa një ndjenjë.
Kur një nënë përgatit ushqimin e parë të fëmijës së saj, kur zgjedh një produkt për të voglin, kur merr një rezultat laboratorik gjatë shtatzënisë apo kur kujdeset për shëndetin e familjes, ajo mbështetet te diçka shumë të rëndësishme: informacioni i saktë dhe i besueshëm.
Por kush siguron që ky informacion është i besueshëm?
Këtu hyn në rol akreditimi.
Akreditimi nuk prodhon ushqimin, nuk kryen analizat mjekësore dhe nuk jep vetë certifikata. Ai siguron që laboratorët, organizmat e inspektimit dhe certifikimit të jenë kompetentë, të paanshëm dhe të aftë të japin rezultate të sakta.
Sepse pas çdo vendimi që merr një prind për fëmijën e tij, pas çdo kujdesi për shëndetin tonë, qëndron nevoja për të besuar.
📌 Akreditimi është infrastruktura e padukshme që i jep vlerë fjalës “besoj”.

30/07/2026

📌 Drejtoria e Përgjithshme e Akreditimit organizoi online diten e marte me date 26.07.2026, mbledhjen e Komitetit Teknik të Inspektimit, në kuadër të procesit të vlerësimit dhe vendimmarrjes teknike për akreditimin.

Gjatë mbledhjes u shqyrtua procedura e ndjekur për akreditim fillestar të një Organi të Vlerësimit të Konformitetit te lidhur, si dhe kandidatura për zgjerimin e trupës së Kryevlerësuesve në fushën e ISO/IEC 17020, me synim forcimin e kapaciteteve teknike dhe mbështetjen e proceseve të akreditimit.

Ky angazhim pasqyron përkushtimin e DPA-së për të garantuar një sistem akreditimi të bazuar në kompetencë, paanshmëri dhe profesionalizëm, duke forcuar vazhdimisht kapacitetet institucionale dhe cilësinë e shërbimeve në përputhje me standardet ndërkombëtare.

🔹 Ekspertizë që ndërton besim. Akreditim që garanton cilësi

29/07/2026

💡 A e dini?

Shumica prej nesh përfiton çdo ditë nga shërbime të mbështetura nga akreditimi… pa e kuptuar.

Kur bëni një analizë gjaku, blini ujë të ambalazhuar, konsumoni produkte ushqimore, notoni në një pishinë... ka shumë mundësi që pas tyre të qëndrojë puna e laboratorëve, trupave të inspektimit ose organizmave të certifikimit të akredituar.

Akreditimi nuk është një vulë që e sheh konsumatori në çdo rast, por është garancia e padukshme që rezultatet e analizave, inspektimeve dhe certifikimeve janë të besueshme, të sakta dhe të njohura sipas standardeve ndërkombëtare.

Në fakt, nga momenti që zgjoheni deri në fund të ditës, ka shumë gjasa të përfitoni disa herë nga shërbime që mbështeten në akreditim:
✔️ analizat mjekësore;
✔️ kontrolli i cilësisë së ushqimeve dhe ujit;
✔️ monitorimi i mjedisit;
✔️ inspektimet teknike;
✔️ certifikimi i produkteve, sistemeve dhe personelit.

Akreditimi nuk është gjithmonë i dukshëm. Por besimi që ai krijon është i pranishëm në çdo hap të jetës sonë.

27/07/2026

🏁 Akreditimi nuk është një destinacion. Është një rrugëtim drejt besimit.

Çdo organizatë që zgjedh të akreditohet nis një udhëtim të rëndësishëm. Gjithçka fillon me një aplikim, por ky është vetëm starti.

📄 Dokumentacioni shqyrtohet me kujdes.
👥 Një ekip vlerësuesish verifikon në terren kompetencën teknike dhe përmbushjen e kërkesave të standardeve ndërkombëtare.
📝 Gjetjet analizohen, trajtohen dhe, kur plotësohen të gjitha kërkesat, merret vendimi për akreditim.
🏅 Certifikata e akreditimit konfirmon se kompetenca është vlerësuar dhe njohur.
🔄 Më pas, procesi vazhdon me mbikëqyrje periodike, sepse besimi nuk fitohet vetëm një herë – ai ruhet dhe forcohet vazhdimisht.

Në DPA, çdo hap i këtij procesi ndërtohet mbi tre vlera themelore:

✔️ Kompetencë
✔️ Paanshmëri
✔️ Besim

Akreditimi nuk është thjesht një certifikatë. Ai është dëshmia se cilësia verifikohet, kompetenca provohet dhe rezultatet mund të besohen.

📍 Ndiqni infografikun dhe zbuloni rrugëtimin e plotë të procesit të akreditimit.

24/07/2026

📌 Java në DPA 👉 Një javë e mbushur me angazhim për cilësinë dhe besimin

👉Çdo javë tek ne është një hap më pranë forcimit të sistemit kombëtar të akreditimit.

Gjatë kësaj periudhe, Drejtoria e Përgjithshme e Akreditimit ka vijuar punën për:

✅ Zhvillimin e proceseve të akreditimit dhe shqyrtimin e aplikimeve;
✅ Bashkëpunimin me komitetet teknike dhe palët e interesuara;
✅ Përditësimin e dokumentacionit dhe informacionit në faqen zyrtare;
✅ Mbështetjen e organizmave të vlerësimit të konformitetit me informacion dhe asistencë teknike;
✅ Promovimin e rolit të akreditimit përmes komunikimit dhe informimit të publikut.

Ju urojmë të gjithëve një fundjavë të mbarë!

23/07/2026

Nga laboratori te tavolina juaj – Akreditimi është aty në çdo hap!

A keni menduar ndonjëherë se çfarë fshihet pas një analize laboratorike të saktë, një produkti të sigurt, ujit që konsumojmë apo një certifikate që garanton cilësinë?

Përgjigjja është akreditimi.

Çdo ditë përfitojmë nga puna e laboratorëve, organeve të inspektimit dhe certifikimit të akredituara, të cilat vlerësohen sipas standardeve ndërkombëtare për të garantuar kompetencë, paanshmëri dhe besueshmëri.

✅ Më shumë siguri për qytetarët.
✅ Më shumë besim për konsumatorët.
✅ Më shumë konkurrueshmëri për bizneset.
✅ Më shumë cilësi në produktet dhe shërbimet që përdorim.

Akreditimi nuk është thjesht një procedurë teknike – ai është një garanci që ndikon drejtpërdrejt në jetën tonë të përditshme, duke mbështetur zhvillimin ekonomik, mbrojtjen e konsumatorit dhe besimin në treg.

Drejtoria e Përgjithshme e Akreditimit vijon të punojë për një Shqipëri më cilësore, më të sigurt dhe më konkurruese.

🔹 Akreditimi – besim në çdo rezultat.

20/07/2026

Enjoy the videos and music you love, upload original content, and share it all with friends, family, and the world on YouTube.

Address

Rr " Durresit, Nr. 27
Tirane
1001

Telephone

+35542269097

Website

http://www.dpa.gov.al/

Alerts

Be the first to know and let us send you an email when DPA- Drejtoria e Përgjithshme e Akreditimit posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to DPA- Drejtoria e Përgjithshme e Akreditimit:

Want your organization to be the top-listed Government Service in tirane?