05/06/2026
📢 ՀԱՅՏԱՐԱՐՈՒԹՅՈՒՆ
Հարգելի՛ գործընկերներ,
ՀՀ էկոնոմիկայի նախարարության կողմից Արենի համայնքում զբոսաշրջային կլաստերի ստեղծման ծրագրի շրջանակում ձևավորվում է Տեղական աշխատանքային խումբ (ՏԱԽ)։
Տեղական աշխատանքային խումբը կարևոր դերակատարություն կունենա ծրագրի իրականացման, համայնքի զբոսաշրջային զարգացման առաջնահերթությունների ձևավորման, ինչպես նաև համայնքի բնակիչների, մասնավոր հատվածի, քաղաքացիական հասարակության և այլ շահագրգիռ կողմերի մասնակցության ապահովման գործում։
Անդամակցության համար հրավիրվում ենք Արենի համայնքի՝
✅ համայնքային վարչակազմի ներկայացուցիչներ,
✅ հանրային և մասնավոր հատվածների ներկայացուցիչներ,
✅ հասարակական կազմակերպությունների ներկայացուցիչներ,
✅ Կապալառու և մատակարար ընկերությունների (գազ, էլեկտրաէներգիա, ջուր, ինտերնետ) ներկայացուցիչներ
✅ համայնքի ակտիվ և նախաձեռնող բնակիչներ։
ՏԱԽ անդամները հնարավորություն կունենան մասնակցելու համայնքի զբոսաշրջային զարգացման ծրագրերի քննարկմանը, առաջարկությունների ներկայացմանը և որոշումների կայացման գործընթացներին։
Հայտադիմումի ձևը կցվում է:
📅 Հայտերի ընդունման վերջնաժամկետը՝ հունիսի 10-ը:
Հայտադիմումները կարող են ներկայացվել ինչպես էլեկտրոնային եղանակով, այնպես էլ կարող են լրացվել Արենիի համայնքապետարանում:
Լրացուցիչ տեղեկությունների և մանրամասների համար կարող եք զանգահարել՝ 093075581:
Հայտադիմումները կարող եք ուղարկել [email protected] էլ.փոստով:
