Բերդի համայնքապետարան/Berd Municipality

02/06/2026

🌞
Բերդ քաղաքում և համայնքի բոլոր բնակավայրերում հունիսի 1-ին կայացել են բազմաբնույթ միջոցառումներ՝ նվիրված Երեխաների պաշտպանության միջազգային օրվան:

🌞Բերդի մշակույթի տանը տեղի է ունեցել տոնական միջոցառում, որին ներկա է եղել նաև համայնքի ղեկավար Աստղիկ Հակոբյանը:
Ընթերցվել է համայնքի ղեկավարի ուղերձը՝ նվիրված Երեխաների պաշտպանության միջազգային օրվան: Ելույթ են ունեցել մշակույթի տան պարային խմբերը և երգչախումբը:

🌞Երեխաների ժամանցն առավել հիշարժան ու գունեղ դարձնելու նպատակով մշակույթի տան նախաձեռնած միջոցառմանը մասնակցել են նաև համայնքում գործունեություն ծավալող մի շարք երեխայակենտրոն կազմակերպություններ՝ «Տավուշ» հիմնադրամը, «ՍՕՍ-Մանկական Գյուղեր» հայկական բարեգործական հիմնադրամը, «AMAA Armenia» կազմակերպությունը:

🌞Օրվա հերոսներին նվիրված տոնական միջոցառումներ, սպորտլանդիաներ են կայացել համայնքի բոլոր նախադպրոցական ուսումնական հաստատություններում և մշակույթի տներում:

🌞«Հույսի կամուրջ» ՀԿ-ի Բերդի մասնաճյուղը հետաքրքիր խաղեր է կազմակերպել «Բերդի թիվ 2 մանկապարտեզ» ՀՈԱԿ-ի սաների համար:

📷Մանրամասները՝ մեր լուսանկարային ռեպորտաժում:
______
🌞🌞🌞Թանկագի՛ն փոքրիկներ,
մեկ անգամ ևս ջերմորեն շնորհավորում ենք ձեզ՝ մաղթելով անհոգ, երջանիկ ու գունեղ մանկություն:

02/06/2026

Տավուշ Մեդիայի նախաձեռնությամբ հունիսի 3-ին՝ ժամը 15:00 – 17:00-ը, Բերդի «Սորաններ» դենդրոպարկում կտեղակայվի «Տավուշի խոսափողը»՝ բաց հանրային հարթակը, որտեղ ամեն մի քաղաքացի՝ հենց Դուք, կարող է բարձրաձայնել իր խոսքը, հարցը, պահանջը, մտահոգությունը, քննադատությունն ու առաջարկը։
Մանրամասները՝ այստեղ.

📢 ՏԱՎՈՒՇՆ Է ԽՈՍՈՒՄ - ԺՈՂՈՎՐԴԱԿԱՆ ԽՈՍԱՓՈՂ ԲԵՐԴՈՒՄ

🗓 Հունիսի 3-ին՝ ժամը 15:00 – 17:00-ը, Բերդի «Սորաններ» դենդրոպարկում կտեղակայվի «Տավուշի խոսափողը»՝ բաց հանրային հարթակը, որտեղ ամեն մի քաղաքացի՝ հենց Դուք, կարող է բարձրաձայնել իր խոսքը, հարցը, պահանջը, մտահոգությունը, քննադատությունն ու առաջարկը։ 🗣️

💼 Սոցիալ-տնտեսական խնդիրներ
🌾 Գյուղատնտեսություն
🛣 Ճանապարհներ և ենթակառուցվածքներ
🛡 Անվտանգություն
📚 Կրթություն
🏥 Առողջապահություն
🏞 Զբոսաշրջություն
👥 Երիտասարդություն
💼 Զբաղվածություն
🌄 Տավուշի ապագան
❗ Ձեզ մտահոգող այլ հարցեր
Խոսափողը բաց է ձեզնից յուրաքանչյուրի համար։ Սա քաղաքական բեմ չէ։ Սա ժողովրդի ձայնն է։ 🤝

🗓 Հունիսի 3
🕛 15:00 – 17:00
📍 Բերդի «Սորաններ» դենդրոպարկում

🔗 Այս ձևաչափով առաջին հանդիպումը տեղի ունեցավ Իջևանում․ ուղիղ հեռարձակումը ՝https://tavushmedia.am/hy/tavushcineri-dzayny-ughigh-eterum-zhoghovrdakan-khosapoghn-ijevanum/

Հորդորում ենք զերծ մնալ ատելության խոսքից, վիրավորանքներից և անհանդուրժողականություն տարածող արտահայտություններից՝ պահպանելով փոխադարձ հարգանքի մթնոլորտը։
Լրացուցիչ հարցերի դեպքում զանգահարել 055010401 կամ 077 568968 հեռախոսահամարներով, կամ գրել [email protected] հասցեին։

#ՏավուշնԷԽոսում #ժողովրդականԽոսափող #Տավուշ

02/06/2026

☀️
Հունիսի 1-ին Այգեձորի մանկապարտեզում կայացել է ավանդական սպորտլանդիա մարզական միջոցառումը, որը կազմակերպվում է արդեն 18-րդ տարին անընդմեջ։

Համայնքի ղեկավար Աստղիկ Հակոբյանը, Այգեձոր բնակավայրի վարչական ղեկավար Լորիս Միրզոյանը և «Այգեձորի մանկապարտեզ» ՀՈԱԿ-ի տնօրեն Հեղնար Սաֆարյանը Երեխաների պաշտպանության միջազգային օրվա կապակցությամբ շնորհավորել են օրվա հերոսներին՝ մաղթելով նրանց խաղաղ, անհոգ և գունեղ մանկություն:
_______

☀️Երեխաների պաշտպանության միջազգային օրվան նվիրված այս գեղեցիկ ավանդույթը տարիներ շարունակ համախմբում է մանկապարտեզի սաներին՝ պարգևելով նրանց ուրախ և հիշարժան տոն։

02/06/2026

☀️ Ամառային հանգիստ դպրոցականների համար. մեկնարկում է հայտերի ընդունումը
_______
📌Հարգելի՛ հայրենակիցներ, մեկնարկում է 2026 թվականի ամառային ճամբարների կազմակերպման ծրագիրը՝ նախատեսված 7-13 տարեկան դպրոցահասակ երեխաների համար:

✅Ծրագրից կարող են օգտվել հետևյալ խմբերի ընտանիքների երեխաները.

🔹Զոհված, հաշմանդամություն ձեռք բերած կամ հաշմանդամություն ունեցող զինծառայողների և աշխարհազորայինների ընտանիքներ,
🔹Ծնողազուրկ երեխաներ,
🔹 Ընտանիքների անապահովության գնահատման համակարգում հաշվառված և անապահովության 0-ից բարձր միավոր ունեցող ընտանիքներ,
🔹Սոցիալապես անապահով ճանաչված այն ընտանիքներ, որտեղ մեկ հաշվարկային անդամի ամսական եկամտի չափը ցածր է անապահովության նպաստի սահմանային շեմի 185 տոկոսի արժեքից,
🔹 Ազգային փոքրամասնությունների ընտանիքներ:
📝 Ինչպե՞ս դիմել․
Ծրագրին մասնակցելու և երեխաների ամառային հանգիստը կազմակերպելու համար ցանկացողները կարող են դիմել համապատասխան դպրոցի տնօրենությանը:

01/06/2026

Բերդ համայնքի ղեկավար Աստղիկ Հակոբյանի ուղերձը Երեխաների պաշտպանության միջազգային օրվա առթիվ
_____
🌞Թանկագի՛ն երեխաներ,

սիրով ու ջերմությամբ շնորհավորում եմ ձեզ ամենագեղեցիկ ու լուսավոր տոնի` Երեխաների պաշտպանության միջազգային օրվա կապակցությամբ:

Այս օրը նվիրված է ձեզ՝ մեր համայնքի ամենապայծառ, ամենաանկեղծ ու ամենասիրելի բնակիչներին։

Ձեր երջանկությունն ու ժպիտները մեր կյանքի ամենավառ գույներն են։

Ձեր երազանքների շուրջ է կառուցվում մեր վաղվա օրը։

Դուք մեր համայնքի ուժն ու հույսն եք, և մեր պարտքն է անել հնարավորը, որպեսզի դուք մեծանաք խաղաղ, ապահով և սիրով լի միջավայրում` վստահ քայլելով դեպի ձեր նպատակները։

🌞Սիրելի՛ փոքրիկներ,

մաղթում եմ ձեզ գունեղ ու հեքիաթային մանկություն:

Թող ձեր կյանքի ամեն օրը լեցուն լինի պայծառ ժպիտներով ու անհոգ ծիծաղով:

🌞Երբեք չդադարեք հավատալ հրաշքներին:

Սիրով ու ջերմությամբ՝ Ա. Հակոբյան

29/05/2026

🎨🎼Այսօր՝ մայիսի 29-ին, կայացել է Բերդի երաժշտական և արվեստի դպրոցի 2025-2026 ուսումնական տարվա հաշվետու համերգ-ցուցահանդեսը:

Ներկաները նախ ծանոթացել են արվեստի բաժնի սաների նկարչական աշխատանքներին, այնուհետև ունկնդրել դպրոցի երգչախմբի, դաշնամուրային, լարային, փողային նվագարանների և այլ բաժինների աշակերտների ելույթները:

28/05/2026

🇦🇲Բերդ համայնքի ղեկավար Աստղիկ Հակոբյանի շնորհավորական ուղերձը Հանրապետության տոնի առթիվ
——-
Հարգելի՛ հայրենակիցներ,

սիրով ու ջերմությամբ շնորհավորում եմ բոլորիդ Հանրապետության տոնի և Հայաստանի առաջին Հանրապետության հռչակման 108-րդ տարեդարձի կապակցությամբ։

Այս տոնը խորհրդանշում է մեր ժողովրդի անձնազոհ պայքարի ոգին, վերածնունդը և ազգային միասնությունը:

Բազում փորձություններ հաղթահարած հայ ժողովուրդն ամենաօրհասական պահին փառահեղ հաղթանակներ կերտեց՝ վերահաստատելով ազատ ապրելու իր կամքը:

Բաշ-Ապարանի, Ղարաքիլիսայի և Սարդարապատի հերոսամարտերը բեկեցին պատմության ընթացքը, և ծնվեց Հայաստանի Առաջին Հանրապետությունը:
____
Սիրելի՛ հայրենակիցներ,

թո՛ղ մայիսյան հաղթանակների ոգին մշտապես հիշեցնի մեզ անցյալի հերոսական էջերը՝ վերահաստատելով, որ միասնականության ուժը զորեղ ու անպարտելի է:

Թո՛ղ այս տոնն այսուհետ ևս շարունակի ամրապնդել մեր հավատը, կամքն ու սերն առ հայրենիք:

Մաղթում եմ տոկունություն, ուժ, միասնականություն՝ հանուն մեր պետության հզորացման ու ժողովրդի բարօրության:

Հարգանքով` Ա. Հակոբյան

25/05/2026

🔔Այսօր՝ մայիսի 25-ին, Բերդի մշակույթի տանը կայացել է «Վերջին զանգի» համայնքային միջոցառումը՝ համախմբելով համայնքի բոլոր հանրակրթական դպրոցների շրջանավարտներին:

🇦🇲Միջոցառման մեկնարկին հնչել է ՀՀ պետական օրհներգը, այնուհետև ընթերցվել է համայնքի ղեկավար Աստղիկ Հակոբյանի շնորհավորական ուղերձը Վերջին զանգի կապակցությամբ:

Շրջանավարտներին շնորհավորել է նաև Բերդի մշակույթի տան տնօրեն Մարիետա Մանուչարյանը:

Միջոցառումը շարունակվել է հյուրասիրությամբ և երիտասարդական ժամանցային ծրագրով՝ DJ-ի մասնակցությամբ:
______
🔔Հիշեցնենք, որ Բերդ համայնքում դպրոցին հրաժեշտ է տվել 297 շրջանավարտ:

Ավանդույթին հավատարիմ մնալով՝ Բերդի համայնքապետարանը՝ համայնքի ղեկավար Աստղիկ Հակոբյանի նախաձեռնությամբ, ավելի վաղ նվերներ է հանձնել բոլոր շրջանավարտներին:

23/05/2026

🔔🔔🔔Բերդ համայնքում դպրոցին հրաժեշտ է տվել 297 շրջանավարտ. նրանք կյանքի նոր ճանապարհի շեմին են՝ լի հույսերով, նպատակներով, երազանքներով:
______
🌼Թանկագի՛ն շրջանավարտներ,

Մեկ անգամ ևս շնորհավորում ենք ձեզ Վերջին զանգի կապակցությամբ:

🌼Թող ձեր անցնելիք բոլոր ճանապարհները լինեն նույնքան պայծառ ու գեղեցիկ, որքան ձեր այսօրվա երազանքները:

🌞Բարին ընդ ձեզ:
________
Լուսանկարները տրամադրել են համայնքի հանրակրթական դպրոցները:
(Լուսանկարները լրացվում են։)

22/05/2026

#Պառավաքար
🔔 Համայնքի ղեկավար Աստղիկ Հակոբյանը և Պառավաքարի վարչական ղեկավար Սարգիս Մարգարյանն այսօր՝ մայիսի 22-ին, մասնակցել են Պառավաքարի է. Մելքումյանի անվան միջնակարգ դպրոցի շրջանավարտների Վերջին զանգի տոնական միջոցառմանը:

Համայնքի ղեկավարը, դիմելով շրջանավարտներին, նշել է. «Սիրելի՛ շրջանավարտներ, սրտանց շնորհավորում եմ ձեր կյանքի ամենակարևոր իրադարձություններից մեկի՝ Վերջին զանգի կապակցությամբ: Մաղթում եմ բազում հաջողություններ և ձեռքբերումներ, երազանքների իրականացում: Խնդրում եմ, որ ձեր երազանքների էջին ավելացնեք ևս մի տող. վերադառնալ ծննդավայր՝ ձեր ստացած գիտելիքները և փորձառությունը ծառայեցնելու համայնքի հզորացմանը»:

Աստղիկ Հակոբյանն իր երախտագիտությունն է հայտնել մանկավարժներին նվիրումի և տքնաջան աշխատանքի համար:

Պառավաքարի Է. Մելքումյանի անվան միջնակարգ դպրոցի տնօրեն Նաիրա Ղայթմազյանը և ուսուցչական անձնակազմը համայնքի ղեկավարի կողմից պարգևատրվել են շնորհակալագրով՝ հայրենասեր, գիտակից, ազգային արժեքներով առաջնորդվող սերունդ դաստիարակելու գործում ունեցած նշանակալի ներդրման համար:

Շրջանավարտներին շնորհավորել է նաև Պառավաքարի վարչական ղեկավար Սարգիս Մարգարյանը: