Գյումրիում մեծ փորձ ու հարուստ կենսագրություն ունի գրադարանը: Հաղթահարելով երկրաշարժի ծանր փորձությունները՝այն քայլ առ քայլ ստեղծվել և իրավամբ դարձել է մեր քաղաքի մշակութային, գիտական և հոգևոր դաստիարակության հզոր կենտրոնը:
1997թ.-ի ապրիլի 1-ից սկսեց գործել Գրադարանների Կենտրոնացված Համակարգը, որի մասնաճյուղ գրադարանները տեղաբաշխվեցին քաղաքի տարբեր մասերում և իրենց ակտիվ գործունեությամբ դարձան ը
նթերցանության ղեկավարման, նորի, առաջավորի պրոպագանդման հաստատուն դարբնոցներ:Գրադարանային համակարգի մեջ իր ուրույն տեղն ու դերն է ունեցել Կենտրոնական գրադարանը:Լավագույն աշխատանքի համար գրադարանը բազմիցս արժանացել է պատվոգրերի և խրախուսանքների:2005թ. սեպտեմբերի 1-ից ԳԿՀ-ն անվանափոխվել է ՀՈԱԿ-ի, իսկ Գյումրու ավագանու 24.06.2006թ. թիվ 5 որոշման համաձայն այն անվանափոխվել է Մ. Արմենի անվան ՀՈԱԿ-ի:Այսօր Գյումրին իրավամբ կարող է հպարտանալ գործող յուրաքանչյուր գրադարանով և այստեղ աշխատող բազմավաստակ գրադարանավարուհիներով, ովքեր ջանք ու եռանդ չեն խնայում մատաղ սերունդին կրթելու և դաստիարակելու, գրադարանային գործը բարձունքին պահելու համար:
Մասնաճյուղ-գրադարանների շարքում իրենց ուրույն տեղն ունեն մանկական գրադարանները՝ ի դեմս Հ. Թումանյանի անվան մանկական գրադարանի,Դ. Վարուժանի անվան մանկական գրադարանի, որոնք իրենց բազմաբովանդակ աշխատանքով հնարավորություն են ստեղծել մանուկ ընթերցողի համար կապվել գրքի հետ, լայնացնել մտահորիզոնը, իմացության շրջանակը: Կապի մեջ լինելով քաղաքում գործող դպրոցների հետ ՝ նրանք խորացրել են դպրոց-գրադարան-ծնող համագործակցությունը:
