«Գյումրու թիվ 7 հիմնական դպրոց»ՊՈԱԿ

«Գյումրու թիվ 7 հիմն. դպրոց» ՊՈԱԿ-ը կազմավորվել է 2003թ. Գյումրու №16, 7 և №14 լավագույն ավանդույթներ ունեցող դպրոցների միավորումից: Միավորման պահին դպրոցն ուներ 1600 աշակերտ և երեք դպրոցների ուսուցչական անձնակազմ: Տարիների ընթացքում ուսուցչական անձնակազմը վերածվեց կուռ, ամբողջական հանրույթի, որն աշխատում է սիրով և մեծ նվիրումով: Հարկ է նշել, որ այդ դպրոցները տվել են աշակերտներ, որոնք մասնակցել ե

ն ՀՀ- ի պատմության կերտմանը՝ ճարտարապետներ Ա. Թարխանյան, քանդակագործ Ֆ. Սողոյան, ՌԴ բանակի գեներալ Չոբանյան, գեներալ-գնդապետ Գ. Հակոբյան, գեներալ-մայոր Ա. Ղազարյան, բանաստեղծ Ռ. Դավոյան, ինչպես նաև պետական քաղաքական գործիչներ Մ. Մկրտչյան, Մ. Մուրադյան, Ա. Գոմցյան: ԳԱ ակադեմիկոսներ Լ. Հակոբյան, Ս. Հովհաննսյան: Այսօր էլ բարձր է դպրոցի գիտակրթական մակարդակը. ունենք գիտությունների 4 թեկնածու, I տարակարգ ունեցող 4 մանկավարժ, վաստակավոր, վերապատրաստող, «Տարվա լավագույն ուսուցիչ» մրցույթի տարբեր տարիների պատվոգրերով, դիպլոմներով պարգևատրված ուսուցիչներ: Իսկ 2013թ. «Գյումրու թիվ 7 հիմն. դպրոց» ՊՈԱԿ-ի տնօրեն Գ. Կարապետյանը հաղթող ճանաչվեց «Տարվա լավագույն տնօրեն » հանրապետական մրցույթում: Դպրոցն ունի մեծ հաջողություններ կրթական, սպորտի և մշակութային ոլորտներում: Ունեցանք առարկայական օլիմպիադաների հանրապետական փուլի մասնակիցներ և դիպլոմակիրներ, ոսկեմեդալակիր շրջանավարտներ, որոնք իրենց ուսումը հաջողությամբ շարունակեցին մեր և արտասահմանյան (ՌԴ) բուհերում: Սպորտային ոլորտում ևս մեր սաները հաջողությամբ են հանդես գալիս՝ Հայաստանի դրոշը բարձր պահելով Եվրոպական և համաշխարհային մրցույթներում՝ հանձին հունահռոմեական ոճի ըմբշամարտիկ Արթուր Ալեքսանյանի: «Հայաստանի ձայն» նախագծի I հաղթողը դարձյալ մեր շրջանավարտ Մերի Մնջոյանն էր: Դպրոցը հաջողություններ ունի նաև այլ բնագավառներում՝ ասմունքի մրցույթներում բարձր տեղեր գրավողներ, շախմատի միջազգային մրցույթներում հաղթողներ: Դպրոցը հաջողությամբ համագործակցում է մի շարք կազմակերպությունների և ՀԿ-ների հետ՝ «Հայկական Կարիտաս», «Ջինիշյան հիմնադրամ», «Փյունիկ» ՀԿ և այլն: «Գյումրու թիվ 7 հիմն. դպրոց» ՊՈԱԿ-ն առաջիններից էր, մարզում, որ հաջողությամբ իրականացրեց և իրականացնում է ներառական կրթության ծրագիր. ունենք շուրջ 100 ներառված աշակերտ: 2014թ-ից դպրոցում մեծ հաջողությամբ գործում է նաև նախակրթարանը՝ 2 խմբով: Դպրոցի բարձր վարկանիշի մասին է խոսում նաև այն փաստը, որ արդեն մի քանի տարի շարունակ Շիրակի մարզում № 7 հիմն. դպրոցը ֆավորիտ է առաջին դասարանցիների թվով: «Գյումրու թիվ 7 հիմն. դպրոց» ՊՈԱԿ-ի հանրույթը այսօր էլ աշխատում է մեծ եռանդով ու նվիրումով:
Գյումրու թիվ 7 դպրոցի նախկին տնօրեններ
Ներսիսյան Աղվան- 1973-1988թթ
Պետրոսյան Արմիկ- 1988-1994թթ
Գրիգորյան Թերեզա- 1994-2000թթ
Պետրոսյան մարլեն- 2000-2003թթ
Կարապետյան Գագիկ- 2003-մինչ այսօր
Գյումրու № 14 դպրոցի նախկին տնօրեններ
Զառիֆյան Աննա- 1944-1950թթ
Հայրապետյան Վիշիկ- 1971-1992թթ
Կարապետյան Գագիկ- 1992-2003թթ
Գյումրու № 16 դպրոցի նախկին տնօրեններ
Պապոյան Սիմոն- 1976-1979թթ
Ղազարյան Ռիմա- 1979-1997թթ
Թամիրյան Վարդան- 1997-2003թթ