ՔԱՋԱՐԱՆԻ ՀԱՄԱՅՆՔԱՊԵՏԱՐԱՆ

03/06/2026

🗣️ Քաջարան համայնքի ղեկավար Մանվել Փարամազյան/Manvel Paramazyan Manvel Paramazyan ի նախաձեռնությամբ և առաջնորդությամբ` Զանգեզուրի պղնձամոլիբդենային կոմբինատ / Zangezur Copper Molybdenum Combine ի գլխավոր տնօրեն Ռոման Խուդոլիի հետ միասին տեղի ունեցավ շրջայց համայնքի շինհրապարակներում, որին մասնակցում էին Քաջարանի համայնքապետի և "ԶՊՄԿ" ՓԲԸ գլխավոր տնօրենի տեղակալները, ինչպես նաև համայնքապետարանի աշխատակազմի և հանքարդյունաբերական հսկայի համապատասխան ստորաբաժանումների պատասխանատուները, Քաջարան համայնքի Կոմունալ տնտեսություն ՓԲԸ ղեկավար կազմը և շինարարական կազմակերպությունների ներկայացուցիչները։

✅ Համայնքի ղեկավարը տեղում ծանոթացրեց կատարվող աշխատանքների ընթացքին, ներկայացրեց առաջիկա ծրագրերը և քննարկեցին հետագա անելիքները` համայնքի զարգացման գործում և ծրագրերում, որտեղ կոմբինատը ունի իր առյուծի բաժինը։

01/06/2026

ՔԱՋԱՐԱՆ ՀԱՄԱՅՆՔԻ ՂԵԿԱՎԱՐ ՄԱՆՎԵԼ ՓԱՐԱՄԱԶՅԱՆԻ ՈՒՂԵՐՁԸ ՀՈՒՆԻՍԻ 1-Ի` ԵՐԵԽԱՆԵՐԻ ՊԱՇՏՊԱՆՈՒԹՅԱՆ ՄԻՋԱԶԳԱՅԻՆ ՕՐՎԱ ԿԱՊԱԿՑՈՒԹՅԱՄԲ։

Իմ փոքրիկ բարեկամներ,
սրտանց շնորհավորում եմ Երեխաների իրավունքների պաշտպանության միջազգային օրվա կապակցությամբ:

Հունիսի 1-ը օրացույցի թերևս ամենալուսավոր տոներից մեկն է, որը մեզ նախ և առաջ պարտավորեցնում է կենտրոնացնել համայնքի ողջ ներուժը և գործի դնել մեր բոլոր ջանքերը` մանուկներին խաղաղ ու անվտանգ մանկություն և արժանապատիվ ապրելու պայմաններ ստեղծելու համար։

Այս օրը նաև կարևոր հիշեցում է բոլորիս, որ յուրաքանչյուր երեխա ունի սիրվելու, պաշտպանված լինելու և լիարժեք ապրելու իրավունք։

Մեր համայնքը, համայնքի ընտանիքները և յուրաքանչյուրս ունենք մի մեծ պարտականություն՝ պաշտպանել երեխաներին, լսել նրանց ձայնը, հարգել նրանց կարծիքը և տալ այն ամենը, ինչ անհրաժեշտ է առողջ, կրթված և երջանիկ մեծանալու համար։
Մեր երեխաները պետք է ապրեն մի հասարակությունում, որտեղ գերակշռում է սերը, համբերությունը, հարգանքը և խաղաղությունը։

Մաղթում եմ, որ յուրաքանչյուր երեխա մշտապես շրջապատված լինի ընտանեկան սիրով, անսահման ջերմությամբ ու հոգատարությամբ։
Եղե՛ք առողջ ու երջանիկ, նաև արդարացրեք ձեզ հետ կապված մեր բոլոր հույսերը:
Անհոգ մանկություն ձեզ, իմ փոքրիկ բարեկամներ:

28/05/2026

🇦🇲 Հայաստանի առաջին հանրապետության հռչակման 108-րդ տարեդարձի կապակցությամբ, Քաջարանի մշակույթի պալատ ում տոնական համերգային ծրագրով հանդես եկավ Mi Sar Symphony Orchestra And Choir սիմֆոնիկ նվագախումբը։

✅ Միջոցառումը կայացավ Քաջարան համայնքի ղեկավար Մանվել Փարամազյան/Manvel Paramazyan Manvel Paramazyan ի բարձր հովանու ներքո և ՔԱՋԱՐԱՆԻ ՀԱՄԱՅՆՔԱՊԵՏԱՐԱՆ ի նախաձեռնությամբ։

28/05/2026

😊 ՀԱՅՏԱՐԱՐՈՒԹՅՈՒՆ😊
👩‍👧‍👦 Հունիսի 1-ին` Երեխաների պաշտպանության միջազգային օրվան ընդառաջ, Քաջարանի համայնքապետարանը սիրով հրավիրում է մեր փոքրիկներին` մասնակցելու անակնկալներով լի տոնական միջոցառումների շարքին, որը կմեկնարկվի Քաջարանի մշակույթի պալատ ամերձ հրապարակում, ժամը 12:00-ին։

28/05/2026

ՔԱՋԱՐԱՆ ՀԱՄԱՅՆՔԻ ՂԵԿԱՎԱՐ ՄԱՆՎԵԼ ՓԱՐԱՄԱԶՅԱՆԻ ՈՒՂԵՐՁԸ ՄԱՅԻՍԻ 28-Ի ԿԱՊԱԿՑՈՒԹՅԱՄԲ։

Սիրելի', հայրենակիցներ,
շնորհավորում եմ Հայաստանի առաջին հանրապետության հռչակման 108-րդ տարեդարձի կապակցությամբ։

Սարդարապատի, Բաշ-Ապարանի, Ղարաքիլիսայի 1918թ. մայիսյան հերոսամարտերը դարերի ընդմիջումից հետո արդյունավորվեցին Հայոց անկախ պետականության հռչակումով և
Առաջին հանրապետությունը ծնունդ առավ հայ ժողովրդի անկոտրում կամքի, միասնության և նպատակասլացության անօրինակ դրսևորումների շնորհիվ։

Մարտադաշտում տարած հաղթանակները վերականգնեցին մեր հավատը սեփական ուժերի նկատմամբ։
Ապացուցեցինք, որ պետականություն ունեցող ազգն անմահ է` ինչ փորձությունների էլ, որ ենթարկվի և
մայիսի 28-ը եղավ այն լավագույն ապացույցը, որ միասնական պայքարի դեպքում մեր դեմ անզոր է ցանկացած թշնամի:

Թեև Հայաստանի առաջին հանրապետությունը կարճ կյանք ունեցավ, սակայն նրա դասերը փոխանցվեցին սերնդե-սերունդ։
Այս մեծ տոնի առթիվ իմ խոնարհումն եմ բերում հայ ազգի ինքության համար մարտնչած բոլոր հերոսների հիշատակներին, նրանք իրենց արյան գնով նվաճեցին այս հաղթանակը՝ ստեղծելով մի երկիր, որը կոչվեց Հայաստանի Առաջին Հանրապետություն:

Ջերմորեն ​շնորհավորում եմ բոլորիդ և տոնական այս օրը մեր երկրին ու մեր ժողովրդին մաղթում արժանապատիվ խաղաղություն և դժվարություններին դիմագրավելու կամք ու տոկունություն: Ապրենք և արարենք այնպես, որ գալիք սերունդներին թողնենք այնպիսի Հայաստան, որ մեր զավակները հպարտությամբ ու արժանապատվության զգացումով կրեն Հայաստանի Հանրապետության քաղաքացու կոչումը:

27/05/2026

ՄԱՅԻՍԻ 28-ԻՆ ԸՆԴԱՌԱՋ
🇦🇲 Հայաստանի առաջին հանրապետության հիմնադրման 108 ամյակի կապակցությամբ` մայիսի 28-ին, ժամը 15։00-ին Քաջարանի մշակույթի պալատ ում տեղի կունենա` "Հաղթանակներիդ տիտղոսը ժողովուրդն է" խորագիրը կրող համերգային ծրագիրը` մասնակցությամբ "Մի սար" նվագախմբի։

😊 Սիրով հրավիրում ենք բոլորիդ։
✅ Մուտքն ազատ է։