ՀՀ Սյունիքի մարզպետի աշխատակազմ/Staff of Syunik Marzpet of the RA

03/06/2026

✅Սյունիքի մարզպետի խորհրդական Սուրեն Քեսեջյանը հանդիպել է ՀՀ-ում Կանադայի դեսպանության հյուպատոս Ռայան Միլլերին։
💬Նա առաջին անգամ էր մարզում, և այցը ճանաչողական էր։
Ս․ Քեսեջյանը նրան ներկայացրել է Սյունիքն ու պատասխանել հյուրին հետաքրքրող հարցերին։
💬Կողմերը զրուցել են հայ-կանադական բարեկամության զարգացման և Սյունիքի հետ հարաբերությունների սերտացման հնարավորությունների մասին, նաև քննարկել մարզային այն ոլորտները, որոնցում կարող է փոխշահավետ համագործակցություն հիմնվել։

#Սյունիք

01/06/2026

ՍՅՈՒՆՅԱՑ ՊԱՏՄՈՒԹՅԱՆ ՆՈՐ ՀԱՆԳՐՎԱՆԸ. ԿԱՊԱՆԻ ԵՐԿՐԱԳԻՏԱԿԱՆ ԹԱՆԳԱՐԱՆՈՒՄ ԲԱՑՎԵԼ Է ՈՒՐԱՐՏԱԿԱՆ ՇՐՋԱՆԻ ԲԱՑԱՌԻԿ ԳՏԱԾՈՆԵՐԻ ՑՈՒՑԱԴՐՈՒԹՅՈՒՆԸ ———————————————————————————
✅Սյունիքի պատմամշակութային կյանքում այս օրը շրջադարձային էր։
🏺Մարզպետ Ռոբերտ Ղուկասյանի անմիջական աջակցությամբ Կապանի երկրագիտական թանգարանում բացվեց ուրարտական ժամանակաշրջանի եզակի հնագիտական իրերի մշտական ցուցադրությունը։
Այն ոչ միայն նոր էջ է բացում մարզի մշակութային, գիտական, կրթական ու զբոսաշրջային կյանքում, այլև Սյունիքի պատմության վերահայտնաբերման, ազգային հիշողության արթնացման ու ինքնության ճանաչման կարևորագույն քայլ է։
💬Բացման արարողությանը ողջույնի խոսքով դիմելով ներկաներին՝ Սյունիքի մարզպետ Ռոբերտ Ղուկասյանը ընդգծեց իրադարձության կարևոր նշանակությունը մարզի համար։⏬️
➡️«Սյունիքի բնակիչների համար սա հրաշալի նորություն է. այսօր կտեսնենք մի ցուցադրություն, որը փաստում է՝ ուրարտական շրջանում Կապանի տարածաշրջանը եղել է խոշոր, խիտ բնակեցված բնակավայր։ Այստեղ քաղաքակրթությունը եղել է շատ բարձր մակարդակում, և ներկայացված մետաղների քանակն ու մասշտաբը պարզապես բացառիկ են»։
💬Ցուցադրության նմուշների հավաքումն սկսվել էր դեռևս 10 տարի առաջ և ընդգրկում էր 200 առարկա։ 2023-ին ձիու բրոնզե ճակատակալի վրա «Արգիշտիի զինանոց» սեպագիր արձանագրություն բացահայտվեց։ 2026-ին արդեն հաջողվեց Եղվարդի պեղումների արդյունքում հայտնաբերված մոտ 3000 գտածո տարբեր անձանցից հավաքել ու վերադարձնել թանգարան։ 2026-ին նաև Սզնակ-Դիցմայրի տարածքի պեղումների արդյունքում մոտ 1000 միավոր ուրարտական ժամանակաշրջանի գտածո է ի պահ տրվել թանգարանին։
💬Ռոբերտ Ղուկասյանը շեշտեց այն փաստը, որ Ուրարտուի մասին բոլոր հիշատակումները նախկինում մայրաքաղաք Երևանին էին առնչվում, իսկ այսօր պետք է նաև գալ Կապան՝ տեղում ծանոթանալու նույն ժամանակաշրջանի նոր գտածոներին։
💬Մարզպետը շնորհակալություն հայտնեց Էրեբունի պատմահնագիտական արգելոց-թանգարանի տնօրենությանը, հնագետներին, թանգարանի անձնակազմին և բոլոր այն գործընկերներին, որոնց հետևողական աշխատանքի, գիտական ուսումնասիրությունների և ջանքերի շնորհիվ հնարավոր եղավ ապահովել այս հավաքածուի հանգրվանելը հենց Կապանում։ 💬Նա շնորհակալություն հայտնեց նաև Զանգեզուրի պղնձամոլիբդենային և Կապանի լեռնահարստացման կոմբինատներին՝ աջակցության համար։
💬Թանգարանի տնօրեն Ալյոշա Հայրապետյանը, ողջունելով հյուրերին, շնորհակալություն հայտնեց Սյունիքի մարզպետի աշխատակազմի ներկայացուցիչներին և պատասխանատու աշխատանքում իրեն աջակցողներին՝ առանձնացնելով այն միտքը, որ եթե նախկինում Կապանի երկրագիտական թանգարանն էր փորձում Հայաստանի խոշորագույն թանգարանների հետ համագործակցելու եզրեր գտնել, այսօր նրանք են իրենց դիմում նույն խնդրանքով։
💬Ելույթ ունեցան նաև «Էրեբունի» պատմահնագիտական արգելոց-թանգարանի տնօրեն Կարեն Ազատյանը, փոխտնօրեն, պատմական գիտությունների դոկտոր, պրոֆեսոր Աշոտ Փիլիպոսյանը։
🏺Ցուցադրության ուշագրավ նմուշներից են՝ ոսկյա հնագիտական առարկաներ, որոնք երբևէ չեն եղել Կապանի թանգարանում, մետաղագործության բազմարվեստ նմուշներ՝ ձիասարքի դետալներ, ճարմանդներ, գուրզեր, սակրեր, ապարանջաններ, նետասլաքներ, կնիք-մատանիներ։ Բացառիկներից են ձիու բրոնզե ճակատակալն ու զրահաբաճկոնի կոճակը, որոնց վրա պահպանվել են սեպագիր արձանագրություններ, եզակի գավաթ, որի նմանը չկա ողջ Հայաստանում։
Դրանք ապացուցում են, որ Սյունիքը եղել է Ուրարտուի կարևոր ռազմավարական և մշակութային կենտրոններից մեկը։
💬Միջոցառման ընթացքում Սյունիքի մարզպետից շնորհակալագրեր ստացան թանգարանի տնօրենն ու աշխատակիցները՝ հավաքածուի պահպանման, ուսումնասիրման և հանրայնացման գործում ունեցած ավանդի համար։

#Սյունիք

01/06/2026

🏺 Սյունիքը ուրարտական ժամանակաշրջանում․ բացառիկ ցուցադրություն Կապանի երկրագիտական թանգարանում

01/06/2026

🎉ԱՎԵՏԻՍ
—————————————————————
☀️Սյունիքի մարզի ծննդօգնություն իրականացնող բուժհաստատություններում 2026թ․ մայիս ամսին ծնվել է 76 երեխա՝ 38 տղա, 38 աղջիկ⬇️
🔶Կապանի ԲԿ-ում՝ 28,
🔶Գորիսի ԲԿ-ում՝ 36,
🔶Սիսիանի ԲԿ-ում՝ 10,
🔶Մեղրու ՏԲԿ-ում՝ 2 երեխա։
#Սյունիք

01/06/2026

Սյունիքի մարզպետի շնորհավորանքը՝ Երեխաների իրավունքների պաշտպանության օրվա կապակցությամբ

Սիրելի՛ երեխաներ 👧👦🫶

Հունիսի 1-ը ձեր ժպիտների, երազանքների և իրավունքների մասին ևս մեկ անգամ բարձրաձայնելու օր է, քանզի այդ ամենի համար ամեն օր ենք պարտավոր պատասխանատու լինել։ 🌍

Չափազանց կարևոր է, որ յուրաքանչյուր երեխա մեծանա սիրո և հոգատարության անվտանգ միջավայրում, ունենա կրթվելու, զարգանալու և իր ներուժն ամբողջությամբ բացահայտելու հնարավորություն։ 🫶

🕊️ Մեր այսօրվա բոլոր ջանքերն ու որոշումները մեկ նպատակ ունեն՝ կառուցել խաղաղ ու արժանապատիվ ապագա ձեզ համար։ 🌞🕊️

🎉💙 Շնորհավորո՛ւմ եմ Երեխաների իրավունքների պաշտպանության միջազգային օրվա առթիվ, բոլորիդ անհոգ մանկություն, առողջություն և երջանիկ օրեր եմ մաղթում ու նաև վերահաստատում մեր հաստատակամ հանձնառությունը՝ կերտելու ապահով, կայուն և խաղաղ միջավայր, որտեղ մեր փոքրիկները կկարողանան անվախ երազել, սովորել ու բացահայտել իրենց տաղանդները։

🇦🇲✨ Հե՛նց մանուկների աչքերում է երևում այն Հայաստանը, որը պարտավոր ենք կառուցել։ ✨🇦🇲

29/05/2026

Իրական ճամփորդություն ժամանակի միջով․․․

‼️ՀԱՅՏԱՐԱՐՈԻԹՅՈՒՆ

🏛️Սիրով հրավիրում ենք բոլորիդ «Սյունիքը ուրարտական ժամանակաշրջանում» բացառիկ ցուցադրության բացմանը, որը կկայանա 2026թ․ հունիսի 1-ին՝ ժամը 12։00-ին, Կապանի երկրագիտական թանգարանում։
Այն ոչ միայն նոր թանգարանային ցուցադրություն է, այլև Սյունիքի հազարամյակների պատմության վերահայտնաբերում, ազգային հիշողության վերարթնացում և ինքնության ճանաչման կարևոր քայլ։
😁Մուտքն ազատ է։ ‎

28/05/2026

ՍՅՈՒՆԻՔԻ ՄԱՐԶՊԵՏ ՌՈԲԵՐՏ ՂՈՒԿԱՍՅԱՆԻ ՇՆՈՐՀԱՎՈՐԱՆՔԸ ՀԱՆՐԱՊԵՏՈՒԹՅԱՆ ՏՈՆԻ ԿԱՊԱԿՑՈՒԹՅԱՄԲ

Սիրելի՛ հայրենակիցներ,

🇦🇲 Շնորհավորում եմ բոլորիս Հանրապետության տոնի առթիվ։

📜 Այս օրը մեր ինքնիշխանության, անկախ պետականության և սեփական հողի վրա ապագա կերտելու անբեկանելի իրավունքի գլխավոր խորհրդանիշն է։ Այսօր, առավել քան երբևէ, գիտակցում ենք, որ Հայաստանի Հանրապետությունը մեզ համար բացարձակ արժեք է, իսկ պետականության պահպանումն ու հզորացումը՝ քրտնաջան աշխատանք, ինստիտուտների կայացում և բարձր քաղաքացիական պատասխանատվություն։

🕊️ Հարգելի՛ սյունեցիներ, զարգացող տնտեսությամբ, պաշտպանունակ բանակով և ամուր սոցիալական հիմքերով պետություն կառուցելով՝ մենք ապահովում ենք մեր սերունդների խաղաղ և արժանապատիվ ապրելու տեսլականը։

⚖️ Բայց այս օրը մեզ պարտավորեցնում է նաև հիշել, որ պետականությունը պարզապես տրված իրականություն չէ։ Այն անընդհատ պետք է ամրապնդել՝ աշխատանքով, պատասխանատվությամբ, օրենքով, կրթությամբ և ազգային համախմբվածությամբ։

⛰️ Եվ հենց Սյունիքում մարդիկ ամեն օր ապացուցում են, որ հայրենասիրությունը միայն խոսք չէ, այլ նաև իրական գործ, պատասխանատվություն և նվիրում։

🤝 Մաղթում եմ բոլորիս տոկունություն, անսասան կամք և միասնականություն, անդրդվելի հավատ մեր պետականության հանդեպ՝ հանուն ուժեղ, բարեկեցիկ և խաղաղ Հայաստանի Հանրապետության։

✨ Թո՛ղ մեր հայրենիքում միշտ գերիշխեն օրենքը, արդարությունն ու առաջընթացը։

🇦🇲 Շնորհավո՛ր Հանրապետության տոնը։
🇦🇲 Կեցցե՛ Հայաստանի Հանրապետությունը։

27/05/2026

✅Սյունիքի մարզպետի խորհրդական Նվարդ Հարությունյանը Գորիսում մասնակցել է Եվրոպայի օրվան նվիրված տոնական միջոցառումներին։
—————————————————————————————
💬Օրվա կապակցությամբ Սյունիք էին այցելել Հայաստանում ԵՄ պատվիրակության ղեկավար, դեսպան Վասիլիս Մարագոսը, ԵՄ անդամ երկրների դեսպաններ, ներկայացուցիչներ և Հայաստանում ԵՄ դիտորդական առաքելության (ՀԵՄԱ) ղեկավար Սատու Կոյվուն։
💬Այցի ընթացքում բարձրաստիճան պաշտոնյաները հյուրընկալվել են Գորիսի ավագ սերնդի կենտրոնում, որտեղ շահառուների հետ մասնակցել են հայկական ավանդական ուտեստների պատրաստման ցերեկույթին։
💬Տոնական օրվա բաղադրիչն էր «ԳորիսԼԱԲ համայնքային զարգացման կենտրոն» ՀԿ թիմի, քաղաքացիական հասարակության, կրթության, սոցիալական, բիզնես և երիտասարդական ոլորտների ներկայացուցիչների հետ ծավալված քննարկումը։
💬Եվրոպայի օրվան նվիրված տոնավաճառի ընթացքում այցելուները հնարավորություն են ունեցել ծանոթանալու «R2D Սյունիք» ծրագրի շահառու տեղական բիզնեսներին։ Օրը հագեցած էր խոհարարական և հայկական ավանդական պարերի վարպետաց դասերով։
💬Միջոցառմանը առանձին տաղավարով մասնակցել են նաև Գորիսում տեղակայված ՀԵՄԱ դիտորդները, որոնք տեղի բնակիչներին են ներկայացրել առաքելության մանդատն ու տեխնիկական սարքավորումները՝ վերահաստատելով իրենց հանձնառությունը տարածաշրջանում խաղաղության և կայունության պահպանման գործում։
💬ՀՀ-ում ԵՄ պատվիրակության անդամները դիտարկել են նաև Սյունիքում ԵՄ աջակցությամբ իրականացվող մի շարք ծրագրերի արդյունքներ։
#Սյունիք

26/05/2026

✅Այսօր Սիսիան համայնքի Տոլորս բնակավայրից մինչև Դաստակերտ բնակավայրն ընկած ճանապարհահատվածում սյունեցի հեծանվորդներն իրենց ուժերը չափեցին «Հայաստանի Հանրապետության վարչապետի գավաթ» սիրողական խճուղային հեծանվավազքի մրցաշարի մարզային փուլում։
—————————————————————————————
✅Մեկնարկագծին են կանգնել 27 թիմ՝ երկու տարիքային խմբերով՝ 7-9-րդ և 10-12-րդ դասարանցիներ։
Պատանի հեծանվորդները դրսևորել են բարձր մարզական համառություն, թիմային ոգի և կամք՝ փաստելով, որ ակտիվ ու առողջ ապրելակերպը դառնում է նախապատվություն, իսկ նման մրցաշարերը լավագույն հարթակ՝ սեփական ուժերը փորձելու համար։
🚵‍♀️«Հեծանվորդներն անցան մրցուղու համար սահմանված 30 կմ ճանապարհահատվածը՝ արձանագրելով իրենց լավագույն արդյունքները։ Թիմերն այս մրցաշարում աչքի են ընկել լավ պատրաստվածությամբ ու դիմացկունությամբ»,- նշեց Սյունիքի մարզպետի աշխատակազմի կրթության, մշակույթի և սպորտի վարչության պետ Մերի Գանդալյանը։
Մարզային փուլի արդյունքներով 7-9-րդ դաս․ տարիքային խմբում
🥇1-ին տեղում Կապանի թիվ 5 հիմնական դպրոցն է,
🥈2-րդ տեղում՝ Մեղրիի թիվ 2 միջն․ դպրոցը,
🥉3-րդ տեղում՝ Հացավանի միջն․ դպրոցը։
10-12-րդ դաս․ տարիքային խմբում տեղերը բաշխվել են հետևյալ կերպ․
🥇1-ին տեղը զբաղեցրել է Ալվանքի միջն․ դպրոցը,
🥈2-րդ տեղում է Ակների միջն․ դպրոցը,
🥉3-րդ տեղում՝ Գորիսի թիվ 4 ավագ դպրոցը։
✅Հաղթած թիմերը ստացել են ՀՀ ԿԳՄՍ նախարարության համապատասխան կարգի հավաստագրեր և գավաթներ։
🏆Առաջին պատվավոր տեղերը զբաղեցրած թիմերը կմասնակցեն մրցաշարի եզրափակիչ փուլին, որը տեղի կունենա այս տարվա սեպտեմբերի 11-12-ին։
#Սյունիք

24/05/2026

✅Սյունիքի մարզպետի տեղակալ Հայկ Հարությունյանը Գորիսի պետական համալսարանում մասնակցել է «Եվրոպական միությունը երիտասարդների համար․ եկեք խոսենք այն մասին, ինչը միավորում է մեզ» ծրագրի շրջանակում կայացած դասախոսություն-հանդիպմանը, որը կազմակերպվել էր Եվրոպայի օրվա տոնակատարությունների շարքում։
💬Ներկա էին ՀՀ-ում Եվրոպական միության պատվիրակության ղեկավար, դեսպան Վասիլիս Մարագոսը, Հայաստանում Բուլղարիայի դեսպան Նիկոլա Նիկոլովը, Հայաստանում Եվրոպական միության դիտորդական առաքելության ղեկավար Սատու Կոյվուն, ԵՄ դիտորդական առաքելության, մարզպետի աշխատակազմի, համայնքապետարանի, բուհի ներկայացուցիչներ, ուսանողներ, հյուրեր։
💬Միջոցառումը նպատակ ուներ խորացնել ուսանողների պատկերացումները ԵՄ-Հայաստան համագործակցության, երիտասարդական քաղաքականության, համատեղ արժեքների և երիտասարդների ներգրավվածության վերաբերյալ։
💬Քննարկման մեկնարկին ներկաներին ողջունեց ԳՊՀ ռեկտոր Տիգրան Վանդունցը՝ շնորհակալություն հայտնելով ՀՀ-ում ԵՄ պատվիրակությանը երիտասարդության հետ բաց և անմիջական հաղորդակցության հարթակ ստեղծելու համար։
💬Մարզպետի տեղակալ Հայկ Հարությունյանը, շնորհավորելով տոնի կապակցությամբ, շնորհակալություն հայտնեց հերթական անգամ Եվրոպայի օրը նաև Սյունիքում նշելու համար, որը շատ կարևոր է փոխադարձ համագործակցության խորացման համար։ Նա անդրադարձավ նաև «Դիմակայուն Սյունիք Թիմ Եվրոպա» նախաձեռնությանը ու կարևորեց դրա շրջանակում իրականացված, ընթացիկ ծրագրերը, որոնք իրենց ազդեցությունն ունեն մարզի դիմադրողականության բարձրացման վրա։ Հ․Հարությունյանը արժևորեց նաև ԵՄ դիտորդական առաքելության դերը, հատկապես, Սյունիքի սահմանամերձ բնակավայրերում։
💬Դեսպան Վասիլիս Մարագոսն անդրադարձավ ԵՄ-Հայաստան համագործակցության հիմնական ուղղություններին, երիտասարդների ներգրավվածության կարևորությանը և երիտասարդական նախաձեռնություններին տրամադրվող աջակցությանը՝ ընդգծելով, որ երիտասարդներն այսօր կարևոր դեր ունեն հասարակական և ժողովրդավարական գործընթացներում։
💬Հայաստանում ԵՄ դիտորդական առաքելության ղեկավար Սատու Կոիվուն խոսեց իրենց գործունեության, սահմանամերձ բնակավայրերում իրականացվող աշխատանքների և այնտեղ ապրող երիտասարդների առջև ծառացած մարտահրավերների մասին։
💬Բուլղարիայի դեսպան Նիկոլա Նիկոլովը ներկայացրեց Հայաստան-Բուլղարիա համագործակցության ներկա ուղղությունները և երկկողմ հարաբերությունների զարգացման հեռանկարները։
💬Ուսանողները հյուրերին հարցեր ուղղեցին՝ հետաքրքրվելով, թե ինչ հմտություններ են այսօր անհրաժեշտ երիտասարդներին՝ ժամանակակից աշխարհի պահանջներին համահունչ զարգանալու, մրցունակ լինելու և հասարակական կյանքում ակտիվ դերակատարում ունենալու համար։

#Սյունիք