Կանանց աջակցման կենտրոն Գեղարքունիքի մարզում

13/03/2026

📌 Կանանց միջազգային օրվա առթիվ Հանրային հեռուստաընկերության եթերում Աշխատանքի և սոցիալական հարցերի նախարարության Մարդկանց թրաֆիքինգի և կանանց հիմնահարցերի բաժնի պետ Արմինե Ալավերդյանը ներկայացրել է Հայաստանում գենդերային հավասարության ապահովման, կանանց նկատմամբ խտրականության և բռնության բոլոր դրսևորումների կանխարգելման ուղղությամբ ԱՍՀ նախարարության կողմից իրականացվող աշխատանքները

Հետևեք մեզ նաև այլ հարթակներում՝Website: https://www.1lurer.am/Facebook : https://www.facebook.com/lurer1tvTelegram : https://t.me/LurerH1Twitter : https://t...

15/01/2026

⚖️ Արտոնություններ՝ ընտանեկան բռնության ենթարկված անձանց համար

Այսօր Ազգային ժողովի Պետական-իրավական հարցերի մշտական հանձնաժողովը դրական եզրակացություն տվեց իմ նախագծին, որով առաջարկում եմ դատարաններում պետական տուրքի վճարումից ազատելու արտոնություններ նախատեսել ընտանեկան բռնության ենթարկված այն անձանց համար, ովքեր հանդես են գալիս՝
▪️ նախազգուշացումը կամ անհետաձգելի միջամտության որոշումը վերացնելու վերաբերյալ դատարանի վճիռների դեմ վերաքննիչ և վճռաբեկ բողոքներով,
▪️ ամուսնալուծության վերաբերյալ հայցերով,
▪️ ծնողական իրավունքների իրականացման, ներառյալ երեխայի բնակության վայրը որոշելու, երեխայի հետ տեսակցության կարգ սահմանելու, երեխայի հետ շփվելու, երեխայի խնամքին, դաստիարակությանն ու կրթությանը մասնակցելու վերաբերյալ հայցերով,
▪️ հայրությունը որոշելու վերաբերյալ հայցերով,
▪️ ծնողական իրավունքները սահմանափակելու կամ ծնողական իրավունքներից զրկելու վերաբերյալ հայցերով։

📄 Այսօր պետական տուրքի վճարումից ազատվում են այն հայցվորները, որոնք «Ընտանեկան և կենցաղային բռնության կանխարգելման ու ընտանեկան և կենցաղային բռնության ենթարկված անձանց պաշտպանության մասին» ՀՀ օրենքով նախատեսված պաշտպանական որոշման վերաբերյալ հայցերով դիմում են դատարան։

🔍 Մինչդեռ փորձը ցույց է տալիս, որ ընտանեկան բռնություն գործադրած անձանց կողմից վարչական դատավարության կարգով բողոքարկվում են ոստիկանության կողմից կիրառված պաշտպանության միջոցները՝ նախազգուշացումը և անհետաձգելի միջամտության մասին որոշումները։ Բռնության ենթարկված անձինք, իրենց հերթին, ստիպված են լինում նախ վերաքննության, ապա՝ վճռաբեկության կարգով բողոքարկել վարչական դատարանների դատական ակտերը՝ առանց պետական տուրքի մասով արտոնյալ պայմանների։

⚠️ Այսպիսով՝ արդեն իսկ ծանր հոգեբանական և սոցիալական վիճակում գտնվող բռնության ենթարկված անձինք հայտնվում են կրկնակի անբարենպաստ և խոցելի պայմաններում։

📝 Նկատի ունենալով վերը նշվածը և ոլորտի ՀԿ-ների առաջարկները՝ նախաձեռնել եմ «Պետական տուրքի մասին» ՀՀ օրենքում լրացումներ կատարելու մասին նախագիծը, որը կընդգրկվի առաջիկա լիագումար նիստի օրակարգում։

26/11/2025

Նոյեմբերի 25-ը կանանց դեմ բռնության վերացման պայքարի օրն է։

Public TV Company of Armenia 2025Facebook: https://www.facebook.com/ArmPublicTVInstagram: https://www.instagram.com/ArmPublicTV #ԱռաջինԱլիք

06/11/2025

📍Իրազեկման հանդիպում Ծակքար համայնքում

✅Ծակքար համայնքում անցկացվեց իրազեկման հանդիպում՝ նվիրված ընտանեկան բռնության կանխարգելման և աջակցման մեխանիզմներին։
Հանդիպման նպատակն էր բարձրացնել համայնքի բնակիչների իրազեկվածության մակարդակը ընտանեկան բռնության ձևերի, դրանց հետևանքների և առկա աջակցման ծառայությունների մասին,ինչպես նաև տեղեկացան SAFE YOU հավելվածի մասին։

Քննարկվեցին հետևյալ թեմաները՝
🔹 ընտանեկան բռնության տեսակները՝ ֆիզիկական, հոգեբանական, տնտեսական և սեռական,
🔹 ՀՀ օրենսդրությամբ սահմանված պաշտպանական մեխանիզմները,
🔹 աջակցության հնարավոր ծառայությունները՝ ոստիկանություն, սոցիալական և հոգեբանական աջակցություն, վստահության հեռախոսահամարներ,
🔹 համայնքի դերը բռնության կանխարգելման և անվտանգության մշակույթի ձևավորման գործում։

✅Մասնակիցները ակտիվորեն ներգրավվեցին քննարկմանը, հարցեր ուղղեցին մասնագետներին և ներկայացրին իրենց դիտարկումները։
Հանդիպման ավարտին ընդգծվեց, որ ընտանիքը պետք է լինի փոխադարձ հարգանքի, վստահության և անվտանգության միջավայր, որտեղ բացառված է ցանկացած ձևի բռնություն։

« Կանանց նախաձեռնություն հանուն անվտանգության և հավասարության» (WISE) ծրագիրն իրականացվում է Mercy Corps Georgia միջազգային կազմակերպության կողմից ԱՄՆ Պետական Դեպարտամենտի Ֆինանսավորմամբ։
Հայաստանում ծրագիրն իրականացվում է «ԻՄԻՆ Նախաձեռնություններ» Հիմնադրամի/Safe YOU։
«Մարտունու կանանց համայնքային խորհուրդ» ՀԿ-ն հանդիսանում է WISE ծրագրի շրջանակում ենթադրամաշնորհառու։
Սույն նյութի բովանդակության համար պատասխանատվություն է կրում բացառապես
«Մարտունու կանանց համայնքային խորհուրդ» ՀԿ-ն և պարտադիր չէ, որ այն ներկայացնի Միացյալ Նահանգների Պետական Դեպարտամենտի, Մերսի Քորփ Վրաստանի և ԻՄԻՆ Նախաձեռնություններ Հիմնադրամի տեսակետները։

#կանանցաջակցմանկենտրոն
#թեժգիծ 094876502, 094876505

15/10/2025

📢Ընտանեկան բռնության և SAFE YOU հավելվածի վերաբերյալ իրազեկման հերթական հանդիպումը տեղի ունեցավ Գավառի պետական բժշկական քոլեջում։
✅️Մասնակիցների հետ քննարկեցինք ԸԲ էությունը, տեսակները,ցիկլը,պատճառները, կանխարգելման մեխանիզմները։
Մասնակիցները ներբեռնեցին SAFE YOU հավելվածը և ծանոթացան վերջինիս հնարավորություններին։

« Կանանց նախաձեռնություն հանուն անվտանգության և հավասարության» (WISE) ծրագիրն իրականացվում է Mercy Corps Georgia միջազգային կազմակերպության կողմից ԱՄՆ Պետական Դեպարտամենտի Ֆինանսավորմամբ։
Հայաստանում ծրագիրն իրականացվում է «ԻՄԻՆ Նախաձեռնություններ» Հիմնադրամի/Safe YOU։
«Մարտունու կանանց համայնքային խորհուրդ» ՀԿ-ն հանդիսանում է WISE ծրագրի շրջանակում ենթադրամաշնորհառու։
Սույն նյութի բովանդակության համար պատասխանատվություն է կրում բացառապես
«Մարտունու կանանց համայնքային խորհուրդ» ՀԿ-ն և պարտադիր չէ, որ այն ներկայացնի Միացյալ Նահանգների Պետական Դեպարտամենտի, Մերսի Քորփ Վրաստանի և ԻՄԻՆ Նախաձեռնություններ Հիմնադրամի տեսակետները։

01/10/2025

📌 Հայաստանում հոկտեմբերի 1-ը նշվում է որպես Ընտանեկան բռնության դեմ պայքարի ազգային օր:
❗️❗️❗️Բռնությունից զերծ ապրելը յուրաքանչյուր կնոջ հիմնարար իրավունքն է։

#թեժգիծ 094876502, 094876505

13/08/2025

📢Ընտանեկան բռնության վերաբերյալ իրազեկման հերթական հադիպումները տեղի ունեցան Գեղարքունիքի մարզի Ծովասար, Ծակքար, Գավառ, Վարդենիս համայնքներում։
✔️Հանդիպումների ժամանակ խոսվեց ընտանեկան բռնության էության, տեսակների, ցիկլի, պաշտպանական միջոցների մասին։ Մանսակիցներին տեղեկացվեց նաև մարզում գործող աջակցման կենտրոնների մասին

#թեժգիծ 094876502 Մարտունի, 094876505 Գավառ

13/06/2025

✅Կանանց աջակցման կենտրոնը ընտանեկան բռնության զոհերի բազմաթիվ և տարաբնույթ կարիքները բավարարող համապարփակ ծառայություններ է տրամադրում: Եթե անձամբ դուք կամ ձեր ծանոթը ենթարկվում է ֆիզիկական կամ հոգեբանական բռնության, ահա, թե ինչպես կարող եք օգնել նրան:

❗️Եթե ֆիզիկական վտանգի ռիսկ կա, մենք կոչ ենք անում անմիջապես զանգահարել ոստիկանություն և հնարավորինս շուտ օգնություն ստանալ:
Զանգահարեք մեզ, ավելին իմանալու համար, կամ եթե ձեզ անհրաժեշտ է անվտանգություն և խորհրդատվություն, թե ինչպես ապրել կյանքը առանց բռնության. #թեժգիծ 094876502 և 0940876505։ Աշխատում ենք 24 ժամ։

❗️Մի տեղեկացրեք ձեր զուգընկերոջը, որ ցանկանում եք հեռանալ կամ բաժանվել նրանից: Ամենավտանգավոր ճակատագրական դեպքերը տեղի են ունենում այդ պահին: Մեր սոցիալական աշխատողը խորհուրդ կտա ձեզ, թե ինչպես անվտանգ կերպով հեռանալ ձեր զուգընկերոջից և երեխաների հետ տեղափոխվել առավել անվտանգ վայր:

Մատուցվող ծառայություններ

✅Իրավաբանական աջակցություն
Կանանց աջակցման կենտրոնի իրավաբանները կօգնեն փաստաթղթերի հարցում, կիրազեկեն Ձեր իրավունքների, պատասխանատվությունների և հնարավոր տարբերակների մասին, ինչպես նաև զոհերին կուղեկցեն դատական նիստերին դատարան և հանդես կգան որպես նրանց պաշտպան: Դատական գործերը կարող են լինել քրեական բնույթի, երեխաների խնամակալության, նպաստի, ամուսնալուծության և գույքի բաժանման հարցերով:

✅Հոգեբանական խորհրդատվություն
Ընտանեկան բռնության զոհ դարձած կանայք հաճախ ունենում են ցածր ինքնագնահատական և ինքնավստահության պակաս, իրենց վրա չեն վերցնում նախաձեռնություններ, ինքնուրույն չեն կարողանում մտածել, դեպրեսիայի մեջ են ընկնում և իրենց հուսահատված են զգում: Այս կանայք ամենից շատը աջակցության և օգնության կարիք ունեն, որպեսզի վերականգնեն իրենց ինքնավստահությունը:

✅Ապահով տուն
Ապահով տունը մի վայր է, որտեղ համատեղ ապրում են նույնանման խնդիրներ ունեցող կանայք: Այնտեղ կան բոլոր հնարավոր հարմարությունները: Այստեղ կանայք և իրենց երեխաները կարող են անվտանգ, ապահով և հանգիստ մթնոլորտում վերականգնվել ֆիզիկական և հոգեբանական բռնության հետևանքներից: Հնարավորության դեպքում կանանց տրամադրվում են առանձին ննջասենյակներ, տանը կան ընդհանուր լոգարաններ, լվացքի սենյակ, երեխաների խաղալու տարածք և խոհանոց:
Ապահով տունը գտնվում է գաղտնի վայրում: Ելնելով ապահով տան բնակիչների անվտանգությունից՝ այդ տեղեկությունը չի հրապարակվում և չի ասվում ոչ մեկին` նույնիսկ ընտանիքի անդամներին կամ ընկերներին:

✅Դեպքի վարում
Մեր սոցիալական աշխատողները գնահատում են ընտանեկան բռնություն վերապրածների կարիքները և ռիսկերը՝ օգտագործելով միջազգային ստանդարտները, ինչպես նաեւ համակարգում են խնամքի ծառայությունները՝ ներառյալ խորհրդատվություն, կրթական ծառայություններ, առողջապահություն և վերականգնում:

Send a message to learn more

02/06/2025

Ընտանեկան բռնությունը խորը հասարակական հիմնախնդիր է, որը որը կարող է տեղի ունենալ ցանկացած ընտանիքում՝ անկախ սոցիալական կարգավիճակից, կրթական մակարդակից, կրոնական կամ մշակութային պատկանելությունից։ Այն իրենից ներկայացնում է բռնի կամ վերահսկող վարքագիծ, որը կիրառվում է ընտանիքի անդամներից մեկի կողմից մյուսի նկատմամբ։ Բռնությունը կարող է լինել՝

👉Ֆիզիկական բռնություն՝ ծեծ, հարվածներ, մազքաշում, հրելու և այլ վնասակար գործողություններ։

👉Հոգեբանական բռնություն՝ սպառնալիքներ, նվաստացում, անտեսում, վախի մթնոլորտի ստեղծում։

👉Սեռական բռնություն՝ ցանկացած սեռական գործողություն առանց համաձայնության։

👉Տնտեսական բռնություն՝ ֆինանսների վերահսկում, աշխատելու արգելք, նյութական կախվածություն ստեղծելը։

Ընտնիքում բռնության վերոնշյալ ձևերին հանդիպելիս կարող եք զանգահարել մեր շուրջօրյան #թեժգծին՝ 094876502 Մարտունի և 094876505 Գավառ

02/06/2025

#ՓաստաբանիԽորհրդովՀայկական երկրորդ հեռուստաալիք - http://tv.am/YouTube - https://www.youtube/armh2Facebook - https://www.facebook.com/armh2Instagram – https:...

02/06/2025

📢 ԱՍՀ նախարար Նարեկ Մկրտչյանի նախագահությամբ այսօր կայացել է Ընտանեկան և կենցաղային բռնության կանխարգելման խորհրդի նոր կազմով առաջին նիստը։
Խորհրդի անդամ է Մարտունու կանանց համայնքային խորհուրդ ՀԿ-ի նախագահ Անատիտ Գևորգյանը։