Տավուշի մարզի սահմանամերձ Ներքին Կարմիրաղբյուր գյուղը Երևանից 192 կմ հեռավորության վրա է գտնվում, իսկ մարզկենտրոն Իջևանից՝ 59:
Ն.Կ. Աղբյուր գյուղը գտնվում է հանրապետության հյուսիս-արևելյան գոտում, այն հիմնադրվել է մոտ 200 տարի առաջ:
Բնակիչները հիմնականում Ղարաբաղից տեղափոխվածներ են:
Մինչև 1990-ական թվականների սկիզբը գյուղը բավականին զարգացում է ապրել, այստեղ կառուցվել են միջնակարգ դպրոց, մշակու
յթի, կապի, առևտրի և կենցաղային սպասարկման տիպային շենքեր:
1990-ականների պատերազմի ընթացքում ռմբակոծություններից տուժել ու ավերվել են մասնավոր տների մեծ մասն ու վարչական և մշակութային օբյեկտները (հանրապետության ամենատուժված գյուղն է):
2000-ից սկսված պետբյուջեով և այլ ծրագրերով գյուղում իրականացվել են բազմաթիվ վերականգնողական աշխատանքներ, սակայն գյուղում դեռևս կան վնասված, հասարակական և արտադրական նշանակության շինություններ և ինժեներական կառույցներ:
2012-ի հունվարի 1-ի դրությամբ Ներքին Կարմիրաղբյուրում ապրում է 1072 մարդ, 394 ընտանիք:
Համայնքը զբաղեցնում է 1844.62 հա տարածք, որից` 499.61 հա արոտներ, 763.75 հա վարելահողեր, 33.3 հա այգիներ, 311.95 հա անտառ:
Բնակչությունը հիմնականում զբաղվում է բուսաբուծությամբ, այգեգործությամբ, անասնապահությամբ:
Գյուղն ապահովված է խմելու և ոռոգման ջրով, գազիֆիկացված է:
Գյուղում կա բուժկետ,
մանկապարտեզ, ինչպես նաև 420 աշակերտական տեղով դպրոց, սակայն այսօր դպրոցում սովորում է 125 աշակերտ:
տեղեկատվությունը՝ http://tavush.gov.am/about-communities/741/
