Սևանի քաղաքապետարան

Սևանի քաղաքապետարան ՀՀ ԳԵՂԱՐՔՈՒՆԻՔԻ ՄԱՐԶ ՍԵՎԱՆ ՀԱՄԱՅՆՔ

31/05/2026

Անդրադարձ

Իրազեկում
31/05/2026

Իրազեկում

30/05/2026

Մի ափ Սևան

30/05/2026

Հունիսի 1-ին

Սիրելի փոքրեր և մեծեր
Շնորհավորում ենք բոլորիդ Երեխաների պաշտպանության միջազգային օրվա առթիվ և հունիսի 1-ին սիրով հրավիրում մասնակցելու տոնական օրվա միջոցառումներին:

Հունիսի 1-ին՝ ժամը 12:00-ին, Ս. Զաքարյանի անվան մշակույթի պալատի հարակից տարածքում կազմակերպվելու է համերգային և ժամանցային ծրագիր՝ մասնակցությամբ համայնքային մշակութային կենտրոնի, մանկապարտեզների սաների, որի ընթացքում կհնչեն երգեր, կներկայացվեն պարային կատարումներ, երեխաների ժամանցը կապահովվի խաղերի միջոցով:

Սևանի համայնքապետարանի հովանավորությամբ փոքրիկների օրը լիարժեք կդարձնեն մուլտհերոսները և խաղավարը՝ կազմակերպելով խաղեր, մրցույթներ:
Ծրագիրը կուղեկցվի կավճանկարչությամբ:

Սիրելի երեխաներ
Սպասում ենք ձեզ հունիսի 1-ին Ս. Զաքարյանի անվան մշակույթի պալատի հարակից հրապարակում, մաղթում բարձր տրամադրություն, ուրախ ու հաճելի ժամանց:

Սիրով՝ Սևանի համայնքապետարան

ԵՄ Կայուն էներգիա-2026Գեղագիտության ազգային կենտրոնի Սևանի մասնաճյուղի սաները, նկարչության դասատու Գոհար Մնացականյանի ղե...
29/05/2026

ԵՄ Կայուն էներգիա-2026

Գեղագիտության ազգային կենտրոնի Սևանի մասնաճյուղի սաները, նկարչության դասատու Գոհար Մնացականյանի ղեկավարությամբ, միացան Կայուն էներգիայի շաբաթվան՝ ներկայանալով ինքնատիպ աշխատանքով:

Կայուն էներգիան ու դրա գեղագիտական դրսևորումները կոլաժի միջոցով ստացան ձև և բովանդակություն, որի առանցքում արևն է ու քամին, էներգախնայողության գաղափարը և կանաչ միջավայր ունենալուն միտված գործողությունները:

Երեխաների մտքի, երևակայության ու ձեռքի շնոհիվ ծնված աշխատանքի խորագիրն է՝ «Խնայենք էներգիան՝ ապրեցնելով բնությունը»:


#Սևան համայնք
#ԵՄ կայուն էներգիա – 2026
#Կառուցելով կանաչ, մաքուր, ապագա

ԵՄ Կայուն էներգիա-2026Սևան համայնքում անցկացվող ԵՄ կայուն էներգիայի շաբաթվան նվիրված միջոցառումների շարքում, որի խորագիր...
29/05/2026

ԵՄ Կայուն էներգիա-2026

Սևան համայնքում անցկացվող ԵՄ կայուն էներգիայի շաբաթվան նվիրված միջոցառումների շարքում, որի խորագիրն է «Մաքուր, անվտանգ և մրցունակ էներգետիկ միություն», հայտարարվել է նաև «Կլիմայական գործողություն» թեմայով պաստառների ու կարճ կարգախոսների մրցույթ:

Մրցույթին մասնակից դպրոցներն ու անհատները ներկայացրել են իրենց տեսլականը, որոնցից յոթն անցել է եզրափակիչ փուլ:

Լավագույն 2 պաստառները որոշվելու են հանձնաժողովի կողմից, 1 պաստառ՝ հավանումների արդյունքում (մինչև հունիսի 15-ը):
Հունիսի 20-ին կամփոփվեն մրցույթի արդյունքները:

Աշխատանքների գնահատման ընթացքում հանձնաժողովը հաշվի է առնելու պաստառների համապատասխանությունը մրցույթի թեմային, ստեղծագործական գաղափարը և գաղափարի ինքնատիպությունը:

Մրցանակային առաջին 3 տեղերը զբաղեցրած մասնակիցներին կշնորհվեն մրցանակներ:
Լավագույն լուսանկարները կներկայացվեն ազգային մրցանակաբաշխությանը:

#Սևան համայնք
#ԵՄ կայուն էներգիա – 2026
#Կառուցելով կանաչ, մաքուր, ապագա

Մասնակցային բյուջետավորում – 2026Հիշեցնում ենք, որ ՀՀ տարածքային կառավարման և ենթակառուցվածքների նախարարությունը համաձայ...
29/05/2026

Մասնակցային բյուջետավորում – 2026

Հիշեցնում ենք, որ ՀՀ տարածքային կառավարման և ենթակառուցվածքների նախարարությունը համաձայնություն և հավանություն է տվել Սևան համայնքի մասնակցային բյուջետավորման գործընթացում քվեարկության արդյունքներով ամենաշատ ձայներ հավաքած և հաղթող ճանաչված 4 ծրագրի:

2026 թվականի մասնակցային բյուջետավորմամբ իրականացվող սուբվենցիոն ծրագրերն ընթացքի մեջ են:

- ««Հարմարեցված տրանսպորտային կանգառներ և նստարաններ». Դդմաշեն բնակավայրում տրանսպորտային կանգառների տաղավարների և նստարանների տեղադրում» ծրագիրը շինարարական աշխատանքների իրականացում բաղադրիչ չունի: Գործընթացը գտնվում է կանգառների նյութատեխնիկական բնութագրերի կազմման փուլում.

– ««Առողջ և ակտիվ երիտասարդություն» Գեղամավան բնակավայրում երիտասարդական կենտրոնի ստեղծման նպատակով տարածքի վերանորոգում» ծրագիրը շինության ներքին վերանորոգման աշխատանքների իրականացման պայմանագրի կնքման փուլում է.

- ««Երիտասարդության զբաղվածության կենտրոնի հիմնում» Ծաղկունք բնակավայրում, մանկապարտեզի չգործող մասնաշենքում» ծրագրի նախագիծն արդեն պատրաստ է, հայտարարվելու է շինարարական աշխատանքների մրցույթ.

- ««Առողջ միջավայր» բազմաֆունկցիոնալ խաղահրապարակի (ֆուտբոլի դաշտի» կառուցում Վարսեր բնակավայրում» ծրագրի իրականացման նպատակով համայնքը համագործակցում է Հայաստանի ֆուտբոլի ֆեդերացիայի հետ՝ ձեռքբերելու ֆուտբոլի դաշտի կառուցման տիպային նախագծի օրինակ:

#Մասնակցային բյուջետավորում- 2026
#Սևանի համայնքապետարան
#Սևան համայնք
#Վարսեր,Գեղամավան,Դդմաշեն, Ծաղկունք

ՈՒՇԱԴՐՈՒԹՅՈՒՆ2026 թվականի հունիսի 7-ին Հայաստանի Հանրապետությունում տեղի են ունենալու Ազգային ժողովի հերթական ընտրությու...
29/05/2026

ՈՒՇԱԴՐՈՒԹՅՈՒՆ

2026 թվականի հունիսի 7-ին Հայաստանի Հանրապետությունում տեղի են ունենալու Ազգային ժողովի հերթական ընտրություններ:

Սևան համայնքի ղեկավարի համապատասխան որոշմամբ սահմանվել են Սևան համայնքում ընտրական տեղամասերի տեղամասային կենտրոնները, դրանց գտնվելու վայրերը:

Հարգելի ընտրողներ
Տեղեկացնում ենք, որ, Սևան համայնքի մի քանի բնակավայրում նախկինում սահմանված ընտրական տեղամասերի տեղամասային կենտրոնների շենքերի հիմնանորոգման աշխատանքներով պայմանավորված, տեղի է ունեցել կենտրոնների փոփոխություն, մասնավորապես՝

2026 թվականի հունիսի 7-ին Գեղամավան բնակավայրի ընտրողները քվեարկելու են մանկապարտեզի շենքում ձևավորված տեղամասային կենտրոնում (հասցե՝ 2-րդ փողոց, 2-րդ նրբ., թիվ 1 շենք)՝ նախկին Գեղամավանի Ա. Աբրահամյանի անվան միջնակարգ դպրոցի փոխարեն.

Լճաշեն բնակավայրի այն ընտրողները, որոնք նախկինում քվեարկել են Լճաշենի մշակույթի տանը, քվեարկելու են Լճաշենի Ա. Տեր-Գրիգորյանի անվան միջնակարգ դպրոցում (հասցե՝ գ. Լճաշեն, 24, 1 նրբանցք, թիվ 3).

Ծովագյուղ բնակավայրի այն ընտրողները, որոնք նախկինում քվեարկել են Ծովագյուղի մանկապարտեզում, քվեարկելու են Ծովագյուղի միջնակարգ դպրոցի հարևանությամբ գտնվող կցակառույցում՝ Երիտասարդական կենտրոնի շենք (հասցե՝ գ. Ծովագյուղ, 24-րդ փող., 5-րդ, նրբ., թիվ 70/1 շենք).

Ծաղկունք բնակավայրի ընտրողները քվեարկելու են մանկապարտեզի նախկին շենքում ձևավորված տեղամասային կենտրոնում (հասցե՝ գ. Ծաղկունք, 4-րդ փողոց, 7/1 շենք)՝ Ծաղկունքի բաց դպրոցի փոխարեն:

Սևան համայնքում ընտրական տեղամասերի տեղամասային կենտրոնների ամբողջական ցուցակին կարող եք ծանոթանալ ստորև:

ՀՀ ԱԺ ընտրությունների ընտրողների նախնական ցուցակները փակցված են ընտրական տեղամասերի տեղամասային կենտրոններում, ընտրողների ռեգիստրի և ընտրողների նախնական ցուցակները հասանելի են նաև ԿԸՀ կայքի՝ elections.am, գլխավոր էջում:

Address

Նաիրյան 164
Sevan
1501

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00

Telephone

+37426124323

Website

Alerts

Be the first to know and let us send you an email when Սևանի քաղաքապետարան posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Սևանի քաղաքապետարան:

Shortcuts

Share

Category