ՀՀ Վայոց ձորի մարզպետի աշխատակազմ / Staff of Vayots Dzor Marzpet of the RA

08/05/2026

✅Ավարտվել են մարզական միջոցառման եզրափակիչ փուլի մրցումները։
🏆Տարիքային առաջին խմբում Վայոց ձորի մարզը ներկայացնող Արենիի միջնակարգ դպրոցի թիմը գրավել է երկրորդ հաղթական հորիզոնականը։
Տարիքային երկրորդ խմբում Վայոց ձորի մարզը ներկայացնող Եղեգնաձորի թիվ 1 հիմնական դպրոցի թիմը զբաղեցրել է 4-րդ հորիզոնականը։
🔶Շնորհավորում ենք թիմերին ցուցաբերած լավագույն արդյունքների և դրսևորած կամային հատկանիշների համար, մաղթում շարունակական նվաճումներ։

07/05/2026

✅Մայիսի 6-ին ՀՀ Վայոց ձորի մարզպետ Վահագն Արսենյանը, մարզպետի տեղակալ Վասիլ Ասլանյանը և Վայք համայնքի ղեկավար Մխիթար Մաթևոսյանը Արին համայնքում հանդիպել են բնակիչների հետ, քննարկել բնակավայրի ենթակառուցվածքների զարգացմանն առնչվող մի շարք հարցեր, լսել բնակիչների խնդիրներն ու առաջարկությունները։
🔷Խմելու ջրի համակարգի բարելավում, բնակավայր տանող ճանապարհի բարեկարգում, գյուղատնտեսության ոլորտի տարբեր խնդիրների լուծմանն ուղղված աջակցություն /հակակարկտային կայանի տեղակայում, ցրտահարության հետևանքների մեղմման ուղղությամբ քայլեր/, սոցիալական տարաբնույթ հարցեր․ այս խնդիրներ են եղել բնակիչների մտահոգության հիմնական հարցերը։
🔷Աշխատանքային այցի ընթացքում բարձրացված հարցերը դիտարկվել են պատկան մարմինների կողմից, տրվել համապատասխան պարզաբանումներ, ներկայացվել խնդիրների լուծման ուղղությամբ ձեռնարկված աշխատանքները։
✅Նշվել է , որ մարզային և համայնքային իշխանություններն աշխատանքներում մշտապես կարևորում են բնակիչների հետ բաց և անմիջական շփումները, նրանց խնդիրներին տեղում ծանոթանալը և միասնական մոտեցումներով դրանց լուծման ուղղությամբ արդյունավետ քայլերի իրականացումը։

06/05/2026

06/05/2026

🚴🚴Ավարտվել են սիրողական խճուղային հեծանվավազքի մրցաշարի Վայոց ձորի մարզի Վայքի և Ջերմուկի տարածաշրջանային փուլի մրցույթները /Եղեգնաձորի տարածաշրջանի մրցույթը անցկացվել էր ավելի վաղ/։
🏅Վայքի տարածաշրջանում 7-9-րդ դասարանցիների տարիքային խմբում հաղթական հորիզոնականները բաշխվել են հետևյալ կերպ՝ 1-ին տեղ՝ Խնձորուտի միջնակարգ դպրոց, 2-րդ տեղ՝ Հերհերի միջնակարգ դպրոց, 3-րդ տեղ՝ Ազատեկի միջնակարգ դպրոց։
🏅10-12-րդ դասարանցիների տարիքային խմբում լավագույն եռյակը գլխավորել է Խնձորուտի միջնակարգ դպրոցը, իսկ 2-րդ և 3-րդ տեղերը զբաղեցրել են համապատասխանաբար Մարտիրոսի և Գոմքի միջնակարգ դպրոցները։
🏅Ջերմուկի տարածաշրջանում 7-9-րդ դասարանցիների և 10-12-րդ դասարանցիների տարիքային խմբերում պատկերը նույնն է եղել․ 1-ին տեղ՝ Ջերմուկի թիվ 3 միջնակարգ դպրոց, 2-րդ տեղ՝ Ջերմուկի կրթահամալիր, 3-րդ տեղ՝ Գնդեվազի միջնակարգ դպրոց։
🔸 սիրողական խճուղային հեծանվավազքի մրցաշարի Վայոց ձորի մարզի տարածաշրջանային փուլում /Եղեգնաձոր, Վայք, Ջերմուկ/ տարիքային երկու խմբերում ընդհանուր հաշվով մասնակցել են 172 դպրոցական։ Մրցաշարի Վայոց ձորի մարզային փուլի մրցույթը կանցկացվի մայիսի 11-ին։

05/05/2026

⚠️ԶԳՈՒՇԱՑՈՒՄ. «5G կապի» թարմացման անվան տակ տարվող հեռախոսազրույցները ընդհատեք

​Զեղծարարները շարունակում են կիրառել «5G կապի» թարմացման անվան տակ գործող հափշտակությունների մեթոդը։

Ձեզ զանգահարում են և ներկայանում որպես բջջային օպերատորի աշխատակից, համոզում են, թե անհրաժեշտ է հեռախոսում տեղադրել հատուկ հավելված (ծրագիր)՝ 5G կապն ակտիվացնելու կամ կարգավորելու համար: Ծրագիրը տեղադրելուց հետո հանցագործները ստանում են ձեր հեռախոսի հեռակա կառավարման հնարավորություն, մուտք են գործում ձեր բանկային հավելվածներ և հափշտակում գումարը:

​ԿԱՐԵՎՈՐ Է ՀԻՇԵԼ.

​❌ Երբեք մի՛ տեղադրեք անծանոթների կողմից առաջարկվող հավելվածներ
❌ Բջջային օպերատորները երբեք հեռախոսազանգի միջոցով չեն պահանջում տեղադրել կողմնակի ծրագրեր:
✅ Կասկածելի զանգ ստանալիս անմիջապես անջատեք հեռախոսը և զանգահարեք ձեր օպերատորի պաշտոնական թեժ գծին:

​Եղե՛ք իրազեկված և պաշտպանված:

ՀՀ ՆԳՆ ԿԻԲԵՌՈՍՏԻԿԱՆՈՒԹՅՈՒՆ

02/05/2026

01/05/2026

ՀՀ Վայոց ձորի մարզպետ Վահագն Արսենյանի շնորհավորական ուղերձը Մայիսի 1-ի՝ Աշխատանքի օրվա առթիվ

Սիրելի՛ հայրենակիցներ, սրտանց շնորհավորում եմ Մայիսի 1-ի՝ Աշխատանքի օրվա առթիվ։ Այս տոնը կրկին վերահաստատում է մի կարևոր ճշմարտություն. աշխատանքն է արժանապատիվ կյանքով ապրելու, ինքնադրսևորվելու և նոր հնարավորություններ ստեղծելու լավագույն միջոցը, կայուն, զարգացող պետություն կառուցելու գրավականներից մեկը։
Սեր ու հարգանք աշխատանքի և աշխատավորի նկատմամբ, աշխատակիցների իրավունքների և շահերի պաշտպանություն, արժևորում ու գնահատանք բարիք ստեղծող, արդյունք ապահովող, աշխատատեղեր ստեղծող մարդկանց նկատմամբ. այս արժեքները պետք է գերակա լինեն բոլոր պարագաներում:
Այսօր, օրվա խորհրդին համահունչ, մեկ անգամ ևս կարևորենք ձեռք բերած գիտելիքների ընդլայնման և հտությունների կատարելագործման անհրաժեշտությունը, որովհետև ժամանակների և տեխնոլոգիաների փոխոխությունը առաջադրում է նոր խնդիրների լուծում, աշխատաշուկայում մրցունակ դառնալու նոր պահանջ ու մոտեցում:
Ներդաշնակորեն զուգակցելով աշխատանքի նկատմամբ դրսևորած մեր հրաշալի ավանդույթները և ժամանակից աշխարհի պահանջները՝ շարունակենք արարել, ստեղծել յուրաքանչյուրս մեր տեղում, մեր աշխատավայրում, շարունակենք նպաստել մեր երկրի շենացմանը, տնտեսական հզորացմանը և բարօրությանը:
Կրկին շնորհավորելով Աշխատանքի օրվա առթիվ՝ մաղթում եմ , որ յուրաքանչյուր ոք ունենա աշխատանք, կարողանա դրսևորել իր լավագույն ներուժը, բացահայտել նոր հնարավորություններ, սահմանել նոր նպատակներ և դրանք իրագործելու եղանակներ: Մաղթում եմ , որ յուրաքանչյուր ոք վայելի իր աշխատանքի պտուղները , իր ստեղծարար և նորարար աշխատանքով և ստեղծագործ մտքով շենացնի հայրենիքը, ծառայի պետության հզորացման պատվաբեր գործին:

30/04/2026

Հարգելի քաղաքացիներ,

տեղեկացնում ենք, որ արդեն կարող եք դիմում ներկայացնել ըստ հաշվառման վայրի ընտրողների ցուցակից հանվելու և ըստ գտնվելու կամ նախընտրած վայրի մատչելի ընտրական տեղամասի ընտրողների ցուցակում ավելացվելու, ըստ գտնվելու վայրի ընտրական տեղամասի ընտրողների ցուցակում ընդգրկվելու մասին:

📌ՀՀ կենտրոնական ընտրական հանձնաժողովի 27.03.2025թ. թիվ 11-Ն որոշմամբ սահմանվել է ըստ հաշվառման վայրի ընտրողների ցուցակից հանվելու և ըստ գտնվելու կամ նախընտրած վայրի ընտրական տեղամասի ընտրողների ցուցակում ավելացվելու, ըստ գտնվելու վայրի ընտրական տեղամասի ընտրողների ցուցակում ընդգրկվելու վերաբերյալ ծանուցման ձևերը և կարգը, ինչպես նաև ըստ հաշվառման վայրի ընտրողների ցուցակից ժամանակավորապես դուրս գալու, ընտրողների ցուցակում ժամանակավորապես ընդգրկվելու մասին դիմումների ձևը և էլեկտրոնային եղանակով դիմումներ ներկայացնելու կարգը:

📑Դիմումները հնարավոր է ներկայացնել և՛ էլեկտրոնային, և՛ թղթային եղանակով։ Էլեկտրոնային դիմումները պետք է ապահովված լինեն էլեկտրոնային թվային ստորագրությամբ։

🔶Այլ անձի անունից դիմում ներկայացնելու դեպքում դիմումատուն պարտավոր է ներկայացնել նոտարական վավերացմամբ հաստատված լիազորագիր:

📌Տեղաշարժման (հենաշարժական) դժվարություններ ունեցող անձի անունից դիմում ներկայացնելու դեպքում դիմումատուն պարտավոր է ներկայացնել նոտարական վավերացմամբ հաստատված լիազորագիր:

📌Հաշմանդամության հիմքով տեղաշարժման (հենաշարժական) դժվարություններ ունեցող անձանց էլեկտրոնային դիմումները կարող են ապահովվել ստորագրության՝ դիմողի համար ընդունելի ցանկացած եղանակով, իսկ տեղաշարժման (հենաշարժական) դժվարություններ ունեցող այլ անձանց էլեկտրոնային դիմումներն ապահովվում են էլեկտրոնային թվային ստորագրությամբ։

📌Հաշմանդամության հիմքով տեղաշարժման (հենաշարժական) դժվարություններ ունեցող անձանց էլեկտրոնային թվային ստորագրությամբ չապահովված էլեկտրոնային դիմումներին կից ներկայացվում է նաև անձի հաշմանդամություն ունենալը հաստատող փաստաթուղթը կամ դրա պատճենը։

📢Հիշեցնենք, որ դիմումը պետք է ներկայացնել լիազոր մարմին՝ ՆԳՆ միգրացիայի և քաղաքացիության ծառայություն, քվեարկության օրվանից ոչ ուշ, քան 12 օր առաջ՝ մինչև ժամը 14:00-ն՝ այսինքն՝ մինչև մայիսի 26-ը։

28/04/2026

ՆԳՆ սպասարկման գրասենյակները շարունակում են իրականացնել շրջիկ սպասարկում՝ քաղաքացիներին մատուցելով և՛ միգրացիայի և քաղաքացիության ծառայության, և՛ հաշվառման-քննական բաժինների ծառայություններ։
🗓ՆԳ նախարարի հրամանի համաձայն՝ ապրիլի 30-ին ծառայություններ կմատուցվեն․
🕑ժամը 10։00-16:00,
📌Վայոց ձորի մարզի Վայք համայնքում՝ համայնքապետարանի հարևանությամբ,
🕑ժամը 10:00-16:00,
📌Լոռու մարզի Ստեփանավան համայնքում՝ համայնքապետարանի հարևանությամբ։
Շրջիկ սպասարկման շրջանակում քաղաքացիները կարող են փոխանակել անձնագիրը, ստանալ ժամանակավոր պաշտպանության վկայական, տեղեկանքներ։
Վարորդական իրավունքի ու սեփականության վկայականների, հաշվառման վկայագրի փոխանակման կամ կորստի դեպքում քաղաքացիները, մոտենալով շրջիկ գրասենյակ, կարող են նորը ստանալ, օգտվել նաև հաշվառման-քննական բաժինների կողմից մատուցվող այլ ծառայություններից։

28/04/2026

🔶Այսօր Երևան-Մալիշկա–Մեղրի ճանապարհահատվածում անցկացվեց սիրողական խճուղային հեծանվավազքի մրցաշարի Վայոց ձորի մարզի Եղեգնաձորի տարածաշրջանային փուլը։
🏅7-9-րդ դասարանցիների տարիքային խմբում հաղթական հորիզոնականները բաշխվել են հետևյալ կերպ՝ 1-ին տեղ- Ագարակաձորի Յ․ Խաչատրյանի անվան միջնակարգ դպրոց, 2-րդ տեղ-Արփիի Վ․ Լևոնյանի անվան միջնակարգ դպրոց, 3-րդ տեղ- Աղավնաձորի Գ․ Գրիգորյանի անվան միջնակարգ դպրոց։
🏅10-12--րդ դասարանցիների տարիքային խմբում լավագույն եռյակը գլխավորել է Աղավնաձորի Գ․ Գրիգորյանի անվան միջնակարգ դպրոցը, իսկ 2-րդ և 3-րդ տեղերը զբաղեցրել են համապատասխանաբար Արենիի և Եղեգիսի միջնակարգ դպրոցները։
🔶 սիրողական խճուղային հեծանվավազքի մրցաշարի Վայոց ձորի մարզի Եղեգնաձորի տարածաշրջանային փուլի տարիքային երկու խմբերում մասնակցել են 104 դպրոցական։
Վայքի և Ջերմուկի տարածաշրջանների մրցումները կանցկացվեն համապատասխանաբար ապրիլի 29-ին և ապրիլի 30-ին, իսկ մարզային փուլը՝ մայիսի 11-ին։