08/12/2021
Եղեգնաձոր, Մալիշկա, Գլաձոր, Գետափ, և Վերնաշեն համայնքների հարգելի՛ բնակիչներ
Անչափ շնորհակալ ենք և երախտապարտ՝ դեկտեմբերի 5-ին կայացած ՏԻՄ ընտրություններում «Դավիթ Հարությունյան» դաշինքին ցուցաբերած վստահության համար:
Համայնքի բնակիչների 63,48 տոկոսը Եղեգնաձոր համայնքի հետագա զարգացումը վստահել է մեզ, և մենք հուսախաբ չենք անի ոչ միայն մեզ ընտրողներին, այլ նաև համայնքի բոլոր բնակիչներին:
Շնորհակալությու՛ն, համայնքի սիրելի՛ բնակիչներ: Ձեր վստահության քվեն հուսալի ձեռքերում է: Մենք միասնաբար ու համերաշխորեն անցնելու ենք մեր համայնքի շենացման առաքելությանը:
Ի գործ՝ հանուն Եղեգնաձոր խոշորացված համայնքի :
Այս նոր շրջափուլում մեր թիմին տրված մանդատը պարտավորեցնում է նոր էջ բացել մեր նոր համայնքի պատմության մեջ ու հաջորդ սերնդին թողնել առավել բարեկարգ և զարգացած համայնք:Դա անելու ենք ողջամտորեն և միասին՝ ինչպես պայմանավորվել ենք:
Ուզում եմ նաև հատուկ շեշտել՝ չեմ ցանկանա, որ որևէ քաղաքացի այս ընտրությունների արդյունքում իրեն պարտված զգա՝ անկախ նրանից, թե, որ թիմին է վստահել իր քվեն: Ես համայնքի ղեկավար եմ հավասարապես բոլորի համար:
Ամենայն բարիք մեր թիմին և բոլորին, ովքեր գիտակցում են առաջիկա տարիներին կատարելիք աշխատանքների կարևորությունը և պատրաստ են արժանապատվորեն իրենց ուսերին կրելու այդ պատվաբեր բեռը:
Աստված պահապան բոլորիս, խաղաղություն մեր երկրին:
Հարգանքներով՝ Դավիթ Հարությունյան:
