Արգելոցապարկային Համալիր Reserve Park Complex

29/05/2026

#փոշոտում #Դենդրոպարկ #Լոռի #սոճի

29/05/2026

🌿ԲՈՒՅՍԵՐԻ ՍԻՐԱՀԱՐՆԵՐԻ ՈՒՇԱԴՐՈՒԹՅԱՆԸ⬇️

Տեղեկացնում ենք, որ Արգելոցապարկային համալիր-ի ենթակայությամբ գործող դենդրոպարկերի տնկանյութի վաճառքն այսուհետ կենտրոնացված իրականացվում է Ստեփանավանի «Սոճուտ» դենդրոպարկում։

Դենդրոպարկում կարող եք ձեռք բերել տարբեր տեսակի դեկորատիվ ծառատեսակներ և թփատեսակներ՝ հարմարեցված տեղական կլիմայական պայմաններին։

Այցելուներին տրամադրվում է նաև մասնագիտական խորհրդատվություն՝

✔️ բույսերի ընտրության,
✔️ տնկման և խնամքի,
✔️ ինչպես նաև կլիմայավարժեցման առանձնահատկությունների վերաբերյալ։

Սա հրաշալի հնարավորություն է ձեր այգին, բակը կամ կանաչ տարածքը համալրելու առողջ և խնամված բույսերով՝ միաժամանակ աջակցելով դենդրոպարկերի պահպանության և զարգացման աշխատանքներին։

📍 Սիրով սպասում ենք ձեզ Ստեփանավանի «Սոճուտ» դենդրոպարկում։
_____________________________________________________
Ստեփանավանի «Սոճուտ» դենդրոպարկ
Բերդի "Սորաններ" Դենդրոպարկ

28/05/2026

✨Ստեփանավանի «Սոճուտ» դենդրոպարկում շարունակվում է սոճիների փոշոտման շրջանը՝ բնությանը հաղորդելով յուրահատուկ շունչ և գարնանային առանձնահատուկ մթնոլորտ։ Տարվա այս ժամանակահատվածում դենդրոպարկի արահետները լցվում են բնական թարմությամբ, իսկ մշտադալար ծառատեսակների ու ծաղկող թփերի համադրությունը ձևավորում է գեղատեսիլ և ներդաշնակ բնապատկեր։

💚Առվակի մեղմ հոսքը, մաքուր անտառային օդը և հարուստ բուսական աշխարհը դենդրոպարկը դարձնում են բնաճանաչողական զբոսանքի, հանգստի և բնության հետ խաղաղ հաղորդակցության լավագույն վայրերից մեկը։

Ստեփանավանի «Սոճուտ» դենդրոպարկը շարունակում է այցելուներին ներկայացնել Հայաստանի դենդրոֆլորայի բազմազանությունն ու բնական արժեքները՝ ստեղծելով յուրահատուկ հնարավորություն բնության գեղեցկությունն ու հանգստությունը մեկ վայրում վայելելու համար։

📍 Ստեփանավանի «Սոճուտ» դենդրոպարկ, Լոռու մարզ, հ․ Գյուլագարակ

27/05/2026

-What makes you happy?
-This:

27/05/2026

27/05/2026

📌«Արգելոցապարկային համալիր» ՊՈԱԿ-ի գիտության բաժնի աշխատակիցների կողմից Ստեփանավանի «Սոճուտ» և Վանաձորի Ժ. Սարուխանյանի անվան դենդրոպարկերում իրականացվել են տեսակային կազմի ուսումնասիրություններ՝ նպատակ ունենալով գնահատել տարածքների բուսական բազմազանությունը, առկա տեսակների պահպանության վիճակը, ինչպես նաև դրանց աճի և զարգացման առանձնահատկությունները։

🍃Ուսումնասիրությունների ընթացքում կատարվել են բույսերի դիտարկումներ, արձանագրվել տեսակների տարածվածությունն ու կենսունակությունը, գնահատվել դենդրոպարկերի էկոհամակարգային պայմաններն ու բույսերի հարմարվողականության աստիճանը։

🌱Բացի այդ, Ստեփանավանի «Սոճուտ» դենդրոպարկ է տեղափոխվել նոր թփատեսակ՝ հովհարանման թխկի (Acer palmatum)՝ կլիմայավարժեցման և հետագա ուսումնասիրման նպատակով։

Վանաձորի Ժ. Սարուխանյանի անվան դենդրոպարկ են տեղափոխվել հետևյալ տեսակները՝
• ծալքավոր թույա (Thuja plicata),
• Մեյերի պալիբին եղրևանի (Syringa meyeri Palibin),
• լեռնային սոճի (Pinus mugo Mughus),
• արծաթափայլ կոնաձև եղևնի (Picea glauca Conica),
• սովորական եղրևանի (Syringa vulgaris)։

ℹ️Նոր տեսակների ներմուծումն իրականացվել է կլիմայավարժեցման, հարմարվողականության ուսումնասիրման և հետագա պահպանության նպատակով։ Այս գործընթացը կնպաստի դենդրոպարկերի բուսական հավաքածուների հարստացմանը, կենսաբազմազանության պահպանությանը և գիտահետազոտական աշխատանքների զարգացմանը։

26/05/2026

25/05/2026

ՍՈՃԻՆԵՐԻ ՓՈՇՈՏՄԱՆ ՇՐՋԱՆԸ ՍՏԵՓԱՆԱՎԱՆԻ «ՍՈՃՈւՏ» ԴԵՆԴՐՈՊԱՐԿՈՒՄ

📌Տարվա ընթացքում միայն կարճ ժամանակահատվածում՝ մայիս-հունիս ամիսներին, Շրջակա միջավայրի նախարարության «Արգելոցապարկային համալիր» ՊՈԱԿ-ի ենթակայության տակ գտնվող Ստեփանավանի «Սոճուտ» դենդրոպարկում սկսվում է սոճիների փոշոտման շրջան։ Այդ օրերին սոճու անտառներում տեղի է ունենում բնական կենսաբանական ակտիվացման մի գործընթաց, որի արդյունքում օդում արտազատվում են ֆիտոնցիդ կոչվող նյութեր։

ℹ️Ֆիտոնցիդները բույսերի կողմից արտադրվող բնական միացություններ են, որոնք ունեն հակաբակտերիալ և հակաբորբոքային հատկություններ։ Սոճիների փոշոտման շրջանում դրանք առավել ինտենսիվորեն տարածվում են մթնոլորտում՝ ձևավորելով միջավայր, որն օժտված է շնչառական համակարգի վրա դրական ազդեցությամբ։
Ուսումնասիրությունները ցույց են տալիս, որ այդ ժամանակահատվածում սոճու անտառում գտնվելը նպաստում է շնչուղիների մաքրմանը, բջիջների վերականգնմանը, ինչպես նաև ընդհանուր ինքնազգացողության բարելավմանը։
Սոճիների փոշոտման շրջանը կարող է հատկապես օգտակար լինել այն անձանց համար, ովքեր ունեն շնչառական համակարգի խնդիրներ, ինչպես օրինակ՝ բրոնխաբորբ, ասթմա կամ ալերգիայի հետևանքով առաջացած դժվարություններ շնչառության մեջ։

🌳Ստեփանավանի «Սոճուտ» դենդրոպարկը այս օրերին հանդիսանում է բնության կողմից ստեղծված յուրօրինակ առողջարար միջավայր, որն ունի ինչպես կանխարգելիչ, այնպես էլ վերականգնողական նշանակություն։
___________________________________
✨Խրախուսում ենք այս օրերին այցելել դենդրոպարկ և օգտվել սեզոնային այս բնական հնարավորությունից։

Ստեփանավանի «Սոճուտ» դենդրոպարկ

24/05/2026

Ստեփանավանի «Սոճուտ» դենդրոպարկի այցելուները💚

23․05․2026

22/05/2026

♻️Կենսաբազմազանության միջազգային օր

Այսօր աշխարհը նշում է Կենսաբազմազանության միջազգային օրը՝ կարևորելով բնության պահպանության և բնական էկոհամակարգերի կայուն զարգացման նշանակությունը։ Կենսաբազմազանությունը մարդկության բարեկեցության, առողջ շրջակա միջավայրի և կայուն ապագայի հիմնասյուներից է։

📌Այս տարին առանձնահատուկ նշանակություն ունի Հայաստանի համար, քանի որ մեր երկիրը կհյուրընկալի համաժողովը։ Սա կարևոր հնարավորություն է միջազգային հարթակում ընդգծելու կենսաբազմազանության պահպանության ուղղությամբ համատեղ ջանքերի անհրաժեշտությունը և ներկայացնելու Հայաստանի բնապահպանական ներուժն ու պատասխանատվությունը գլոբալ գործընթացներում։

🌎Կենսաբազմազանության պահպանումը բոլորիս ընդհանուր պատասխանատվությունն է՝ հանուն կայուն զարգացման և ապագա սերունդների բարեկեցության։

#Կենսաբազմազանություն