Հանրային Կապերի և Տեղեկատվության Կենտրոն

14/06/2026

Մեր ժամանակների հերոսը 2026

Տաթևիկ Կիրակոսյանն ապրում է Արարատի մարզի Փոքր Վեդի գյուղում։ Հիմնել է «TD product» ապրանքանիշը, որը ներկայացնում է փայտային հումքից պատրաստված պայուսակներ, զարդարված հայկական մանրանկարչության տարրերով։

13/06/2026

Մեր ժամանակների հերոսը 2026

Գյումրեցի Միքայել Պողոսյանը ստեղծում է փայտից ու քարից ձեռագործ զարդեր` ներկայացնելով «Be Art» ապրանքանիշը։

12/06/2026

Մեր ժամանակների հերոսը 2026

Դեյվիդ Արղամանյանն ապրում է Սպիտակ քաղաքում։ Հիմնել է «Resin in style» ապրանքանիշը, որը ներկայացնում է էպօքսիդային խեժից և տարբեր ծաղիկներից պատրաստված զարդեր։

10/06/2026

Մեր ժամանակների հերոսը 2026

Մարինե Տոնոյանն ապրում է Գեղարքունիքի մարզի Ծովինար գյուղում։ Նա հիմնել է «Ֆիշուրմա» ապրանքանիշը, որը ներկայացնում է սիգից բաստուրմա` պատրաստված յուրահատուկ բաղադրատոմսով։

20/05/2026

Ամեն օր տեղեկատվական դաշտում տարածվում են հազարավոր լուրեր և տեսանյութեր, սակայն դրանցից ոչ բոլորն են արժանահավատ։ Ապատեղեկատվությունը կարող է ներկայացվել խեղաթյուրված լուրերի, կեղծված լուսանկարների, հին տեսանյութերի կամ արհեստական բանականությամբ ստեղծված բովանդակության միջոցով։

❗ Տեղեկությունը տարածելուց առաջ կարևոր է՝

• ստուգել աղբյուրը,
• համադրել այլ լրատվամիջոցների հետ,
• օգտվել պաշտոնական և վստահելի հարթակներից։

Յուրաքանչյուր օգտատեր կարող է նպաստել ապատեղեկատվության տարածման կանխմանը։

✅ Ստուգի՛ր մինչ տարածելը

15/05/2026

Մայիսի 15-ին Հանրային կապերի և տեղեկատվության կենտրոնում հյուրընկալվել է ԵԱՀԿ Ժողովրդավարական հաստատությունների և մարդու իրավունքների գրասենյակի (ԺՀՄԻԳ) ընտրությունների դիտորդական առաքելության քաղաքական վերլուծաբան Յուլիա Մանչինը:

Հանդիպմանը տկն․ Մանչինին ներկայացվել են ՀՀ Կառավարության «Ապատեղեկատվության դեմ պայքարի 2024-2026թթ․ հայեցակարգը» և դրա շրջանակում իրականացվող գործողությունները։ Քննարկվել են արտաքին ապատեղեկատվության դեմ պայքարին վերաբերող հարցեր։

11/05/2026

Մեր ժամանակների հերոսը 2026

«Եթե ուզում ես աշխարհը փոխել, պիտի սկսես քեզանից»․ Գարիկ Թովմասյանը Դիլիջանում հիմնել է «Դիլիջան ՋԻՄ» մարզական ակումբը, որտեղ անցկացվում են ուժային եռամարտի, սամբոյի, ֆիտնեսի պարապմունքներ։

09/05/2026

⚠️ Ստուգե՛ք կասկածելի տեղեկությունը

Սոցցանցերում և տեղեկատվական հարթակներում ամեն օր տարածվում են տեղեկություններ, որոնք միշտ չէ, որ համապատասխանում են իրականությանը։

Հենց այս մարտահրավերին արձագանքելու նպատակով ստեղծվել է stugel.am հարթակը, որը հնարավորություն է տալիս արագ և պարզ կերպով ստուգել տարբեր տեղեկությունների հավաստիությունը։

Հարթակը ստեղծվել է ՀՀ վարչապետի աշխատակազմի Հանրային կապերի և տեղեկատվության կենտրոնի կողմից՝ մեդիա գրագիտության բարձրացման և ապատեղեկատվության դեմ պայքարի նպատակով։

👉 Ստուգի՛ր մինչ վստահելը
👉 Ստուգի՛ր մինչ տարածելը

⚠️ Ստուգե՛ք կասկածելի տեղեկությունը

Սոցցանցերում և տեղեկատվական հարթակներում ամեն օր տարածվում են տեղեկություններ, որոնք միշտ չէ, որ համապատասխանում են իրականությանը։
Հենց այս մարտահրավերին արձագանքելու նպատակով ստեղծվել է stugel.am հարթակը, որը հնարավորություն է տալիս արագ և պարզ կերպով ստուգել տարբեր տեղեկությունների հավաստիությունը։
Հարթակը ստեղծվել է ՀՀ վարչապետի աշխատակազմի Հանրային կապերի և տեղեկատվության կենտրոնի կողմից՝ մեդիա գրագիտության բարձրացման և ապատեղեկատվության դեմ պայքարի նպատակով։

👉 Ստուգի՛ր մինչ վստահելը
👉 Ստուգի՛ր մինչ տարածելը

06/05/2026

Խոր ցավով տեղեկացնում ենք, որ կյանքից անժամանակ հեռացել է մեր ընկեր և գործընկեր Gevorg Kalloshyan-ը։

Գևորգը Հայաստանի օրինակելի քաղաքացիներից էր, հայրենիքի նվիրյալ, բարձրակարգ թուրքագետ և հրաշալի մարդ, ով երկար տարիներ անձնվիրաբար ծառայում էր մեր երկրին։ Նա ամուսնացած էր և ուներ երկու երեխա։

Մեր ցավակցությունն ենք հայտնում Գևորգի ընտանիքին և հարազատներին։

Հոգեհանգիստը տեղի կունենա մայիսի 7-ին ժամը 17։30-20։00, Նարեկ սգո սրահում` քաղաք Աբովյան, Էդիկ Ավագյան փ. 20 հասցեով։

06/05/2026

Մեր ժամանակների հերոսը 2026

«Դարմին» ապրանքանիշի հիմնադիր Արմինե Աթոյանը ապրում ու ստեղծագործում է ծննդավայր Հրազդանում, որտեղ նաև դասավանդում է ասեղնագործություն ու ժանյակագործություն։