Լեզվի կոմիտե / Language Committee

16/05/2026

✅️ Լեզվի կոմիտեի նախագահ Սիրանուշ Դվոյանն այս տարի նույնպես մասնակցում է ԵՊՀ շրջանավարտների ֆորումին` որպես պանելային քննարկման բանախոս։

🎬 Ներկայացնում ենք «Հայագիտության զարգացման հեռանկարները» խորագրով պանելային քննարկումը մեկ տեսաշարով։

15/05/2026

📌 Լեզվի կոմիտեն հյուրընկալել էր «Չքաղաքականացնել» հաղորդման թիմին
📽 Հաղորդման շրջանակում Կոմիտեի նախագահ Սիրանուշ Դվոյանը ներկայացրել է կառույցում իրականացվող աշխատանքները, անդրադարձել ժամանակակից հայերենի զարգացման միտումներին և լեզվին առնչվող մի շարք այլ հարցերի։
➡ Հաղորդման ավարտին Սիրանուշ Դվոյանը նաև անկեղծացել է՝ նշելով, թե որ լեզվական սխալներն են իր համար հատկապես անընդունելի։
⤵ Շնորհակալություն «Լուրեր»-ի մեր գործընկերներին անդրադարձի համար։

30/04/2026

📌 Այս տարի նշվում է մեծանուն լեզվաբան Հրաչյա Աճառյանի ծննդյան 150-ամյակը․ այս կապակցությամբ ՀՀ վարչապետի որոշմամբ ստեղծվել է հոբելյանական հանձնաժողով՝ ՀՀ կրթության, գիտության, մշակույթի և սպորտի նախարար Ժաննա Անդրեասյանի նախագահությամբ։
Հիմք ընդունելով միջգերատեսչական հոբելյանական հանձնաժողովի որոշումը՝ ԿԳՄՍ նախարարությունը հայտարարում է հոբելյանական միջոցառումների հայտերի ընդունման մրցույթ:
🟩 Մրցույթին մասնակցելու իրավունք ունեն 18 տարեկանից բարձր ՀՀ քաղաքացիները և իրավաբանական անձինք: Մասնակցելու համար անհրաժեշտ է մինչև մայիսի 15-ը ԿԳՄՍ նախարարություն ներկայացնել հայտ:
Դիմելու մանրամասները՝ https://escs.am/am/news/36189

Այս տարի նշվում է մեծանուն լեզվաբան Հրաչյա Աճառյանի ծննդյան 150-ամյակը․ այս կապակցությամբ ՀՀ վարչապետի որոշմամբ ստեղծվել է հոբելյանական հանձնաժողով՝ ՀՀ կրթության, գիտության, մշակույթի և սպորտի նախարար Ժաննա Անդրեասյանի նախագահությամբ։

Հիմք ընդունելով միջգերատեսչական հոբելյանական հանձնաժողովի որոշումը՝ ԿԳՄՍ նախարարությունը հայտարարում է հոբելյանական միջոցառումների հայտերի ընդունման մրցույթ:

Մրցույթին մասնակցելու իրավունք ունեն 18 տարեկանից բարձր ՀՀ քաղաքացիները և իրավաբանական անձինք: Մասնակցելու համար անհրաժեշտ է մինչև մայիսի 15-ը ԿԳՄՍ նախարարություն ներկայացնել հայտ:

Դիմելու մանրամասները՝ https://escs.am/am/news/36189

22/04/2026

📍 Ապրիլի 17-ին Գյումրիում անցկացվել է Գերմաներենի օրվան նվիրված միջոցառում, որին ողջույնի խոսքով հանդես է եկել նաև Լեզվի կոմիտեի նախագահ Սիրանուշ Դվոյանը։

➡️ Միջոցառմանը Լեզվի կոմիտեի նախագահն անդրադարձել է Հայաստանում Գյոթե ինստիտուտի հետ համագործակցության կարևորությանը՝ նշելով, որ գերմաներենի ուսուցման միջոցով գերմանական մշակույթի տարածման փորձը ոգևորիչ օրինակ է․ «Սա է մեզ մղել գերմանացի մեր գործընկերների հետ համատեղ մտածել փոխգործակցության այնպիսի ձևաչափեր, որոնք հավասարապես նպաստավոր կլինեն ինչպես գերմաներենի տարածման խրախուսմանը Հայաստանում, այնպես էլ հայերենի զարգացմանը»։
➡️ Սիրանուշ Դվոյանը նաև կարևորել է լեզվի ուսուցման այն մոտեցումները, որոնց շնորհիվ սովորողը չի սահմանափակվում միայն լեզվի ֆորմալ ու քերականական իմացությամբ, այլ կենդանի շփման և ազատ հաղորդակցության միջոցով ճանաչում է նաև տվյալ ժողովրդի մշակույթը։ Նրա խոսքով՝ այս ճանապարհով լեզուն՝ որպես հաղորդակցության միջոց բացահայտվում է իր ամբողջ պոտենցիալով՝ ցույց տալով իր բազամերեսությունը։

Goethe-Institut Armenien

22/04/2026

📌 «Լեզվի մասին» օրենքում փոփոխություններ կատարելու մասին» ՀՕ-332-Ն օրենքի ընդունմամբ լրացվել է լիազորող նորմ, որը հնարավորություն է տալիս կանոնարկելու պետական փաստաթղթաշրջանառության և օրենսդրության մեջ թարգմանված և փոխառված հասկացությունների և հատուկ անունների զուգաձև կիրառությունը։

‼️ e-draft միասնական հարթակում քննարկման են դրվել՝
✅ «Պետական փաստաթղթաշրջանառության և օրենսդրության մեջ թարգմանված և փոխառված հասկացությունների ու հատուկ անունների կանոնարկման կարգը հաստատելու մասին» ՀՀ կառավարության որոշում,
✅ «Կանոնարկման հանձնաժողովի ձևավորման կարգը և աշխատակարգը հաստատելու մասին» ՀՀ կառավարության որոշում։

📌 Նախագծերի նպատակն է ձևավորել մեխանիզմներ, որոնք կապահովեն թարգմանված և փոխառված հասկացությունների նույնական և միօրինակ կիրառություն պետական փաստաթղթերում՝ հաղորդակցական մակարդակում նվազեցնելով հնարավոր թյուրըմբռնումներն ու տարբեր մեկնաբանությունները։
⤵ Նախագծերին կարող եք ծանոթանալ և առաջարկներ ներկայացնել՝ անցնելով այս հղումով․ https://www.e-draft.am/projects/10073

20/04/2026

Ուսումնական նախագծային աշխատանքների շրջանակում այսօր Լեզվի կոմիտե են այցելել Եղվարդի համար 1 ավագ դպրոցի աշակերտները։

18/04/2026

📢 ՀՀ լեզվի կոմիտեն Աջափնյակ վարչական շրջանի Բաշինջաղյան և Շինարարների փողոցների հանրային գրվածքների լեզվավիճակների մշտադիտարկում կիրականացնի ապրիլի 21-ից մայիսի 8-ը․ վարչական շրջանում ապրիլի 1-ից 14-ը նախատեսված մշտադիտարկումները տեխնիկական պատճառներով չեն իրականացվել։

‼️ Մշտադիտարկմամբ կարձանագրվի՝ որքանով են հանրային գրվածքները համապատասխանում «Լեզվի մասին» ՀՀ օրենքի պահանջներին, որ մասն է, որ մասնակի է համապատասխանում, և որ մասն է, որ չի համապատասխանում։

➡️ Մշտադիտարկման պլանը տեղադրված է Լեզվի կոմիտեի պաշտոնական կայքում՝ https://langcom.am/ապրիլի-մշտադիտարկումներ/
Երևանի քաղաքապետարան / Yerevan Municipality

17/04/2026

📌 1993 թվականի ապրիլի 17-ին ընդունվեց «Լեզվի մասին» Հայաստանի Հանրապետության օրենքը։

16/04/2026

📌 Այսօր ԿԳՄՍՆ լեզվի կոմիտեի նախագահ Սիրանուշ Դվոյանը հանդիպում է ունեցել Էկոնոմիկայի նախարարության զբոսաշրջության կոմիտեի նախագահ Լուսինե Գևորգյանի հետ։

➡️ Կոմիտեների նախագահները քննարկել են երկկողմ համագործակցության հնարավորությունները՝ ուղղված զբոսաշրջության ոլորտում լեզվական բաղադրիչի ներդրմանը։ Մասնավորապես քննարկվել է «լեզվական տուրերի» ներդրման հնարավորությունը։

➡️ Քննարկվել է նաև «Հայերենի ստուգման և գնահատման համակարգի» համատեքստում զբոսավարների հայերենի իմացության ստուգման և գնահատման մեխանիզմների ներդրման, ինչպես նաև զբոսաշրջության ոլորտում լեզվական որակի բարձրացմանն ուղղված միջոցառումների իրականացման հարցերը։