21/01/2026
Ծանոթացե՛ք Լևոն Չուկակլյանն է՝ մեր շարժման համահիմնադիրը և Համակարգող Խորհրդի անդամ։ Ծնվել է 1996 թվականի նոյեմբերի 1-ին՝ Արմավիրի մարզի Արմավիր քաղաքում։
🎓 Կրթություն
2003–2014 թթ․ սովորել է Արմավիրի թիվ 4 դպրոցում։
2014–2020 թթ․ ավարտել է ԵՊՀ միջազգային հարաբերությունների ֆակուլտետի քաղաքագիտության բաժինը։
2022–2023 թթ․ նույն ֆակուլտետում շարունակել է ուսումնառությունը և ավարտել քաղաքագիտության մագիստրատուրան՝ «Ազգային անվտանգություն» կրթական ծրագրով։
🔸 Մասնակցել է կառավարման, ընտրական գործընթացների և սոցիալական ազդեցության ընդլայնմանն ուղղված մի քանի տասնյակ դասընթացների և վերապատրաստումների՝ ԱՄՆ-ում, Գերմանիայում, Լեհաստանում, Չեխիայում, Բելգիայում և այլ երկրներում։
👨💻 Մասնագիտական և աշխատանքային գործունեություն
2018 թվականից հանդիսանում է «ՄԻՏՔ» կրթական-երիտասարդական նախաձեռնություն հասարակական կազմակերպության համահիմնադիր-նախագահը։ Երկու սոցիալական ձեռնարկատիրությունների հիմնադիր է։ Ղեկավարել է ավելի քան 30 կրթական, երիտասարդական, սոցիալական և համայնքային ծրագրեր։
Որպես փորձագետ և դասընթացավար համագործակցել է բազմաթիվ տեղական և միջազգային կազմակերպությունների հետ՝ անցկացնելով 300-ից ավել դասընթացներ՝ ավելի քան 5000 մասնակիցների համար։ Հեղինակ է մի շարք հետազոտական աշխատանքների, ոլորտային ուղեցույցների և հոդվածների։
2018 թվականից մինչ օրս ներգրավված է եղել տեղական և համապետական տարբեր ընտրություններում՝ որպես դիտորդական առաքելությունների համակարգող, ինչպես նաև հանդես է եկել որպես միջազգային դիտորդ՝ համագործակցելով միջազգային դիտորդական կազմակերպությունների հետ։
🔸 Կրթական և կառավարչական դերակատարում
2025 թվականից հանդիսանում է Հայաստանում Ֆրանսիական քոլեջի կառավարման ամբիոնի ղեկավարը՝ միաժամանակ դասախոսելով կառավարման և ձեռներեցության կրթական ծրագրերով։
🛡 Ծառայություն և ճգնաժամային գործունեություն
2015–2017 թթ․ ծառայել է ՀՀ զինված ուժերում, Ապրիլյան քառօրյա պատերազմի մասնակից է։
2020 թվականի 44-օրյա պատերազմի ընթացքում կամավորագրվել է՝ իրականացնելով թիկունքային տարբեր աշխատանքներ և նախաձեռնելով աջակցության ծրագրեր։
2020–2025 թթ․ գործընկերների հետ միասին աջակցություն է տրամադրել Արցախից բռնի տեղահանված շուրջ 1000 ընտանիքների, 100-ից ավելի անձանց ապահովել աշխատանքով և բիզնես հնարավորություններով։
🔸 Ամուսնացած է, ունի երկու դուստր։
🎯Լևոն Չուկակլյանի համոզմամբ՝ պետության կայուն և անվտանգ զարգացման առանցքում ազգային դիմակայունությունն է, որը ձևավորվում է արժանապատիվ քաղաքացու գիտակցությամբ, մարդկային ֆիզիկական ներուժի և իհարկե մտքի համախմբմամբ, ինչպես նաև հանրային պատասխանատվություն կրող կառույցների արդար, հաշվետու և թափանցիկ գործունեությամբ։
