Հայաստանի ազգային արխիվ / National Archives of Armenia

15/05/2026

📍ՀԱՅՏԱՐԱՐՈՒԹՅՈՒՆ
«Հայաստանի ազգային արխիվ» ՊՈԱԿ-ը աշխատանքի է հրավիրում հումանիտար կրթությամբ մասնագետների (բանասեր, պատմաբան, մշակութաբան) մրցութային կարգով` Արխիվային հավաքածուի ձևավորման բաժնում աշխատելու համար։
Պահանջներ.
• Բարձրագույն կրթություն
• Հայերենի գերազանց իմացություն
• Օտար լեզուների բավարար իմացությունը (ռուսերեն) կդիտվի որպես առավելություն
• Համակարգչային գիտելիքներ
• Կազմակերպված, պարտաճանաչ, պատասխանատու և սթրեսակայուն

🤝Փաստաթղթաշրջանառության կամ գործավարության ոլորտում աշխատանքային փորձը կդիտարկվի որպես առավելություն։
Ամսական աշխատավարձը՝ 140 000 դրամ (ներառյալ հարկերը)։

📄Հետաքրքրված անձինք կարող են ուղարկել ինքնակենսագրություն (CV)
[email protected] էլ. հասցեին մինչև սույն թվականի հունիսի 1-ը ներառյալ։

#Հայաստանիազգայինարխիվ #Ազգայինարխիվ #ՀԱԱ #Հայտարարություն

13/05/2026

🎞️ՏԵՍԱՆՅՈՒԹ
🎙️Շնորհակալություն Հայաստանի Հանրային ռադիոյին և լրագրող Արմինե Գևորգյանին 100-ամյա հայկական ռադիոյի հիմնադրման պատմությանն առնչվող հետաքրքրական վավերագրերը հանրայնացնելու համար՝ հիշեցնելով, որ Հայաստանում ռադիոյի ակունքները ձգվում են ավելի վաղ ժամանակներ՝ մինչև 1918-1919 թվականներ։

#Հայաստանիազգայինարխիվ #Ազգայինարխիվ #ՀԱԱ #Հանրայինռադիո

Հայաստանի ազգային արխիվի գիտահետազոտական աշխատանքների և միջազգային կապերի բաժնի գլխավոր արխիվագետ Աս

06/05/2026

📚Ապագա պատմաբանների ճանաչողական այցը Հայաստանի ազգային արխիվ

📆 Մայիսի 6-ին Հայաստանի ազգային արխիվ այցելեցին Խ. Աբովյանի անվան հայկական պետական մանկավարժական համալսարանի պատմության և հասարակագիտության ֆակուլտետի երկրորդ կուրսի ուսանողները։ Դասախոսի ուղեկցությամբ պատմության դասի շրջանակում կազմակերպված ճանաչողական այցի ընթացքում ուսանողները հնարավորություն ունեցան տեղում ծանոթանալու արխիվի գործունեությանը։ Նրանք շրջեցին պահպանման հատուկ պայմաններով ապահովված պահոցներում, այցելեցին փաստաթղթերի վերականգնման լաբորատորիա, որտեղ ծանոթացան ձեռագիր նյութերի վերակենդանացման գործընթացին, ինչպես նաև հետևեցին թվայնացման բաժնի աշխատանքին՝ տեսնելով, թե ինչպես է պատմական ժառանգությունը տեղափոխվում թվային տիրույթ։ Այցի կարևոր կանգառներից էր նաև ընթերցասրահը, որտեղ ուսանողները պատկերացում կազմեցին հետազոտական աշխատանքի կազմակերպման և արխիվային նյութերի ուսումնասիրման առանձնահատկությունների մասին։

📜Ճանաչողական այցն ապագա պատմաբաններին հնարավորություն տվեց ոչ միայն առավել ամբողջական պատկերացում կազմել արխիվային աշխատանքի, նաև փաստաթղթերի պահպանման ու օգտագործման գործընթացների վերաբերյալ, այլև զգալու պատմության կենդանի ներկայությունը։

#Հայաստանիազգայինարխիվ #ՀԱԱ #Արխիվ #Մանկավարժականհամալսարան #ճանաչողականայց

30/04/2026

📜 Ցուցահանդես Ճարտարապետության ազգային թանգարանում՝ Հայաստանի ազգային արխիվի հետ համագործակցությամբ

📆 Ապրիլի 29-ին Ալ․ Թամանյանի անվան ճարտարապետության ազգային թանգարան-ինստիտուտում՝ Հայաստանի ազգային արխիվի հետ համագործակցությամբ, բացվեց «Ոսկեձեռիկ ճարտարապետը» խորագրով ցուցահանդես՝ նվիրված անվանի ճարտարապետ Բաղդասար Արզումանյանի ծննդյան 110-ամյակին։

🔗Թանգարան-ինստիտուտի տնօրեն Զարուհի Հայրապետյանը ողջունեց ներկաներին, ներկայացրեց Բաղդասար Արզումանյանի կյանքին ու գործունեությանն առնչվող հիշարժան դրվագներ, նաև երախտագիտություն հայտնեց Հայաստանի ազգային արխիվին արդյունավետ համագործակցության և ցուցադրության համար անհրաժեշտ նյութերի տրամադրման համար։

🔎 Բաղդասար Արզումանյանի նախագծով են կառուցվել «Էրեբունի» պատմահնագիտական թանգարանը, Երևանի մետրոպոլիտենի «Սասունցի Դավիթ» կայարանի սրահները, Մայր Աթոռի տարածքում Մարի և Ալեք Մանուկյանների անվան գանձատուն-թանգարանը և այլն։ Բ․ Արզումանյանի նախագծով կառուցվել են նաև մի շարք եկեղեցիներ։

https://armarchive.am/news/56
#Հայաստանիազգայինարխիվ #Ազգայինարխիվ #ՀԱԱ #ԲաղդասարԱրզումանյան110 #համագործակցություն #Ճարտարապետությանազգայինթանգարան #ցուցադրություն

28/04/2026

✅Ավետիք Բուռնազյանի 120-ամյակին նվիրված միջոցառումներ՝ Հայաստանի ազգային արխիվի հետ համագործակցությամբ

📅 Ապրիլի 21-22-ը «Մեր ապագան» կրթամշակութային բարեգործական հիմնադրամի նախաձեռնությամբ Գավառում և Երևանում անցկացվել են «Ավետիք Բուռնազյան-120․ ժառանգություն, որ միավորում է Ռուսաստանն ու Հայաստանը» խորագրով միջոցառումներ։

📜 ՀՀ գիտությունների ազգային ակադեմիայում կազմակերպվել է ցուցադրություն և համաժողով՝ նվիրված բժիշկ, ռազմական և քաղաքացիական առողջապահության կազմակերպիչ, ԽՍՀՄ առողջապահության նախարարի տեղակալ Ավետիք Բուռնազյանի կյանքին ու գործունեությանը։ Ցուցադրությանը ներկայացվել են բացառիկ փաստաթղթեր Հայաստանի ազգային արխիվի հավաքածուներից։

📚🤝Հայաստանի ազգային արխիվի անունից ներկաներին ողջունեց տնօրենի տեղակալ Արտակ Սիմոնյանը և կարևորեց «Մեր ապագան» հիմնադրամի հետ համագործակցությունը և հույս հայտնեց, որ այս միջոցառումները ոչ միայն Բուռնազյանի կյանքն ու գործունեությունը արժևորելու հնարավորություն են, այլև կդառնան ոգեշնչման աղբյուր նոր սերնդի հետազոտողների և Բուռնազյանի ժառանգությունը գնահատողների համար։

🔗Երկօրյա ծրագրի շրջանակում իրականացվել են այցելություններ Ավետիք Բուռնազյանի ծննդյավայր, հայրական տուն, տեսարժան վայրեր։ Միջոցառումները ներառել են նաև համերգային ծրագիր, ֆիլմի ցուցադրություն, անձնական փաստաթղթերի և լուսանկարների ցուցահանդես, ինչպես նաև համաժողով։

https://armarchive.am/news/55
#Հայաստանիազգայինարխիվ #Ազգայինարխիվ #ՀԱԱ #ԱվետիքԲուռնազյան120 #Մերապագանհիմնադրամ #համագործակցություն #ցուցադրություն

28/04/2026

📍 Ապրիլի 29-ին ժամը 16։00-ին Ալ․ Թամանյանի անվան ճարտարապետության ազգային թանգարան-ինստիտուտում՝ Հայաստանի ազգային արխիվի հետ համագործակցությամբ, հանրությանը կներկայացվի «ՈՍԿԵՁԵՌԻԿ ՃԱՐՏԱՐԱՊԵՏԸ» խորագրով ցուցադրություն՝ նվիրված Բաղդասար Արզումանյանի ծննդյան 110-ամյակին։

Ուրախ ենք տեղեկացնել, որ ապրիլի 29-ին, ժամը 16:00-ին Ալեքսանդր Թամանյանի անվան ճարտարապետության ազգային թանգարան-ինստիտուտի «Տրդատ» ցուցասրահում կբացվի նոր ցուցահանդես ՈՍԿԵՁԵՌԻԿ ՃԱՐՏԱՐԱՊԵՏԸ խորագրով՝ նվիրված Բաղդասար Արզումանյանի ծննդյան 110-ամյակին։
Սիրով սպասում ենք:

27/04/2026

ՀՀ արդարադատության նախարարի այցը Հայաստանի ազգային արխիվ

https://armarchive.am/news/54
#Հայաստանիազգայինարխիվ #Ազգայինարխիվ #ՀԱԱ

09/04/2026

📚 Երևանի Գ․ Էմինի անվան թիվ 182 ավագ դպրոցի աշակերտների այցը Հայաստանի ազգային արխիվ

📆 Ապրիլի 9-ին Երևանի Գևորգ Էմինի անվան թիվ 182 ավագ դպրոցի աշակերտներն իրենց ուսուցչուհու ուղեկցությամբ այցելել են Հայաստանի ազգային արխիվ: Այցի նպատակն էր «Հասարակագիտություն» առարկայի շրջանակում հանձնարարված անհատական աշխատանքի կատարման համար տեղում ծանոթանալ արխիվում ներկայացված բացառիկ նյութերին։

📜Դպրոցականները հնարավորություն ունեցան դիտել այս պահին գործող «Բացառիկ վավերագրեր Հայաստանի ազգային արխիվի ֆոնդերից» խորագիրը կրող ցուցադրությունը, որտեղ ներկայացված են եզակի և բարձրարժեք վավերագրեր, այդ թվում՝ արդարադատության ոլորտին առնչվող փաստաթղթեր, որոնք ներկայացնում են իրավական պատմության կարևոր էջեր և կրթական տեսանկյունից մեծ արժեք են ներկայացնում:

https://armarchive.am/news/53
#Հայաստանիազգայինարխիվ #Ազգայինարխիվ #ՀԱԱ #ճանաչողականայց #182ավագդպրոց

07/04/2026

🌹 Սիրելի՛ կանայք և աղջիկներ,

🌼 Ջերմորեն շնորհավորում եմ ձեզ ապրիլի 7-ի՝ Մայրության և գեղեցկության տոնի կապակցությամբ: Այս օրն առանձնահատուկ խորհուրդ ունի մեր կյանքում․ այն նվիրված է մայրության անսահման սիրուն, կնոջ ստեղծագործ ու կենսատու ուժին, նրա նրբությանը և ներքին գեղեցկությանը։ Դուք եք այն աղբյուրը, որից ծնվում է կյանքը, դաստիարակվում սերունդը և պահպանվում մարդկային արժեքների շարունակականությունը։

💐 Գարնանային այս գեղեցիկ տոնը հրաշալի առիթ է մեկ անգամ ևս արտահայտելու մեր անկեղծ գնահատանքն ու հոգատար վերաբերմունքը մեր մայրերին, կանանց, քույրերին ու դուստրերին։

🌷 Մեծ սիրով և ջերմությամբ շնորհավորում եմ Հայաստանի ազգային արխիվի աշխատակազմի բոլոր կանանց և աղջիկներին՝ առանձնահատուկ երախտագիտությամբ ընդգծելով ձեր պատասխանատու և նվիրված աշխատանքը։ Ձեր ամենօրյա ջանքերով պահպանվում է մեր ժողովրդի հիշողությունը, մեր պատմության կենդանի շունչը, որը փոխանցվում է ապագա սերունդներին։

🌺 Թող այս գեղեցիկ տոնը լցնի ձեր սրտերը լույսով և ուրախությամբ, պարգևի ներդաշնակություն և նոր հաջողություններ։ Մաղթում եմ ամուր առողջություն, ընտանեկան ջերմություն և անսպառ ուժ՝ շարունակելու ձեր կարևոր առաքելությունը։

🖊️ Հարգանքով՝ Արթուր Ստեփանյան
Հայաստանի ազգային արխիվի տնօրեն