Wie sind die Öffnungszeiten?

Montag 10:00 - 12:00 13:00 - 16:00 Dienstag 10:00 - 12:00 13:00 - 16:00 Mittwoch 10:00 - 12:00 13:00 - 16:00 Donnerstag 10:00 - 12:00 13:00 - 16:00 Freitag 10:00 - 12:00 13:00 - 16:00

Ambasada e Republikës së Kosovës në Austri

Startseite
österreich
Wien
Ambasada e Republikës së Kosovës në Austri

Kontaktinformationen, Karte und Wegbeschreibungen, Kontaktformulare, Öffnungszeiten, Dienstleistungen, Bewertungen, Fotos, Videos und Ankündigungen von Ambasada e Republikës së Kosovës në Austri, Konsulat und Botschaft, Prinz Eugen Straße 8-10, Wien.

Ambasada e Republikës së Kosovës në Austri
Botschaft der Republik Kosovo in Österreich
Prinz Eugen Straße 10, 1040 Wien
[email protected]

Shërbimi Konsullor,
Konsularische Abteilung
Wohllebengasse 4/3, 1040 Wien
[email protected]

22/06/2026

Ambasadа e Republikës së Kosovës në Austri mori pjesë në edicionin e 25-të të Garden Party të organizuar nga Forumi Ekonomik i Vjenës, i cili u mbajt në rezidencën e Ambasadores së Bullgarisë në Vjenë.

Në këtë ngjarje, që bashkoi përfaqësues diplomatikë, institucionalë, ekonomikë dhe kulturorë nga vendet anëtare të forumit, Kosova u prezantua me produkte të përzgjedhura ushqimore dhe verëra vendore.

Tavolina e Kosovës tërhoqi vëmendjen e shumë të ftuarve, të cilët patën rastin të njihen më nga afër me kulturën dhe potencialin e vendit tonë. Në aktivitet morën pjesë edhe përfaqësues të Rrjetit të Bizneseve Shqiptare në Austri, duke promovuar mundësitë bashkëpunimit ndërmjet komunitetit të biznesit dhe partnerëve ndërkombëtarë.

Mbrëmja u karakterizua nga një atmosferë e ngrohtë dhe festive, e pasuruar me program kulturor dhe muzikor, duke ofruar një mundësi të shkëlqyer për rrjetëzim, shkëmbim përvojash dhe forcim të lidhjeve ndërmjet vendeve pjesëmarrëse.

Falënderojmë restaurantin Primus Grill dhe furrën La Bes për bashkëpunimin.

15/06/2026

Përgëzime Shoqatës së Mjekëve Shqiptarë në Austri (SHMSHA) për organizimin e Simpoziumit të Tretë Shkencor, në bashkëpunim me Odën e Mjekëve të Steiermark-ut.

Një falënderim i veçantë për Dr. Lumnije Kqiku Kryetare e SHMSHA-së, si dhe të gjithë atyre që kontribuuan në organizimin e këtij aktiviteti të rëndësishëm.

Ky simpozium dëshmon përkushtimin dhe kontributin e çmuar të mjekëve shqiptarë në avancimin e dijes shkencore dhe forcimin e bashkëpunimit profesional.

Urojmë që kjo traditë e vyer të vazhdojë të forcojë bashkëpunimin profesional dhe të promovojë arritjet e mjekëve tanë.

12/06/2026

Kryeministri në detyrë Kurti zhvilloi takim bilateral me kancelarin e Austrisë, Stocker

Vjenë, 9 qershor 2026

Në kuadër të vizitës zyrtare në Vjenë, kryeministri në detyrë i Republikës së Kosovës, Albin Kurti, u prit në takim bilateral nga kancelari i Republikës Federale të Austrisë, Christian Stocker.

Kryeministri në detyrë Kurti shprehu falënderime për mbështetjen e vazhdueshme të Austrisë ndaj Kosovës që nga vitet e ’90-ta, pastaj në shtet ndërtim dhe në rrugën evropiane, e po ashtu për kontributin në kuadër të KFOR-it.

Teksa vlerësoi mbështetjen e Austrisë ndaj Kosovës të shprehur në Komitetin e Ministrave, në Kishinau në maj të vitit 2026, kryeministri në detyrë Kurti theksoi se një nga prioritetet më të larta të Qeverisë së Republikës së Kosovës mbetet anëtarësimi në Këshillin e Evropës. Ai nënvizoi rëndësinë e vazhdimit të mbështetjes nga Austria dhe rolit të saj në Asamblenë Parlamentare të Këshillit të Evropës.

Kryeministri në detyrë Kurti tha se mirëpret deklaratën e kancelarit Stocker në Tivat, se Bashkimi Evropian nuk është i plotë, i sigurt dhe i qëndrueshëm pa Ballkanin Perëndimor. Pasi tha se Republika e Kosovës është e përcaktuar, e angazhuar dhe e përkushtuar në rrugën e saj të anëtarësimit, kryeministri në detyrë Kurti foli për rëndësinë që BE-ja të përgjigjet me dhënien e statusit të shtetit kandidat dhe hapjen e negociatave.

Në takim u bisedua për thellimin e marrëdhënieve dypalëshe ndërmjet Kosovës dhe Austrisë, me theks të veçantë bashkëpunimin ekonomik e tregtar, investimet dhe rolin e rëndësishëm të mërgatës, energjinë dhe transformimin digjital. Ndërsa, u diskutua edhe për sigurinë, mbrojtjen dhe bashkëpunimin rajonal.

Kryeministri në detyrë Kurti uroi Austrinë për zgjedhjen anëtare jo e përhershme e Këshillit të Sigurimit të Kombeve të Bashkuara për periudhën 2027-2028, ndërkaq pranoi urime për fitoren në zgjedhjet e parakohshme parlamentare të 7 qershorit.

11/06/2026

Takim i frytshëm në Vjenë, i cili rikonfirmoi miqësinë dhe partneritetin e ngushtë ndërmjet Kosovës dhe Austrisë.

🇽🇰🤝🇦🇹

06/06/2026

Procesi i votimit në Ambasadën e Republikës së Kosovës në Vjenë ka përfunduar me sukses në orën 19:00.

Nga gjithsej 1,125 votues të regjistruar, të drejtën e votës e ushtruan 907 qytetarë, duke shënuar një pjesëmarrje prej 80.62%.

Procesi u zhvillua pa asnjë incident dhe në përputhje të plotë me procedurat e përcaktuara.

Falënderojmë Komisionin Qendror të Zgjedhjeve për bashkëpunimin, komisionarët dhe stafin e angazhuar për profesionalizmin dhe përkushtimin e treguar, si dhe të gjithë bashkatdhetarët tanë në Austri për pjesëmarrjen e lartë, maturinë qytetare dhe kontributin e tyre në këtë proces demokratik.

06/06/2026

Procesi i votimit në Ambasadën e Republikës së Kosovës në Austri po zhvillohet në mënyrë të rregullt dhe pa pengesa.

Deri në orën 13:00, të drejtën e votës e kanë ushtruar 417 qytetarë nga 1,126 votues të regjistruar.

Falënderojmë bashkatdhetarët tanë për pjesëmarrjen dhe angazhimin e tyre në këtë proces të rëndësishëm demokratik.

03/06/2026

Votimi në përfaqësi diplomatike
6 qershor 2026

👇 Informohuni për hapat e votimit

⏰ Votimi zhvillohet nga ora 07:00 deri në 19:00, sipas orës lokale të shtetit përkatës.

03/06/2026

Herzlichen Glückwunsch an Österreich zur Wahl in den UN-Sicherheitsrat für die Amtsperiode 2027–2028. Viel Erfolg für dieses wichtige Mandat!

30/05/2026

Atdheu në sytë dhe mendjen time

Me rastin e 1 Qershorit, Ditës Ndërkombëtare të Fëmijëve, në Ambasadën e Republikës së Kosovës në Austri u mbajt një program kulturor i përgatitur nga nxënësit e Shkollës Shqipe, si dhe u hap ekspozita me vizatime “Atdheu në sytë dhe mendjen time”.

Përmes këngëve dhe punimeve të tyre artistike, fëmijët shprehën me shumë kreativitet dhe emocion mënyrën se si e shohin, e ndjejnë dhe e përfytyrojnë atdheun. Punimet e ekspozuara u përcollën me interes nga të pranishmit dhe dëshmuan lidhjen e veçantë që brezat e rinj ruajnë me vendin, gjuhën dhe kulturën tonë.

Atmosfera në Ambasadë ishte festive, e mbushur me gëzim, krenari dhe emocion, teksa nxënësit prezantuan para prindërve dhe mysafirëve programin e tyre artistik.

Falënderim i veçantë për mësuesesit: znj. Miradije Berisha, z. Osman Ademi dhe z. Ibrahim Hasani për përkushtimin e tyre në edukimin e brezave të rinj. Falënderime të veçanta për të gjithë prindërit që me angazhimin e tyre mbështesin aktivitetet e fëmijëve.

29/05/2026

I Ngarkuari me Punë në Ambasadën e Republikës së Kosovës në Austri, z. Albinot Bimbashi, vizitoi Exporttag 2026, ngjarjen më të madhe të Austrisë kushtuar eksportit dhe zgjerimit në tregjet ndërkombëtare, të organizuar nga Oda Ekonomike e Austrisë (WKO).

Në kuadër të vizitës, z. Bimbashi zhvilloi takime me z. Georg Weingartner, Menaxher Rajonal për Evropën Juglindore dhe Lindore në WKO, si dhe me z. Wilhelm Nest, Delegat Ekonomik i Austrisë përgjegjës për Kosovën.

Gjatë takimeve u diskutua mbi projektet aktuale të bashkëpunimit ekonomik ndërmjet Kosovës dhe Austrisë, si dhe mundësitë për forcimin e mëtejmë të marrëdhënieve ekonomike dhe tregtare ndërmjet dy vendeve.

Po ashtu, bashkëbiseduesit u njoftuan me organizimin e forumit ekonomik “Meet Kosovo in Vienna 2026”, që do të mbahet më 9 qershor në Vjenë në bashkëpunim me Forumin Ekonomik të Vjenës, me qëllim promovimin e potencialit ekonomik të Kosovës dhe krijimin e mundësive të reja për bashkëpunim me partnerë austriakë dhe ndërkombëtarë.

Adresse

Prinz Eugen Straße 8-10
Wien
1040

Öffnungszeiten

Montag	10:00 - 12:00
	13:00 - 16:00
Dienstag	10:00 - 12:00
	13:00 - 16:00
Mittwoch	10:00 - 12:00
	13:00 - 16:00
Donnerstag	10:00 - 12:00
	13:00 - 16:00
Freitag	10:00 - 12:00
	13:00 - 16:00

Telefon

+4315047400

Webseite

https://ambasadat.net/Austria

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Ambasada e Republikës së Kosovës në Austri erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.