Wie sind die Öffnungszeiten?

Montag 09:00 - 12:00 13:30 - 16:00 Dienstag 09:00 - 12:00 13:30 - 16:00 Mittwoch 09:00 - 12:00 13:30 - 16:00 Donnerstag 09:00 - 12:00 13:30 - 16:00 Freitag 09:00 - 12:00 13:30 - 16:00

Ambasada e Republikës së Kosovës në Austri

Startseite
österreich
Wien
Ambasada e Republikës së Kosovës në Austri

Kontaktinformationen, Karte und Wegbeschreibungen, Kontaktformulare, Öffnungszeiten, Dienstleistungen, Bewertungen, Fotos, Videos und Ankündigungen von Ambasada e Republikës së Kosovës në Austri, Konsulat und Botschaft, Prinz Eugen Straße 8-10, Wien.

Ambasada e Republikës së Kosovës në Austri
Botschaft der Republik Kosovo in Österreich
Prinz Eugen Straße 10, 1040 Wien
[email protected]

Shërbimi Konsullor,
Konsularische Abteilung
Wohllebengasse 4/3, 1040 Wien
[email protected]

27/09/2026

I Ngarkuari me Punë në Ambasadën e Republikës së Kosovës në Vjenë, Albinot Bimbashi, mori pjesë në drekën zyrtare të shtruar nga presidenti i Federatës së Futbollit të Austrisë, Josef Pröll, së bashku me presidentin e Federatës së Futbollit të Kosovës, Agim Ademi, dhe delegacionin e FFK-së.

Austria është shtet mik dhe aleat i rëndësishëm i Kosovës. Sonte, shumë bashkatdhetarë e tifozë do të jenë në stadium për t’i mbështetur Dardanët dhe për të krijuar një atmosferë të paharrueshme.

Urojmë një ndeshje të bukur e të fortë, të zhvilluar në frymë sportive dhe fair-play, me shpresën që në fund festa t’u takojë Dardanëve. 🇽🇰⚽️🇦🇹

26/09/2026

Një mbrëmje e bukur kushtuar kulturës, traditave dhe miqësisë mes popujve.

Më 25 shtator, Kosova ishte pjesë e mbrëmjes gala “Costumes of the World 2026”, në Sallën Festive të Komunës së Vjenës, së bashku me përfaqësues nga më shumë se 30 vende të botës.

Valltarët e Ansamblit “Hyjnesha” nga Grazi e përfaqësuan denjësisht vendin tonë, duke sjellë në skenë kostume autentike nga trevat shqiptare në Kosovë dhe Shqipëri, si dhe një valle të bukur me motive popullore.

Edhe këndi kulturor i Kosovës tërhoqi interesimin e shumë pjesëmarrësve, të cilët patën mundësi të njiheshin më afër me traditat tona dhe të shijonin ushqimet tradicionale të Kosovës.

Krenarë që kultura dhe traditat tona u prezantuan me kaq shumë dashuri para publikut ndërkombëtar në Vjenë. Faleminderit Ansamblit “Hyjnesha” dhe të gjithë atyre që kontribuuan në këtë prezantim të bukur të Kosovës!

26/09/2026

Përfaqësuesit e Luginës së Preshevës në Vjenë

Më 24 shtator, deputeti Shaip Kamberi dhe Kryetarja e Komunës së Preshevës, Ardita Sinani, zhvilluan takime në Ambasadën e Republikës së Kosovës, Ambasadën e Republikës së Shqipërisë dhe Misionin e Përhershëm të Republikës së Shqipërisë pranë Organizatave Ndërkombëtare në Vjenë.

Gjatë takimeve u diskutua për sfidat me të cilat përballen shqiptarët në Luginën e Preshevës, forcimin e bashkëpunimit dhe adresimin e këtyre çështjeve pranë institucioneve austriake dhe organizatave ndërkombëtare me seli në Vjenë.

04/08/2026

🇽🇰 🤝 🇦🇹

31/07/2026

Forcimi i bashkëpunimit ndërmjet Kosovës dhe Austrisë në sektorin e bujqësisë

Vizita zyrtare e Ministrit të Bujqësisë, Pylltarisë dhe Zhvillimit Rural të Republikës së Kosovës, z. Armend Muja, në Austri përbën një hap të rëndësishëm në avancimin e bashkëpunimit dypalësh dhe në forcimin e partneritetit ndërmjet dy vendeve.

Takimi me Ministrin Federal të Austrisë, z. Norbert Totschnig, u zhvillua në një frymë miqësore me fokus thellimin e bashkëpunimit institucional, shkëmbimin e përvojave dhe ekspertizës, si dhe mbështetjen e reformave në sektorin e bujqësisë, në përputhje me standardet e Bashkimit Evropian.

Në kuadër të vizitës, delegacioni zhvilloi takime edhe me Agjencinë Austriake për Zhvillim (ADA) dhe Universitetin e Burimeve Natyrore dhe Shkencave të Jetës (BOKU), ku u diskutuan mundësitë për bashkëpunim në fushën e zhvillimit rural, arsimit, kërkimit shkencor dhe inovacionit.

Delegacioni vizitoi gjithashtu në Graz qendrën për mbrojtjen nga breshëri, ku u prezantuan teknologjitë dhe praktikat e avancuara që përdoren për parandalimin dhe minimizimin e dëmeve të shkaktuara nga breshëri, si dhe u diskutuan mundësi konkrete për bashkëpunim në këtë fushë.

🇽🇰 🤝 🇦🇹

14/07/2026

Baleti Kombëtar i Kosovës vjen në Graz

Ambasada e Republikës së Kosovës në Austri ka kënaqësinë të njoftojë se Baleti Kombëtar i Kosovës do të prezantojë shfaqjen "Terminal" në kuadër të edicionit të 35-të të Festivalit Ndërkombëtar të Teatrit të Vallëzimit dhe Punëtorive Skenike në Graz.

Shfaqja do të mbahet nesër, më 15 korrik 2026.
Das Kristallwerk (Viktor-Franz-Straße 9, 8051 Graz)

Me koreografi nga Evgeny Kozlov dhe Romane Petite, "Terminal" prezanton krijimtarinë bashkëkohore të Baletit Kombëtar të Kosovës në një nga festivalet e njohura ndërkombëtare të teatrit të vallëzimit, duke promovuar kulturën dhe artin e Kosovës para publikut ndërkombëtar.

Për më shumë informata rreth shfaqjes, ju lutemi vizitoni faqen zyrtare të festivalit: https://www.buehnenwerkstatt.at/class/terminl-kosovo-national-ballett/?wcs_timestamp=1784143800

13/07/2026

Kemi kënaqësinë të njoftojmë se ekipit të Ambasadës së Republikës së Kosovës në Vjenë i është bashkuar kolegu ynë, Valon Krasniqi.

Me përvojën e tij të gjatë në shërbimin diplomatik, jemi të bindur se do të japë një kontribut të rëndësishëm në punën dhe angazhimet e Ambasadës.

I urojmë mirëseardhje dhe shumë suksese në detyrën e tij!

09/07/2026

I Ngarkuari me Punë në Ambasadën e Republikës së Kosovës në Austri, z. Albinot Bimbashi, zhvilloi një takim me Ambasadorin Dr. Martin Eichtinger, Drejtorin e Akademisë Diplomatike të Vjenës.

Gjatë takimit u vlerësua bashkëpunimi ndërmjet Ambasadës së Republikës së Kosovës dhe Akademisë Diplomatike të Vjenës, një institucion me reputacion të lartë ndërkombëtar, i njohur për rolin e tij në formimin e gjeneratave të diplomatëve dhe liderëve nga e gjithë bota.

Takimi ofroi mundësinë për të diskutuar perspektivat e bashkëpunimit të mëtejmë, me fokus në zhvillimin e iniciativave të përbashkëta në fushën e diplomacisë dhe dialogut ndërkombëtar.

Në përfundim të takimit, z. Bimbashi e falënderoi Ambasadorin Dr. Martin Eichtinger për pritjen dhe bisedën e frytshme, duke shprehur vlerësimin për kontributin e Akademisë Diplomatike të Vjenës, si dhe për mbështetjen që Republika e Austrisë i ka ofruar dhe vazhdon t’i ofrojë Republikës së Kosovës.

🇽🇰 🤝 🇦🇹

04/07/2026

Kosova Cyber Team vizitoi Ambasadën e Republikës së Kosovës në Austri

I Ngarkuari me Punë i Ambasadës së Republikës së Kosovës në Austri, z. Albinot Bimbashi, mirëpriti në Ambasadë ekipin Kosova Cyber Team, i cili po qëndron në Vjenë për të marrë pjesë në Vienna International Ethical Hacking Boot Camp, një aktivitetet ndërkombëtare në fushën e sigurisë kibernetike, ku po marrin pjesë rreth 120 të rinj nga 12 shtete.

Gjatë vizitës, u diskutua për aktivitetet dhe përvojat e ekipit në këtë kamp ndërkombëtar, si dhe për rëndësinë e zhvillimit të kapaciteteve të të rinjve në fushën e sigurisë kibernetike dhe forcimin e bashkëpunimit ndërkombëtar.

Z. Bimbashi, përgëzoi prof. Blerim Rexha dhe ekipin për përfaqësimin dinjitoz të Kosovës, duke u uruar shumë suksese të mëtejshme në fushën e sigurisë kibernetike.

Jemi krenarë që të rinjtë tanë po e prezantojnë Kosovën me profesionalizëm në arenën ndërkombëtare. Suksese të mëtejshme ekipit Kosova Cyber Team!

26/06/2026

Kosova dhe Austria vazhdojnë të forcojnë partneritetin e tyre përmes dialogut të rregullt politik dhe bashkëpunimit të ngushtë institucional.

Konsultimet politike të zhvilluara në Vjenë shërbyen për të rikonfirmuar marrëdhëniet e shkëlqyera ndërmjet dy vendeve dhe për të identifikuar mundësi të reja bashkëpunimi në fusha me interes të përbashkët. Diskutimet u përqendruan gjithashtu në zhvillimet rajonale, perspektivën evropiane të Kosovës dhe nismat e ardhshme që do të kontribuojnë në forcimin e mëtejshëm të marrëdhënieve dypalëshe.

Në kuadër të konsultimeve politike u nënshkrua edhe një marrëveshje dypalëshe nga Zëvendësministri Kreshnik Ahmeti dhe Sekretari i Përgjithshëm Nikolaus Marschik, si dëshmi e angazhimit të përbashkët për forcimin e mëtejshëm të marrëdhënieve ndërmjet Kosovës dhe Austrisë.

🇽🇰 🤝 🇦🇹

Adresse

Prinz Eugen Straße 8-10
Wien
1040

Öffnungszeiten

Montag	09:00 - 12:00
	13:30 - 16:00
Dienstag	09:00 - 12:00
	13:30 - 16:00
Mittwoch	09:00 - 12:00
	13:30 - 16:00
Donnerstag	09:00 - 12:00
	13:30 - 16:00
Freitag	09:00 - 12:00
	13:30 - 16:00

Telefon

+4315047400

Webseite

https://ambasadat.net/Austria

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Ambasada e Republikës së Kosovës në Austri erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.