12/04/2020
SMN Booredewiinni Uyinoonni xawishsha
================================
Ayirraddu SMN maatenna da"ataano:
Xaa yannara SMN faajjetenni finco hanafate fajjote woraqata adhite, wo'ma prograame hanafate ikkitannota istuudiyote loosonna qixxaawu (guutano ikka hoogguro) gudde feeffatte no. Loosuno danchu garinni massagamanni nooha ikkirono, babbaxxino korkaatinni looso ha'risate aana guffa dihooggino. Tini guffa woy qarrubba SMN loosinna su'mi aana akkimale qarra abbate gobbaanni dagankere hasaawu umo ikkiteenna batinyu manni yannate noo coyenna uurrinshate qara ikkitino haja agure SMN re torbanno gede assino. Konne coye taashate SMN boored barra 30/07/2012 nna 04/08/2012 kaajjado gambooshe assite qarra ikkitino haja aana torbitu gedensaanni addi addi gumulora iillitino. Hasaawunniti qara hedonna gumulo kunni woroonni akeenkoonni.
- SMN qaranna layinki loosu ha'risaanono ikko xaa yannara riqiwante looso massagganni noori ledo qarra tiratenna urrinsha albira qole ha'risate aana illachinshe/yanna adhine hasaanboonni
- Kuri loosu harisaano uurrinsha tenne hashanna barra loossanni konni deerrirra abbansara boordete miilla addintanni galatino;
- Uurrinsha kaajjishatenna daga agadhitanno garinni horo uyitanno gede assate shiqqino batinye qara doorshubba ( scenarios) aana hasaabbu gedensaanni SMN loosu ha'rinshono ikkito ha'risaano haaru garinninna haaru manninni massagama noose yite boorde gumultino
- Loosu ha'rinsho haaru garinni biddi assate i) SMN qaru loosu ha'risaanchi, kalaa Getahuninna layinkihu loosu harisaanchi kalaa Tariku; assitino kaajjadu loosira galatu ledo tenne uurrinsha massagate loosinsanni ka'e wolewa gaamantanno gede ii) Xaa yanna loosu ha'risaanchi basera riqiwante nooti baabba Liidiyano uurrinsha tennera asstino kaajjadu loosira galatu ledo, riqiwantino basenni ka'e albi madawesera higganno gede gumulloonni.
- Basensanni ka'uri loosu ha'risaano, wole basera gaamante looso hanafanno geesha baatoonshe/ damooza SMN nni wiinni afidhanno gede gumulate gobbanni; boorde kuri SMN ra qaddo ikkitino sooreeyye loosoho gaamantanno gede hasiisannore baala assate boorde sumuu yotino
- Konni albaanni loosu aana kalaqantino mommodo biddi assate loosu ha'risaanonna riqiwamaanchote ledo loosatenna biddi asse haaro dagganno loosu ha'risaanora sayisate looso mitteenni loosate summuu yinoonni
- Loosu aana fooqu kalaqamannokki gede, yannate geesha/haaro sooreeyye su'minanni/gaammanni geesha, SMN loosaasine giddonni mitto/te loosaasincho riqimbanni gede gumulli gedensaanni, yannate geesha kaajjadda muro adhate looso kaa'late boordete miila ikkitinoti baabba Zinash Tsaggayeti looso harisate coye mule heedhe kaa'litanno/qineessitanno gede sumuu yinoonni
- Goofimarchohono, tini gumulo barra 05/08/2012 kayisse loosu aana hossanno gede murte, haaro loosu ha'risaano gaamate haja yanna uyinikkinni ( lame lamala giddo) gooffanno gede SMN boorde sumuu yite gambooshe gumultino.
Tenne yannate daggino koroonu vayirese jaddonni daganke maganu agaro. Umonkeno seekkine agadhino!
SMN, Boorde.
