Georgia in Australia

29/05/2026

📢 საქართველოს საგარეო საქმეთა სამინისტრო აცხადებს საგრანტო კონკურსს „ჩემი ქართული სკოლა“
📌 პროექტის მიზანი:
➡️ ქართული ენის სწავლების ხარისხის გაუმჯობესება;
➡️ მოსწავლეების კულტურულ აქტივობებში ჩართულობის გაზრდა;
➡️ საკვირაო სკოლების გაძლიერება სასწავლო მასალით და შემოქმედებითი რესურსებით;
➡️ საზღვარგარეთ მოქმედი ქართული საკვირაო სკოლების მხარდაჭერა, საზღვარგარეთ საქართველოს დიპლომატიურ წარმომადგენლობებისა და საკონსულო დაწესებულებების ჩართულობით.
✅ კონკურსში მონაწილეობა შეუძლიათ:
➡️ საზღვარგარეთ მოქმედ ქართულ დიასპორულ ორგანიზაციებს;
➡️ საზღვარგარეთ მოქმედ ქართულ საკვირაო სკოლებს;
➡️ საზღვარგარეთ მოქმედ არაკომერციულ ორგანიზაციებს, რომლებიც საქმიანობენ ქართული ენისა და კულტურის პოპულარიზაციის მიმართულებით, რომლებიც თანამშრომლობენ ქართულ საკვირაო სკოლებთან;
➡️ სულ მცირე ბოლო ერთი წლის განმავლობაში საზღვარგარეთ მცხოვრებ და ადგილსამყოფელ ქვეყანაში არანაკლებ შემდგომი ექვსი თვის მანძილზე ცხოვრების უფლების მქონე საქართველოს მოქალაქეებს.
📩 განაცხადები მიიღება 2026 წლის 28 ივნისის ჩათვლით, ელ-ფოსტის მისამართზე: [email protected]
📌 კონკურსის შედეგები გამოცხადდება 2026 წლის 28 ივლისს.
🔗 დამატებითი ინფორმაცია იხილეთ: https://australia.mfa.gov.ge/news/438863-inphormatsia-sagranto-konkursis-shesakheb-chemi-qartuli-skola

27/05/2026

27/05/2026

ქარ/ENG

2026 წლის 26 მაისს, ავსტრალიის თანამეგობრობაში საქართველოს საელჩომ ქ. კანბერაში უმასპინძლა საქართველოს დამოუკიდებლობის დღის აღსანიშნავ მიღებას. ღონისძიებას დაესწრნენ ავსტრალიის საკანონმდებლო და აღმასრულებელი ხელისუფლების, დიპლომატიური კორპუსის, სამეცნიერო და აკადემიური წრეების, კერძო სექტორის და მედიის, ასევე, ავსტრალიის სხვადასხვა ქალაქში მცხოვრები ქართული დიასპორის წარმომადგენლები.

ავსტრალიის თანამეგობრობაში საქართველოს ელჩმა ბექა დვალმა, საზეიმო მიმართვაში ისაუბრა 26 მაისის მნიშვნელობაზე, ქართველი ერის მრავალსაუკუნოვან ისტორიულ გამოცდილებაზე და კულტურულ მემკვიდრეობაზე, თანამედროვე საქართველოს მიღწევებზე, გამოწვევებზე, საგარეო პოლიტიკის პრიორიტეტებზე, საქართველოს მეგობრულ ურთიერთობებზე ავსტრალიასთან და წყნარი ოკეანის რეგიონის ქვეყნებთან. ასევე, ხაზი გაესვა, რომ წელს საქართველო აღნიშნავს ქრისტიანობის სახელმწიფო რელიგიად გამოცხადების 1700 წლისთავს.

ღონისძიების მსვლელობისას საქართველოს და ავსტრალიის ეროვნული ჰიმნები შეასრულა ავსტრალიელმა მუსიკოსმა და მომღერალმა, ჯეიდ მაკფაულმა, ავსტრალიის ეროვნული კარილიონზე კანბერას მუსიკალური ანსამბლის დირექტორის დოქტორ თომას პიტერ ლაუს აკომპანიმენტით.

საღამოს მსვლელობისას, დამსწრეთ შესაძლებლობა ჰქონდათ დაეთვალიერებინათ ოკუპირებულ აფხაზეთში ქართულ კულტურულ მემკვიდრეობასთან დაკავშირებული ფოტოგამოფენა.

აღსანიშნავია, რომ ავსტრალიის თანამეგობრობაში საქართველოს საელჩოს ძალისხმევით, ქ. კანბერაში მდებარე ავსტრალიის ეროვნული კარილიონი საქართველოს სახელმწიფო დროშის ფერებში განათდა, ხოლო 2026 წლის 24 მაისს და 27 მაისს ავსტრალიის ეროვნული კარილიონის პროგრამაში შეტანილ იქნა საქართველოს ეროვნული ჰიმნი და ქართული მელოდიები.

On 26 May 2026, the Embassy of Georgia to the Commonwealth of Australia hosted a reception in Canberra to celebrate Georgia’s Independence Day. The event was attended by representatives of Australia’s legislative and executive branches, the diplomatic corps, scientific and academic circles, the private sector and media, as well as members of the Georgian diaspora residing in various cities across Australia.

In his ceremonial address, the Ambassador of Georgia to the Commonwealth of Australia, Beka Dvali, spoke about the significance of 26 May, the centuries-long historical experience and cultural heritage of the Georgian nation, the achievements and challenges of modern Georgia, the priorities of Georgia’s foreign policy, and Georgia’s friendly relations with Australia and the countries of the Pacific region. It was also emphasized that this year Georgia marks the 1700th anniversary of the declaration of Christianity as the state religion.

During the event, the national anthems of Georgia and Australia were performed by Australian musician and singer Jade MacFaull, accompanied on the Australian National Carillon by Dr. Thomas Peter Law, Director of the Canberra Carillon Ensemble.

Throughout the evening, guests had the opportunity to view a photo exhibition dedicated to Georgian cultural heritage in occupied Abkhazia.

It is noteworthy that, through the efforts of the Embassy of Georgia to the Commonwealth of Australia, the Australian National Carillon in Canberra was illuminated in the colors of the Georgian national flag, while on 24 May and 27 May 2026, the program of the Australian National Carillon included the Georgian national anthem and Georgian melodies.

25/05/2026

11/05/2026

ხმა მიეცი საქართველოს

05/05/2026

საქართველოს პრემიერ-მინისტრმა ირაკლი კობახიძემ, ევროპული პოლიტიკური გაერთიანების მე-8 სამიტის ფარგლებში, მონაწილეობა მიიღო მრგვალი მაგიდის ფორმატის დისკუსიაში თემაზე - „დაკავშირებადობის გაძლიერება და ეკონომიკური უსაფრთხოება“.
მთავრობის მეთაურმა სიტყვით გამოსვლისას დაკავშირებადობის უზრუნველყოფაში საქართველოს განსაკუთრებულ როლზე გაამახვილა ყურადღება და ისაუბრა იმ მსხვილ ინფრასტრუქტურულ პროექტებზე, რომლებსაც საქართველოს მთავრობა ამ ფუნქციის ხელშესაწყობად ახორციელებს, მათ შორისაა ბაქო-თბილისი-ყარსის რკინიგზა, ჩქაროსნული ავტომაგისტრალები და ანაკლიის ღრმაწყლოვანი პორტი.
ირაკლი კობახიძემ ასევე ყურადღება გაამახვილა სატრანსპორტო და ენერგეტიკული მარშრუტების დივერსიფიკაციის მნიშვნელობაზე და ამ კონტექსტში სამხრეთის გაზის დერეფნისა და შავი ზღვის წყალქვეშა კაბელის პროექტების სტრატეგიულ დატვირთვაზე ისაუბრა.
საქართველოს მთავრობის მეთაურმა კიდევ ერთხელ დაადასტურა მზადყოფნა პარტნიორებთან მჭიდრო თანამშრომლობის გაგრძელებისთვის და აღნიშნა, რომ ძლიერი დაკავშირებადობა გრძელვადიანი სტაბილურობის ერთ-ერთი უმთავრესი წინაპირობაა.
დისკუსიაში, რომელსაც თანათავმჯდომარეობდნენ ხორვატიის პრემიერ-მინისტრი ანდრეი პლენკოვიჩი და ნორვეგიის პრემიერ-მინისტრი იონას გარ სტიორე, კანადის პრემიერ-მინისტრი მარკ კარნი, ბელგიის პრემიერ-მინისტრი ბარტ დე ვევერი, ევროკომისიის პრეზიდენტი ურსულა ფონ დერ ლაიენი, ჩრდილოეთ მაკედონიის პრეზიდენტი გორდანა სილიანოვსკა-დავკოვა, სლოვაკეთის პრემიერ-მინისტრი რობერტ ფიცო და ეუთოს გენერალური მდივანი ფერიდუნ სინირლიოღლუ მონაწილეობდნენ.

https://www.facebook.com/story.php?story_fbid=1378742617620081&id=100064530678988&mibextid=wwXIfr&rdid=wBTkgouE5I8U6j2a #

05/05/2026

საქართველოს პრემიერ-მინისტრი ირაკლი კობახიძე ევროპული პოლიტიკური გაერთიანების (EPC) მე-8 სამიტში მონაწილეობს.
სამიტის მონაწილე ლიდერებს ერევანში სომხეთის რესპუბლიკის პრემიერ-მინისტრი ნიკოლ ფაშინიანი მასპინძლობს.
მთავრობის მეთაური ევროპელ ლიდერებს დღეს სიტყვით მიმართავს მრგვალი მაგიდის ფორმატის დისკუსიაზე, რომლის მთავარი თემაა დაკავშირებადობის გაძლიერება და ეკონომიკური უსაფრთხოება.
ირაკლი კობახიძის განცხადებით, სამიტი გამოყენებული იქნება ორმხრივი შეხვედრებისთვისაც, სიტყვით გამოსვლისას კი ყურადღება დაეთმობა საქართველოს განსაკუთრებულ როლს ევროპისთვის დაკავშირებადობის თვალსაზრისით.
„ჩვენ შვიდ ქვეყანას ვაკავშირებთ შავ ზღვასთან და შესაბამისად - დასავლეთთან ეკონომიკური, სავაჭრო კუთხით და ბუნებრივია, ამაზე აქტიურად გვექნება საუბარი. საქართველოს აქვს ძალიან დიდი მნიშვნელობა დაკავშირებადობის თვალსაზრისით ევროპისთვის“, - განაცხადა ირაკლი კობახიძემ.
მთავრობის მეთაური დაესწრო სამიტის პლენარულ სესიას, რომელიც მასპინძელი ქვეყნის პრემიერ-მინისტრმა ნიკოლ ფაშინიანმა და ევროპული საბჭოს პრეზიდენტმა ანტონიო კოშტამ გახსნეს.
სამიტის მონაწილე ლიდერებმა ერთობლივი ფოტო გადაიღეს.

https://www.facebook.com/story.php?story_fbid=1378617640965912&id=100064530678988&mibextid=wwXIfr&rdid=ukcGKPDr8jsKTeRL #

15/04/2026

საგარეო საქმეთა სამინისტრო აცხადებს დედაენის დღისადმი მიძღვნილ საგრანტო კონკურსს „ჩემი ენა ქართული“
პროექტის მიზანი:
ქართული ენისა და კულტურის პოპულარიზაცია საზღვარგარეთ;
დიასპორული ინიციატივების მხარდაჭერა და დედაენის დღის აღნიშვნის ხელშეწყობა, საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების აქტიური ჩართულობით.
კონკურსში მონაწილეობა შეუძლიათ:
საზღვარგარეთ მოქმედ ქართულ დიასპორულ ორგანიზაციებს;
ქართულ საკვირაო სკოლებს;
საზღვარგარეთ მოქმედ არაკომერციულ ორგანიზაციებს, რომლებიც საქმიანობენ ქართული ენისა და კულტურის პოპულარიზაციის მიმართულებით;
სულ მცირე ბოლო ერთი წლის განმავლობაში საზღვარგარეთ მცხოვრებ და ადგილსამყოფელ ქვეყანაში არანაკლებ შემდგომი ექვსი თვის მანძილზე ცხოვრების უფლების მქონე საქართველოს მოქალაქეებს.
განაცხადები მიიღება 2026 წლის 14 მაისის ჩათვლით, ელ-ფოსტის მისამართზე: [email protected]
კონკურსის შედეგები გამოცხადდება 2026 წლის 26 მაისს.
დამატებითი ინფორმაცია იხილეთ:
https://australia.mfa.gov.ge/news/869841-inphormatsia-dedaenis-dghisadmi-midzghvnili-sagranto-konkursis-shesakheb-chemi-ena-qartuli
https://mfa.gov.ge/.../055174-sagareo-saqmeta-saministro...

14/04/2026

https://www.facebook.com/share/v/18kKy5QiQZ/