Tonga Mission Canberra

26/10/2022

22/08/2022

Ko hono fakahoko ‘a e huhu malau’i booster hono ua (aki ‘a e Pfizer vaccine 💉 ) ‘a e Ta’ahine Pilinisesi Angelika Lātūfuipeka Tuku’aho, ko e ‘Eiki Talafekau Lahi ‘o Tonga ki ‘Aositelelia. 🇹🇴 🇦🇺

‘Oku laumalie lelei ai ‘a e Ta’ahine Pilinisesi ke vahevahe atu moe Tonga kotoa pe i ‘Aositelelia ni pea moe kolope ‘i he ‘ene me’a;

“Ko e 'amanaki lelei eni ki he kaha'ú ketau fili fakapotopoto 'o huhu malu'i. 'I he 'etau malu mo haó fili fakapotpopoto ma'au, ma'ae fāmilí, ma'ae komiunitī!

Huhu malu'i ā!

Mālō aupito
Lātūfuipeka.”

18/08/2022

Ko hono talitali lelei ‘e he ‘Amipasitoa ‘o Austria 🇦🇹, H.E. Mr Wolfgang Lukas STROHMAYER ‘a e Ta’ahine Pilinisesi Angelika Lātūfuipeka Tuku’aho ko e ‘Eiki Talafekau Lahi ‘a Tonga 🇹🇴 ki ‘Aositelelia ki ha ‘ilo ‘efiafi ‘o fakalangilangi’i ‘a e Ta’ahine Pilinisesi.

Ko e ‘ilo ‘efiafi mahu’inga ‘eni ki hono kei paotolo’aki ke va’ofi ‘a e va fakatipilometika ‘a Tonga mo Austria mo e ngaahi fonua kehe pea mo kumi ha ngaahi monu’ia ma’a Tonga. Ko ha ’efiafi fakamafana mo fakafiefia pea ne kau mai kiai ‘a e kau Taki ma’olunga ‘a ’Aositelelia ’i Kenipela ni.

His Excellency Mr. Wolfgang Lukas STROHMAYER the Ambassador of Austria 🇦🇹 to Tonga hosted a special Austrian dinner in honour of Her Royal Highness Princess Angelika Lātūfuipeka Tuku’aho the High Commissioner.

Invited guests included Ms Louise Waterhouse- Honorary Consul-General of Tonga, H.E. Mr Emmanuel, Bichet Special Envoy of Switzerland for the Pacific Region, Mr Shane Rattenbury Attorney-General of the ACT, Honourable Alisia Payne Federal Member for Canberra, and other guests.

15/08/2022

Ko e Ta’ahine Pilinisesi Angelika Lātūfuipeka Tuku’aho ko e ‘Eiki Talafekau Lahi ‘a Tonga ki ‘Aositelelia ‘i he’ene talitali lelei ‘a Vika mo Linda Bull. Ko Vika mo Linda Bull ko e ongo tautehina ‘Aositelelia konga Tonga(tamai palangi kae fa’ee Tonga). Pea ‘oku na ‘iloa ‘i he mala’e ‘o e musika ‘i ‘Aositelelia ni mo tu’apule’anga foki.

Na’e fakamālō’ia’i ‘e he Ta’ahine Pilinisesi ‘a ‘ena fakafofonga’i lelei mo ‘ena polepole hona Tonga ‘o kau ai ‘a e hiva nena fa’u ki he ‘ena kui koe “Vika and Linda - Grandpa’s Song”.

Ko Vika mo Linda ‘oku ‘amanaki ke foaki atu ‘e he Kovana ‘o Vikatolia, ‘Aositelelia ‘a e Metali Fakalangilangi ko e “Order of Australia - OA” ‘i he ngaahi fakalangilangi ‘o e ‘aho ‘alo’i ‘o e Ta’ahine Kuini ‘o ‘Aositelelia 2022, Kuini ‘Ilisapesi II.

Her Royal Highness Princess Angelika Lātūfuipeka Tuku’aho, the High Commissioner was happy to receive Vika and Linda Bull during their show in Canberra. Vika and Linda are an Australian 🇦🇺- Tongan 🇹🇴 singers/ vocal duo.

09/08/2022

Ko hono fakamalo ia ‘e he Ta’ahine Pilinisesi Angelika Lātūfuipeka Tuku’aho koe ‘Eiki Talafekau Lahi’o Tonga ka koe Sea ‘a e Komiti Pili-e-tauhala Recovery Committee ‘a e ngaahi ngaue moe tokoni kotoa pe ‘a e Komiti Kuinisilani ne fakahoko o lava atu ai ‘a e ngaahi tokoni kotoa pe mei Pilisipeini ki Tonga kihe NEMO, Queen Nanasipau’u’s Charity pea moe ngaahi Kolo ne a’u atu kiai ‘a e tokoni mo e ’ofa mei Pilisipeini. 🇹🇴

Fakamalo atu kihe Pili-e-tauhala Kuinisilani pea moe kainga Tonga kotoa pe ne nau tokoni mai ki he ngaahi fokotu’utu’u ngaue moe feinga ma’a Tonga he ngaahu faka’ake’ake hili ko ia ‘a e mapuna ‘a e mounga’afi pea moe peau kula.

08/08/2022

Ko e polokalama fakamo’oni huafa ‘a e Ta’ahine Pilinisesi Angelika Lātūfuipeka Tuku’aho ko e ‘Eiki Talafekau Lahi ‘o Tonga ‘i he ’ene ma’aimoa fa’u tohi ”Ko e Ngafa ‘o e Fefine pea mo e Tangata Tonga”. 🇹🇴 🇹🇴

Na’e fakahoko ‘a e polokalama ni i Pilisipeni pea ko ha faingamalie lelei ‘eni ke lava mai kainga Tonga i Kuinisilani o fakatau ha nau tohi pea ke fakamo’oni huafa ai ‘a e Ta’ahine Pilinisesi.

Fakamalo atu kihe kainga ne nau lava mai.

04/08/2022

Ko e Ta’ahine Pilinisesi Angelika Lātūfuipeka Tuku’aho ko e ‘Eiki Talafekau Lahi ‘o Tonga, ‘i he ‘ene fakafofonga’i a ‘Ene ‘Afio Tupou VI ki hono Fakanofo ‘a e hingoa matapule ko e Lave ‘Iloa Ola kia Suli Layt ‘o Pilisipeni, ‘Aositelelia.

‘Oatu ‘a e Talamonuu kia Lave ‘Iloa Ola ‘i he fatongia kuo fakakoloa ‘aki koe ‘e he ‘Ene ‘Afio ko e Hau ‘o Tonga, Tupou VI 🇹🇴.

03/08/2022

Ko e Ta’ahine Pilinisesi Angelika Lātūfuipeka Tuku’aho ko e ‘Eiki Talafekau Lahi ‘a Tonga 🇹🇴’i he ’ene me’a ‘aahi atu ki he Bunya Farm, Queensland.

Ko ha faingamalie lelei ‘a e me’a atu ‘a e Ta’ahine Pilinisesi ke me’a tonu kihe ngaue lahi ‘oku fakahoko he fanau Tonga ’i he faama ni. Koe matu’a Tonga e toko 8 ‘oku nau ngaue he faama ko ‘eni pea moe fanau e toko 14 ‘oku nau ngaue pe he faama ofi ne nau lava mai o fe’iloaki mo e Ta’ahine.

Ko e faama temata ko ‘eni ‘oku nau fakakakato ‘a e fiema’u temata ‘a e ngaahi fale koloa lalahi i ‘Aositelelia o hangee ko e Coles mo e Woolworth.

‘Oku mahu’inga ia foki ‘a e Ta’ahine Pilinisesi pea pehee kihe Pule’anga Tonga ke fai hano tokangai makehe ‘a e kau ngaue mei Tonga ko e uhii koe ngaahi lelei mo e monu’ia oku ma’u he fonua mei he ngaue ‘oku nau fakahoko ‘i ‘Aositelelia ni.

03/08/2022

Na'e fakahoko foki hono fuakava'i pea mo hono foaki atu 'a e ngaahi setifikeiti ki he Tangata'i Fonua Tonga 'a e kainga na'a nau liliu Tangata'i Fonua muli pea mole ai honau Tangata'i Fonua Tonga. 🇹🇴

Na'e fakahoko foki 'a e ouau mahuinga ko 'eni 'i Pilisipeini 'i he 'aho Pulelulu ko hono 3 ‘Aokosi 2022 'i he laumalie lelei 'a e Ta'ahine Pilinisesi Angelika Tuku'aho ka koe 'Eiki Talafekau Lahi ia 'o Tonga ki 'Aositelelia.

Na'e feunga fakakatoa moe toko 6 na'e fuakava'i pea mahino 'enau loto fiefia he mahino kuo toe fakafoki ange honau Tangata'i Fonua Tonga he lea nae fakahoko he tangata'eiki na'e kau 'i hono fuakava'i 'o fakafofonga'i kinautolu he lea fakamalo ki he Ta'ahine Pilinisesi.

'Oku hokohoko atu pe ngaue 'a e 'Ofisi 'a e 'Eiki Talafekau Lahi 'o Tonga ki 'Aositelelia ki he ngaahi foomu kole liliu Tangata'i Fonua Tonga hotau kainga 'oku fakahu mai ki he 'Ofisi 'o e 'Eiki Talafekau Lahi 'o Tonga ki 'Aositelelia.

02/08/2022

Renewal of Declaration a State of Emergency 🇹🇴
Fakafo’ou ‘o e Fakaha ‘o ha Tu’unga Fakafokifa 🇹🇴

01/08/2022

Ko hono talitali lelei ‘e he Ta’ahine Pilinisesi Angelika Lātūfuipeka Tuku’aho ko e ‘Eiki Talafekau Lahi ‘a Tonga ’a e CEO ‘o e Potungāue Fakalotofonua ‘a Tonga, Dr Fotu Fisi’iahi pea moe Ofisa Fakahoko Ngaue ‘a e Kau Ngaue Tonga ‘i ‘Aositelelia ni - Rev. Sione Palu Vaka.

Ko e folau mai foki ‘a e CEO ke fakahoko ha ngaahi talatalanoa mo fakataha’i ‘a e ngaahi tu’utu’uni ngaue fo’ou ‘a e Pule’anga ‘Aositelelia ‘oku amanaki ke fakahoko fekau’aki mo e ongo polokalama toli (SWP)mo e ngaue taukei(PLS). Kau foki ‘a e kupu mahu’inga ‘o e fakataha pea mo e Potungāue ki Muli ‘Aositelelia ko hono vakai’i ‘a e polokalama ko ia kihe visa nofo fonua ‘Aositelelia ’oku ‘amanaki ke kamata he ta’u fo’ou 2023.

Ko e Potungāue Fakalotofonua a Tonga(MIA) ‘oku nau tokanga’i hono teuteu’i mo filifili mai ’a ‘etau fanau ngaue ke nau lava mai ‘o ngaue ‘i Aositelelia ni.

30/07/2022

Ko hono talitali lelei ‘e he Ta’ahine Pilinisesi Angelika Lātūfuipeka Tuku’aho ko e ‘Eiki Talafekau Lahi ‘a Tonga 🇹🇴’a e me’a’ofa ko e “Dates” mei he ‘Amipasitoa ‘o e Pule’anga Fakatu’i ‘o Saute ‘Alepea 🇸🇦.

Ko e dates ne foaki ki he Ta’ahine Pilinisesi’oku feunga ia moe kilo 4,000, pea e faka a’u atu ki Tonga ‘a e ’ofa ‘a e Pule’anga Saute Alepea ke tofanga ai ‘a e ‘a e ngaahi kupu ne uesia he fakatamaki ne to he fonua.

Koe dates koe taha ia ha akau tu’ufonua ‘a e ngaahi fonua ‘Alepea pea koe taha ia kalasi ‘o e Paame. Kuo fakamo’oni’i foki ‘a e lahi ‘a e lelei ‘a e fua’i akau ko’eni ki he moui mo e sino.

Koe tokoni ‘eni ‘a e Pule’anga Saute ‘Alepea ’o kau pe ki he ’enau ngaahi tokoni ki Tonga hili ‘a e peau kula mo e mapuna ‘a e mounga’afi.

Mālō aupito Saudi Arabia 🇸🇦 🇹🇴