29/05/2026
WORKSHOP EXCLUSIVO PA LOCALNAN
Bien inmobil no ta solamente posesion. Ta un instrumento pa traha futuro y fortalece famia.
Mercado di bien inmobil na Aruba ta cambia hopi rapido. Hopi famia local tin tera, cas, pero no semper nan sa con nan por usa nan propiedad di un manera inteligente y duradero pa beneficia e siguiente generacion.
P’esey NewLeaf Notary ta organiza un workshop exclusivo y practico especialmente pa comunidad local di Aruba.
Bou guia di mr. Chamila A. Tromp, notario specialisa den derecho di bien inmobil, bo lo ricibi informacion claro y facil di comprende tocante con pa trata cu bien inmobil di forma creativo, inteligente y legalmente correcto.
Temanan cu lo wordo trata:
• ROPV Aruba
• Erfpacht versus propiedad
• Verkaveling
• Appartementsrechten
• Structuranan inteligente pa famianan
• Fayonan comun den posesion y planificacion di bien inmobil.
Importante:
E workshop aki no ta enfoca riba temanan hereditario of derecho hereditario. E enfoque ta exclusivamente riba desaroyo y estructuracion di bien inmobil.
E workshop lo tuma luga den un grupo chikito di maximo 10 persona, creando espacio pa intercambio di idea, discusionnan saludable, preguntanan y orientacion practico.
📅 20 Juni 2026
🕣 8.30 AM – 12:00 PM
💰 Afl. 100,-
(Pa atrae solamente participantenan serio)
📩 Registracion via:
mw. Joseanne Maduro
✉️ [email protected]
NewLeaf Notary
Building knowledge. Empowering generations.
