23/12/2025
๐ฃ Aruba is modernizing its tax system with a fully digital income tax declaration process, making filing faster, easier, and more transparent for everyone.
๐๐๐ฃ๐๐จ๐ฉ๐๐ง ๐๐๐ค๐๐๐ง๐๐ฎ ๐๐๐ซ๐๐ง: ๐ผ๐๐ฃ๐๐๐๐ฉ๐ ๐๐ฃ๐ ๐ค๐ข๐จ๐ฉ๐๐ฃ๐๐๐ก๐๐จ๐ฉ๐๐ฃ๐ ๐ก๐ค ๐๐๐ฎ ๐ฉ๐ ๐๐๐ฃ ๐๐ค๐ง๐ข๐ ๐๐๐๐๐ฉ๐๐ก
Minister di Finansa, Economia y Sector Primario, Geoffrey Wever, ta anuncia cu e formulario di declaracion di inkomstenbelasting proximamente lo bay conoce un cambio grandi y hopi importante. Entrante aรฑa fiscal 2025, e formulario aki lo wordo digitalisa den su totalidad brindando asina mayor eficiencia y rapidez den procesamento di e resultadonan.
โMi ta sumamente contento cu nos ta cuminsa cu e proyecto importante aki y cu Conseho di Minister di Gabinete AVP-FUTURO a aproba alocacion di Afl. 3.1 miyon pa por ehecuta e proyecto aki y pa e trabou importante cu e profesionalnan di Departamento di Impuesto ta haciendo y lo bay haci pa por logra cu den 2026 tur ciudadano por haci nan aangifte inkomstenbelasting digitalโ, segun Minister Geoffrey Wever.
Automatisacion di e proceso di inkomstenbelasting ta marca un otro paso importante den e trayecto di digitalisacion y modernisacion di Departamento di Impuesto y ta brinda bentahanan significativo tanto pa e contribuyentenan como pa gobierno por ehempel:
1. Un sistema di declaracion online cu ta facil pa uza y sigur.
2. Mayor calidad di data y miho cumplimento pa cu debernan di impuesto.
3. E procesamento di e declaracion ta sosode den un periodo mucho mas cortico y cu menos gasto administrativo.
4. E ta forma un base solido pa digitalisacion di otro procesonan, manera un mailbox digital.
Dentro di poco lo start cu e proyecto di digitalisacion di e declaracion di inkomstenbelasting cual lo wordo finalisa den transcurso di aรฑa 2026 na momento cu mester otorga e declaracion di inkomstenbelasting di aรฑa 2025.
Introduccion di e formulario di declaracion digital lo sosode a traves di e portal โBO impuestoโ (BOi), den cual ta bay integra datonan di e registro di Censo hunto cu e sistema digital di Departamento di Impuesto. Esaki lo permiti pa henter e proceso, desde entregamento di e declaracion, sosode completamente den forma automatisa y rapido.
Minister Wever tin un relacion di trabou estrecho cu Departamento di Impuesto y conhuntamente a encamina e proceso pa adkiri e fondonan di inversion necesario den presupuesto di Pais Aruba, pa asina por realisa e proyecto importante aki.
Minister Wever ta gradici henter e ekipo di Departamento di Impuesto pa tur e trabounan riba tereno di digitalisacion y pa realisacion di e proyecto di digitalisacion di e declaracion di inkomstenbelasting den 2026 y ta garantisa henter e pueblo di Aruba cu realisacion di e proyecto aki lo contribui directamente na mehoracion di e eficiencia administrativo, brinda transparencia y servicio di calidad na e ciudadanonan contribuyente.
