06/05/2026
๐๐ ๐๐ฅ๐ข๐๐ง๐ญ๐ ๐๐ข ๐๐๐ ๐๐ ๐๐ซ๐๐ฉ๐๐ซ๐ ๐ฉ๐ ๐ ๐๐ข ๐๐จ๐ฌ ๐
๐๐ฌ๐ ๐๐ข ๐๐๐ข๐ง๐ญ๐๐ ๐ซ๐๐๐ข๐จ๐ง ๐๐๐๐จ๐ซ๐๐ฅ.
Cuarenta cliente di Departamento di Asunto Social (DAS), cu ta ricibi sosten via Guia Social of Sosten Financiero, a cuminsa na februari 2026 cu e trayecto transformativo โIn The Pictureโ di Stichting Ja Ik Aruba.
Durante e ultimo lunanan, e participantenan a completa exitosamente un serie di training enfoca ariba liderazgo personal, etica di trabou, responsabilidad, liderazgo laboral y comunicacion efectivo. E trayecto aki no ta keda solamente den teoria, pero nos ta ekipa nos clientenan cu habilidadnan practico pa crece tanto personal como profesionalmente.
Den e siguiente fase, e trayecto ta bira aun mas dinamico. Den e simannan nos dilanti, e clientenan lo bish*ta 9 compania diferente, unda nan lo pone nan conocemento den practica y conecta cu e realidad di e mercado laboral. E experiencia di stage den e periodo di luna di juni 2026 (1te cu 30 di juni) ta un paso importante na e rumbo pa reintegracion laboral. Ademas, e participantenan lo sigui haya tayernan enfoca ariba maneho di finansa responsabel y independencia economico.
Departamento di Asunto Social ta orguyoso di e progreso di su clientenan. E crecemento y determinacion di e participantenan ta un muestra cu semper nos por cuminsa di nobo. DAS ta sigui comprometi na crea bienestar pa nos tur.
