24/06/2026
๐ถ๐ Dera Gay: un tradicion unico den e cultura Arubiano
Den cuadro di fiesta di San Juan ta bon pa recorda y comparti informacion tocante un di nos tradicionnan mas unico: Dera Gay.
Segun e investigacion di Ernesto E. Rosenstand den su buki 'Nos Cultura', Dera Gay ta un tradicion cu ta wordo celebra exclusivamente na Aruba durante e festividad di San Juan. E celebracion ta caracterisa pa musica, canto, baile y participacion activo di comunidad.
Historicamente, e actividad principal tabata consisti di un grupo di hende cu, acompaรฑa pa tambu, wiri, fio y canto, tabata forma un circulo rond di un gay cu tabata wordo dera den tera. Un participante cu tabata tapa su wowonan cu un paรฑa tabata purba dal e gay cu un palo. E uzo di e paรฑa ta simbolisa e negacion di San Pedro na Hesus tres biaha durante Semana Santa.
Cu paso di tempo, uzo di un gay bibo a wordo sustitui pa un gay artificial, manteniendo e esencia cultural di e tradicion mientras cu e celebracion a evoluciona cu tempo.
Color geel ta ocupa un lugar central den e fiesta. Damanan tradicionalmente ta bisti shimis geel cu cabey peรฑa cu lint geel, mientras cu hombernan ta bisti carson preto y camisa manga largo geel. Musica, baile y alegria comunitario ta e curason di e celebracion.
๐ Tradicionnan manera Dera Gay ta forma parti importante di nos herencia cultural inmaterial. Compartiendo e historia y significado, nos ta contribui na preservacion di e conocemento pa generacionnan futuro.
๐๐๐ถ Bo tin algun recuerdo of experiencia cu Dera Gay? Comparti cu nos den e comentarionan!
Potret: Coleccion Aruba
https://coleccion.aw/show/?ANA-DIG-THENEWSARUBA-D0090-02-20060624-012
