Futuro Aruba

Startpagina
Aruba
Oranjestad
Futuro Aruba

FUTURO ta enfoca ariba stimula nos comunidad pa tin mas participacion activo den creacion di maneho.

Den e pensamento aki tin un balansa di cooperacion entre e individuo, organisacionnan den comunidad, gobierno y sector priva.

08/06/2026

Dia 2 - IPKO 2026 - Den Haag - Diasabra, 6 di juni 2026

Un otro dia productivo durante IPKO, enfoca riba cooperacion den Reino.

Un di e puntonan mas importante awe tabata cu cooperacion fuerte ta cuminsa door di scucha otro, compronde e realidadnan di cada pais y mantene linjanan di comunicacion mas cortico entre parlamentarionan di tur 4 pais den Reino.

Durante e discusionnan riba Asuntunan Exterior y Defensa, Ruthlyn Lindor a enfatisa cu confiansa, comunicacion directo y abierto y compreshon mutuo ta esencial pa atende e retonan y oportunidadnan cu nos ta comparti den Reino.

Cooperacion y colaboracion berdadero ta cuminsa ora nos scucha otro, comunica abiertamente y traha hunto riba loke realmente ta importa pa nos hendenan.

06/06/2026

Ayera, durante e promer dia di IPKO 2026 na Den Haag, a participa den varios dialogo tocante cooperacion den Reino, gobernacion democratico y a trata acuerdonan cu a wordo haci na Februari durante IPKO na Aruba.

Un di e puntonan mas interesante tabata nos bish*ta na De Buurt als Ecosysteem na Haarlem, unda nos a mira con bario fuerte y rednan social por yuda nos adulto mayornan pa keda biba independiente den nan propio cas pa mas largo cu ta posibel, manteniendo contactonan social y sosten di famia y comunidad.

Ruthlyn Lindor, Lider di Fraccion FUTURO, a reflexiona cu esaki no ta nada nobo pa Aruba ni pa Caribe. Cuida pa nos adulto mayornan door di famia, bisiñanan y comunidad semper tabata parti di nos cultura y manera di biba. Ta hopi bunita di mira cu awor tambe na Hulanda nan ta reconoce cu e modelo aki di cercania humano y cohesion social ta un di e miho formanan pa duna nos mayoranan un bida digno, activo y felis.

Mientras cu nos ta sigui desaroya nos sociedad, nos mester percura pa nunca perde e balornan aki. Comunidadnan fuerte, famianan fuerte y relacionnan humano fuerte ta entre e regalonan mas grandi cu nos por tin pa nos adulto mayoranan y futuro generacionnan.

Comunidad fuerte ta crea un miho calidad di bida pa tur generacion.

05/06/2026

Nos a reuni cu Simar. Aki Simar a duna splicacion cu tin punto cu tin nan precupa. Esun cu tin nan mas precupa ta cu cada bes mas docente ta considera laga e profesion pa busca oportunidad den sector priva. Ora nos perde personal,nos ta perde capacidad,stabilidad y calidad den nos sistema educativo. Tambe tin hopi alumuno cu problema sociaal/emocional. Mester di mas trahado sociaal na scolnan y hasta psicologo. Loke tambe a bin pa dilanti ta e Seguridad na e scolnan pa docente nan.

Fraction Futuro ta sigi inverti den educacion di nos pais.

05/06/2026

Ayera mainta Ruthlyn Lindor a participa den e Tripartietoverleg entre Aruba, Curaçao y Sint Maarten, unda a discuti temanan importante pa futuro di nos paisnan y di Reino. Como Lider di Fraccion FUTURO y Vicepresidente di e Comision di Reino y Relacionnan den Exterior, Lindor a contribui na dialogonan tocante e Geschillenregeling, reformanan, e pasado di sclavitud y fortalecemento di cooperacion entre nos paisnan.

Hunto nos ta sigui traha pa un Reino basa riba respeto mutuo, igualdad y oportunidad pa tur ciudadano. 🇦🇼🇨🇼🇸🇽

01/06/2026

Diabierna mainta Parlamento, guia pa Vice President Muzaninn S.F. Wever di Fraccion FUTURO a ricibi studiantenan di Klas 6 di St. Franciscus College. Nan a puntra hopi di e instituto Parlamento, su funcionamento y cambionan pa Aruba. Nos por ta orguyoso cu e generacion cu ta na caminda.

28/05/2026

Pabien na nos colega Ruthlyn di parti di FUTURO 🥳

28/05/2026

E preocupacion di pueblo ta valido.

Ruthlyn Lindor MSc MBA

26/05/2026

Awe mainta den e Comision di Enseñansa, Fraccion FUTURO a ricibi un presentacion di Dienst Inspectie van het Onderwijs riba e calidad di enseñansa na Aruba, supervision y e caminda pa sigui dilanti. Fraccion FUTURO lo monitoria eaki pa sigura cu e bira un realidad, creando oportunidadnan real pa cada mucha y hoben na Aruba por desaroya su mes te na su maximo potencial.

26/05/2026

Ayera den combersacion cu sector comercial riba un tema clave pa futuro di Aruba.

Pa Partido FUTURO e posicion ta cla: pendiente conseho di Raad van State, nos ta kere cu HOFA lo fortifica stabilidad financiero, aumenta confiansa y crea espacio pa inverti den nos hendenan y nos economia.
Conscientemente nos lo warda ariba e conseho di Raad van State y lo tene cuenta cu esaki hunto cu e conseho ya ricibi di Raad van Advies di Aruba, cu atencion particular pa articulo 38.

Un decision asina importante, nos no ta tuma leve ni tuma den pura. Nos ta tuma tempo pa pense bon y tuma un decision bon considera.

Hunto pa yega na un acuerdo cu ta traha pa Aruba, pa nos autonomia y mas importante, pa e hendenan y futuro di Aruba.

Adres

L.G. Smith Boulevard 72
Oranjestad

Website

https://linktr.ee/futuroaruba

Meldingen

Wees de eerste die het weet en laat ons u een e-mail sturen wanneer Futuro Aruba nieuws en promoties plaatst. Uw e-mailadres wordt niet voor andere doeleinden gebruikt en u kunt zich op elk gewenst moment afmelden.