Registro Civil y Censo

04/06/2026

21/05/2026

A N U N C I O

Hefe di Registro Civil y Censo ta anuncia lo siguiente:

Censo a haya acuerdo pa traha diasabra pa e siguiente productonan:

RIJBEWIJS Y PASPOORT:
Debi na piek den peticionnan pa rijbewijs y paspoort lo habri cita adicional riba diasabra desde 23 mei 2026 proximo. Corda lesa kiko exactamente mester trece na bo cita. Tur informacion ta obtenibel riba nos website y/ of page.

ATENCION:
Si bo tin cita caba traha pa e productonan ariba pero no por acudi na esaki of bo a traha cita nobo riba e diasabranan aki, corda CANCELA bo cita pa otro por haya chens.

06/05/2026

Kico mester trece ora di renoba paspoort:

• 1 potret recien saca
• Paspoort bieu
• Afl. 205,00

Corda trece e rekisitinan menciona ariba dia di bo cita.
Si no tin e rekisitonan, mester traha un otro cita.

Traha bo cita y pa mas informacion:

www.censo.aw

23/02/2026

Ta pidi tur hende cooperacion pa cu lo siguiente:
1. NINGUN HENDE MESTER PAGA PA HACI UN CITA. Esaki ta totalmente gratis y accesibel pa tur hende! Bo mes por haci esaki of laga un hende yudabo. NO PAGA PA ESAKI y ban yuda STOP E ABUSO AKI!!
2. Pone bo e-mail personal valido y bo lo ricibi un código. Abo mes pone e código cu bo a ricibi den bo e-mail pa e cita por wordo afirma.
3. Si nos ripara cu ta un hende cu ta cobra pa haci e cita, of ta wordo mal usa di e sistema, esaki lo wordo anula.
4. Si ta resulta cu ainda bo permiso no ta cla ora di a haci e cita, tambe bo cita lo wordo anula.
5. Corda pone e CRV nummer correcto.

Haci bo cita SOLAMENTE ora bo permiso ta cla, tur bo papelnan ta na ordo y bo ta na Aruba caba!
Ta pidi cooperación pa cancela bo cita si bo hayabo stroba di asisti pa asina otro por haya chens. Asina nos tur ta coopera cu otro pa haya un cita.

BAN STOP cu e abuso aki di laga hende cobra pa cita paso esaki ta GRATIS!!!!!! Pagando bo ta aportando na stroba e servicio pa un y tur. Pa tur cos por cuminsa cana manera debe ser locual ta recarda e producto aki, nos tur mester coopera pa asina Censo por keda brinda e servicio cu nos tur conoce.

30/12/2025

Registro Civil y Censo ta informa lo siguiente:

En connecion cu cambio introduci door di Reino Hulandes den e tarifa di paspoort, manera estableci den e Decreto di Reino Hulandes di 26 november 2025, referente cambionan den e Decreto pa cu e tarifa di paspoort desde 1 januari 2026 esaki lo bira:
Paspoort nacional pa persona riba 18 aña di edad: Afl. 205,00
Paspoort pa comerciante: Afl. 251,00

E tarifa di paspoort pa persona bao 18 aña di edad no a cambia.

Dienst Burgerlijke Stand en Bevolkingsregister deelt het volgende mee:

In verband met de door het Koninkrijk der Nederlanden in te voeren wijziging zoals opgenomen in het Besluit van 26 november 2025, houdende wijziging van het Besluit paspoortgelden en aanpassing van de tarieven per 1 januari 2026), bedragen de paspoortleges vanaf 1 januari 2026 het volgende:
Nationaal paspoort personen boven de 18 jaar oud: Afl: 205,00
Zakenpaspoort: Afl: 251,00

De paspoortleges voor personen onder de 18 jaar oud zijn niet gewijzigd.

12/12/2025

Masha danki ta bay na e trahadornan aki di Censo cu a aporta cu 14 caha! Hopi danki!

11/12/2025

A N U N C I O IMPORTANTE

Hefe di Registro Civil y Censo ta anuncia lo siguiente:

Peticionnan pa (re-)inscribi den Registro di poblacion a conoce un subida drastico. Pa e producto aki Censo a yega su capacidad maximo.

Ademas di e subida drastico a bin ripara cu tin un mal uso tumando lugar cu e sistema di haci cita online (afsprakensysteem) specificamente pa e producto inschrijving.

Pa es motibo Censo a sera temporalmente e posibilidad completo pa haci cita online pa cu e producto ‘inschrijving’. Esaki lo habri bek den un siman.
E sistema di cita a haya cierto funcionalidad di seguridad extra y lo monitor esaki.

Ta pidi tur hende cooperacion pa cu lo siguiente:
1. NINGUN HENDE MESTER PAGA PA HACI UN CITA. Esaki ta totalmente gratis y accesibel pa tur hende! Bo mes por haci esaki of laga un hende yudabo. NO PAGA PA ESAKI y ban yuda STOP E ABUSO AKI!!
2. Pone bo e-mail personal valido y bo lo ricibi un código. Abo mes pone e código cu bo a ricibi den bo mail pa e cita por wordo afirma.
3. Si nos ripara cu ta un hende cu ta cobra a haci e cita, esaki lo wordo anula.
4. Si ta resulta cu ainda bo permiso no ta cla ora di a haci e cita, tambe bo cita lo wordo anula.

Haci bo cita SOLAMENTE ora bo permiso ta cla, tur bo papelnan ta na ordo y bo ta na Aruba caba!
Ta pidi cooperación pa cancela bo cita si bo hayabo stroba di asisti pa asina otro por haya chens. Asina nos tur ta coopera cu otro pa haya un cita.

BAN STOP cu e abuso aki di laga hende cobra pa cita paso esaki ta gratis. Pagando bo ta aportando na stroba e servicio pa un y tur. Pa tur cos por cuminsa cana manera debe ser locual ta recarda e producto aki, nos tur mester coopera pa asina Censo por keda brinda e servicio cu nos tur conoce.