Wat zijn de openingstijden?

Maandag 08:00 - 16:00 Dinsdag 08:00 - 16:00 Woensdag 08:00 - 16:00 Donderdag 08:00 - 16:00 Vrijdag 08:00 - 16:00

Directie Volksgezondheid DVG ARUBA

Startpagina
Aruba
Oranjestad
Directie Volksgezondheid DVG ARUBA

The Department of Public Health works to protect and promote the health and wellbeing of everyone living in Aruba

The Department of Public Health (DVG) is responsible for the general administration of public health in Aruba. The main focus is on prevention, protection, policy formulation and enforcement of the Health Laws and regulations. This function is anchored in the Health Law (Gezondheidsverordening). According to article 1 of this Health Law the Department of Public Health is responsible for the promot

ion of health in general and the implementation of the health regulations in regards to public health.

18/06/2026

Dia Mundial di Cancer di Riñon – 18 di Juni

Awe, 18 di juni, nos ta conmemora e Dia Mundial di Cancer di Riñon. Pa e aña aki, e mensahe central ta: “Cancer di Riñon y Bienestar Emocional”.
E retonan mental di e pashentnan ta enorme. Ban apoya y anima nan den e caminda dificil aki!

Ora un persona ricibi e diagnostico aki, e bataya no ta solamente fisico, sino tambe mental y emocional. Hopi biaha e parti aki ta keda sin wordo menciona. Pesey, e campaña di e aña aki tin como meta pa duna pashentnan e forsa pa busca apoyo y papia abiertamente tocante nan salud mental. E salud emocional ta mes importante cu e tratamento medico!

3 Tip preventivo pa cuida bo riñonnan:
Prevencion semper ta e miho medicina. Aki tin 3 cambio den bo estilo di bida cu bo por haci pa reduci e risico di desaroya cancer di riñon:

1. Evita of stop di huma
Huma di sigaria ta un di e factornan di risico mas grandi pa cancer di riñon. E sustancianan toxico cu bo ta inhala ta drenta den bo sanger y ta wordo filtra pa bo riñonnan, dañando nan celulanan di manera structural.

2. Mantene un peso saludabel y haci ehercicio
Obesidad ta aumenta e risico di cancer di riñon debi na e cambionan hormonal cu e ta causa. Come balansa, reduci sucu y move mas pa mantene bo peso bou di control.

3. Controla bo presion (hipertension)
Presion halto ta daña e conductonan di sanger den bo riñonnan. Pone atencion na bo consumo di salo, haci bo chekeonan regular cerca dokter y si bo tin presion halto, bebe bo remedinan tur dia.

Laga nos uza nos bos pa conscientisa!
Si bo conoce un persona cu ta pasando den e bataya aki, mustr'e bo amor y pasenshi. Un oido atento of un palabra di animo por cambia nan dia.

Bo Salud, Nos Prioridad!

Pa keda semper bon informa:
✅Like nos page Directie Volksgezondheid DVG Aruba https://www.facebook.com/share/1BUf49SZUj/
✅Follow nos riba Instagram https://www.instagram.com/directie_volksgezondheid_aruba?igsh=MXA4YTMydTBjNnVyNg==
✅Check Aruba Health App
✅Subi nos website www.dvg.aw
✅Yama nos na 5224200
✅Mail nos na [email protected]
✅Check nos WhatsApp Channel https://whatsapp.com/channel/0029Vb7YnFr5vKA3Fh9vtD31
✅Join nos WhatsApp Communities https://chat.whatsapp.com/F7uEhpf8tXoLf3q91HBr5G

15/06/2026

Dia Mundial contra e Abuso di Hende Grandi – 15 di Juni 👵👴💜

Dia 15 di juni ta un dia di reflexion profundo na nivel mundial: Nos ta conmemora e Dia Mundial contra e Abuso di Hende Grandi🌍
E dia aki a wordo institui pa lanta nos bos🗣️, habri nos wowo y stop cualkier forma di maltrato, negligencia of abuso🚫contra e generacion cu a duna nan bida pa construi e sociedad cu nos tin awe.

Abuso no ta solamente fisico; e por ta verbal, emocional, financiero of door di simplemente laga nan den un skina lubida 🏚️💔
Nos grandinan ta un tesoro di sabiduria, historia y experiencia, y nan merece di biba nan añanan di oro cu e maximo dignidad posibel✨👑

Nos mester tin solamente amor pa nan! ❤️📜
E mensahe mas grandi pa e dia aki ta uno di curason: Nos mester tin solamente amor, pasenshi y afecto pa nos hendenan grandi 💞

Ora un persona drenta e etapa aki di bida, e tin mester di e mesun cuido y cariño cu e tabata duna e chikitinnan ora e tabata hoben 🧸👶
Aki algun tip di con nos por mustra e amor ey tur dia:

💬 Scucha nan cu pasenshi: Nan tin hopi storia pa conta. Tene conversacionnan cu nan ta haci nan sinti balora y util. ☕👂

🏡 Bish*ta nan pa nan sinti compaña: E pio enemigo di un hende grandi ta soledad. Un bish*ta cortico of un yamada di telefon por cambia nan dia completo📞🤗

🍏 Cuida nan salud y bienestar: Sigura pa nan tin nan remedi, nan cuminda na tempo y un ambiente sigur y limpi pa biba aden💊🧼

🛡️ Proteha nan di abuso: Si bo ta nota cu un hende grandi ta wordo trata malo of tin negligencia, no keda keto. Lanta p'e ya cu e no tin forsa mas pa por defende su mes 🚨💪

Laga nos compromete nos mes! 🤝❤️
E 15 di juni aki, laga nos haci un pacto di amor. Nos grandinan a traha caminda pa nos cana; awo ta nos turno pa sostene nan man y duna nan e cariño cu nan merece. Amor so, nada mas! 🫂🌹

Bo Salud, Nos Prioridad!

Pa keda semper bon informa:
✅Like nos page Directie Volksgezondheid DVG Aruba https://www.facebook.com/share/1BUf49SZUj/
✅Follow nos riba Instagram https://www.instagram.com/directie_volksgezondheid_aruba?igsh=MXA4YTMydTBjNnVyNg==
✅Check Aruba Health App
✅Subi nos website www.dvg.aw
✅Yama nos na 5224200
✅Mail nos na [email protected]
✅Check nos WhatsApp Channel https://whatsapp.com/channel/0029Vb7YnFr5vKA3Fh9vtD31
✅Join nos WhatsApp Communities https://chat.whatsapp.com/F7uEhpf8tXoLf3q91HBr5G

15/06/2026

Siman di Salud pa Hende Homber – 15 te cu 21 di juni 🗓️💪

For di 15 te cu 21 di juni, nos ta celebra e Siman di Salud pa Hende Homber👨🏽‍‍👩‍👦‍👦
E siman aki tin como meta principal pa conscientisa casa, tata, yiu, ruman, welo, omo, primo, sobrino y amigonan tocante e importancia di cuida nan salud fisico y mental y pa stimula nan pa busca ayudo medico na tempo🩺✨

Pa e aña aki, 2026, e tema central ta un conseho sumamente valioso pa bida diario:
"Paso-paso, progresa sin enfoca riba perfeccion." 🐢🚀

Hopi biaha, hende homber ta sinti e presion cu nan mester tin e curpa perfecto, e bida perfecto of cu nan mester ta "fuerte" y no por mustra vulnerabilidad🛡️💙
E tema di e aña aki ta recorda nos cu salud ta un caminda largo. No tin mester di ta perfecto; cada un paso chikito cu bo dal pa cuida bo mes ta un gran victoria! 🏆

Con e hombernan por aplica e tema aki "Paso-paso"? 🤔
Cuida bo salud no kiermen cu bo mester cambia bo bida completo den un dia so.
Bo por progresa door di haci cambionan chikito pero structural:

🏃‍♂️ Paso 1: Move un poco mas. Bo no mester pasa oranan largo den gym, cuminsa ta cana 30 minuut pa dia, subi trapi of practica un deporte cu bo ta gusta.

🥗 Paso 2: Come mas saludabel. No enfoca riba dietanan extremo. Djis cuminsa na agrega mas awa, reduci e consumo di sucu y pone mas berdura den bo tayo 🥦💧

🗣️ Paso 3: Papia tocante bo sentimentonan. Salud mental ta mes importante cu salud fisico. Papia cu un amigo, bo pareha of un profesional si bo ta sinti hopi stress of presion. E no ta un signo di debilidad, e ta un signo di balora bo bida🧠❤️

📋 Paso 4: Traha un cita pa un chekeo preventivo. No warda te ora bo ta sinti dolor pa bay dokter. Un control anual di presion, sucu y e screeningnan necesario segun bo edad por salba bo bida👨‍⚕️🩺

Un yamada na tur hende homber: 📣
E siman aki, lubida riba e idea di ta "perfecto", enfoca riba progreso.
Cada bon decision cu bo tuma awe pa bo salud, ta un regalo pa bo futuro y pa bo famia cu ta stima bo.
¡Bo salud ta bo miho inversion! 💎🙌

Bo Salud, Nos Prioridad!

Bo Salud, Nos Prioridad
Pa keda semper bon informa:
✅Like nos page Directie Volksgezondheid DVG Aruba https://www.facebook.com/share/1BUf49SZUj/
✅Follow nos riba Instagram https://www.instagram.com/directie_volksgezondheid_aruba?igsh=MXA4YTMydTBjNnVyNg==
✅Check Aruba Health App
✅Subi nos website www.dvg.aw
✅Yama nos na 5224200
✅Mail nos na [email protected]
✅Check nos WhatsApp Channel https://whatsapp.com/channel/0029Vb7YnFr5vKA3Fh9vtD31
✅Join nos WhatsApp Communities https://chat.whatsapp.com/F7uEhpf8tXoLf3q91HBr5G

14/06/2026

Dia Mundial di Duna Sanger 🩸✨

Tur aña riba 14 di juni, mundo henter ta para keto pa celebra Dia Mundial di Duna Sanger🌍
E dia aki ta un ocasion special pa gradici tur e donantenan voluntario cu ta duna e regalo di bida y tambe pa laga nan sa con importante esaki ta pa nos salubridad publico🎁❤️

Pa e aña aki, 2026, e tema oficial ta un yamada bunita na nos consenshi:
"Un gota di humanidad. Duna sanger. Salba bidanan." 💧🤝

Duna sanger ta un acto di amor puro y solidaridad. Ora bo duna sanger, bo ta bira e heroe anonimo di un persona cu tin mester di un di dos oportunidad pa biba 🦸‍♂️🩹 E ta un gesto chikito pa bo, pero e ta significa un mundo di diferencia pa un otro🌟

5 Benefishi di Duna Sanger 🤔💡
Hopi hende sa cu duna sanger ta salba bida di otro, pero bo sa cu tin benefishinan pa bo mesun salud?
Aki tin 5 motibo pa considera bira un donante:

1️⃣ Chekeo di salud gratis 🩺
Prome cu bo duna sanger, un profesional ta check bo presion, nivel di hemoglobina, bo pulso y bo sucu. Esaki ta un bon manera pa monitor bo mesun salud regularmente✅

2️⃣ E ta stimula creacion di sanger nobo 🔄
Ora bo duna sanger, bo curpa ta reacciona mesora pa restitui loke a sali. E ta produci celulanan di sanger nobo y fresco, locual ta yuda mantene bo sistema cardiovascular renoba🏃‍♂️💨

3️⃣ Ta balansa e nivelnan di hero ⚖️
Exceso di hero den sanger por ta dañino pa curason y higra. Duna sanger regularmente ta yuda reduci hero extra, controlando e risico di malesanan di curason❤️🩹

4️⃣ E ta bon pa bo salud mental y emocional 😊
Sabiendo cu bo acto por salba te cu tres bida ta duna un sentimento profundo di satisfaction y felicidad. Sinti bo util den comunidad tin un impacto positivo directo riba bo estado di animo🌈

5️⃣ Ta reduci e risico di cierto malesanan cronico 🛡️
Diferente studio ta mustra cu donantenan regular di sanger tin un risico mas abou di sufri di cierto tipo di cancer y di problema di circulacion, debi na e renovacion continuo di e celulanan🔍

Bo ta cla pa mustra bo humanidad? 🙋‍♂️🙋‍♀️
No warda un emergencia pa actua. Tuma contacto cu 'Bloedbank' y duna e miho regalo cu un ser humano por duna otro: bida! 🩸🎁

Bo Salud, Nos Prioridad!

Pa keda semper bon informa:
✅Like nos page Directie Volksgezondheid DVG Aruba https://www.facebook.com/share/1BUf49SZUj/
✅Follow nos riba Instagram https://www.instagram.com/directie_volksgezondheid_aruba?igsh=MXA4YTMydTBjNnVyNg==
✅Check Aruba Health App
✅Subi nos website www.dvg.aw
✅Yama nos na 5224200
✅Mail nos na [email protected]
✅Check nos WhatsApp Channel https://whatsapp.com/channel/0029Vb7YnFr5vKA3Fh9vtD31
✅Join nos WhatsApp Communities https://chat.whatsapp.com/F7uEhpf8tXoLf3q91HBr5G

11/06/2026

Den un entrevista na Nos Mainta.
dr Maritza Ordoñes consehero Medico na DVG a splica tocante e fenomeno natural di Stof di Sahara y su efecto riba salud di hende, bestia y naturalesa.

08/06/2026

DuCaPHEN 2026: alleen samen zijn we opgewassen tegen de volgende pandemie

Deze week komen medische professionals, epidemiologen en
beleidsmakers van Aruba, Bonaire, Curaçao, Saba, Sint Maarten en Statia samen op Aruba voor de DuCaPHEN-conferentie (Dutch Caribbean Public Health Expertise Network). In een wereld waarin virussen geen grenzen kennen en chronische leefstijlziekten toenemen, is goede aanpak tussen de vier landen en zes eilanden urgenter dan ooit. DuCaPHEN vormt de cruciale spil om deze krachten te bundelen.

Gezondheidsuitdagingen stoppen niet bij landgrenzen. Of het nu gaat om de acute dreiging van vector-overdraagbare ziekten zoals dengue (knokkelkoorts) of chikungunya, of de stijgende maatschappelijke druk van chronische leefstijlziekten (Non-Communicable Diseases, zoals diabetes en hart- en vaatziekten); de eilanden delen dezelfde kwetsbaarheden.

Door samen te werken kun je meer bereiken en hoef je niet allemaal hetzelfde te doen, daarom, is het DuCaPHEN-samenwerkingsverband van onschatbare waarde. Door expertise, data en netwerken structureel te delen, wordt de gezondheidszorg en de (pandemische) paraatheid in de gehele regio naar een hoger niveau getild.

Fysieke ontmoeting bouwt essentieel vertrouwen
Hoewel de partners elkaar wekelijks digitaal spreken, is de fysieke conferentie op Aruba een onmisbare stap. Persoonlijk contact zorgt voor onderling vertrouwen dat noodzakelijk is om tijdens een gezondheidscrisis snel en effectief als één blok te handelen. De korte lijnen die deze week in Oranjestad worden versterkt, vormen de basis voor zowel een snelle respons bij infectieziekten als een effectieve lange-ademstrategie voor NCD-preventie.

“Aruba heeft zich bewezen als een fantastische en uiterst professionele gastheer,” zegt Hans Lobach, afdelingshoofd bij het RIVM. “De gedrevenheid en warmte van het lokale team van de Departamento di Salud Publico (DVG) en de Caribische partners zijn inspirerend. Dat merkten we al tijdens de intensieve voorbereidingen in de afgelopen maanden. Er ligt hier een ijzersterk fundament van expertise waar iedereen op de eilanden enorm trots op mag zijn. We zien dat we elkaar steeds beter weten te vinden, maar we moeten samen ook nog veel stappen nemen. Het is geweldig om te zien dat die bereidheid hier volledig aanwezig is; simpelweg door hier samen in deze zaal te zitten en schouder aan schouder te werken aan een gezonde toekomst”;

Blik op de toekomst
De conferentie op Aruba markeert een belangrijke mijlpaal in de samenwerking. De komende dagen staan in het teken van concrete werkafspraken, het stroomlijnen van het delen van data en voorzieningen en het verstevigen van de operationele netwerken. Het gezamenlijke doel blijft ongewijzigd: een gezonder en weerbaardere bevolking op de BESCAS, waarin elk eiland kan steunen op de collectieve kracht en expertise van het hele netwerk.

07/06/2026

Dia Mundial di Siguridad di Alimento – 7 di Juni 🥗🥦🥑🍎🍌

Awe, 7 di juni, nos ta celebra e Dia Mundial di Siguridad di Alimento (World Food Safety Day). E dia aki tin como obhetivo principal pa conscientisa nos riba e importancia di preveni, detecta y maneha e risiconan cu ta bini via cuminda, garantisando asina e salud 🩺di henter e poblacion.

Cuminda sigur no ta un luho, e ta un necesidad fundamental. Ora nos alimentonan🥗 ta sigur, nos ta proteha bida, ta mehora economia y ta yuda den un futuro mas sano.

👉E lema di e aña aki: "For di problema pa solucionnan, ban tin cuminda sigur tur caminda!"
E lema aki ta enfoca riba con e estadistica di malesanan y e problema cu esakinan ta trece den e sociedadnan, y e bidanan cu ta bay perdi, por sirbi como un guia pa tuma accionnan concreto. Na luga di djis mira e cifranan como un dato mas, e meta ta pa uza e estadisticanan aki pa crea solucionnan enfoca y eficiente na un costo husto.

🥦Cuminda sigur pa TUR hende : Sea ta den un restaurant di cinco strea, na un SNACK bar di vecindario of den nos propio cushina na cas, tur hende tin derecho di consumi alimentonan cu no ta haci nan malo. E solucionnan mester alcansa tur skina.

🛡️Siguridad di alimento ta cuminsa na bo!
Uza bo conocemento, laba bo mannan, cushina bo cuminda bon y sea parti di e solucion. Pasobra un comunidad cu bon informacion disponibel y bon educacion, ta un comunidad cu ta salba bida!

Bo salud, nos prioridad!

Pa keda semper bon informa:
✅Like nos page Directie Volksgezondheid DVG Aruba
✅Follow nos riba Instagram directie_volksgezondheid_aruba
✅Check Aruba Health App
✅Subi nos website www.dvg.aw
✅Yama nos na 5224200
✅Mail nos na [email protected]
✅Check nos WhatsApp Channel https://whatsapp.com/channel/0029Vb7YnFr5vKA3Fh9vtD31
✅Join nos WhatsApp Communities https://chat.whatsapp.com/F7uEhpf8tXoLf3q91HBr5G

05/06/2026

🌍 5 di Juni: Dia Mundial di Medio Ambiente

🌱 Mas leu cu reduci carbono: Un transformacion pa Aruba
Ora nos papia di accion climatico ⚡️, hopi biaha nos ta pensa solamente riba reduci e emision di carbono, manera uza menos auto 🚗 of no cende hopi luz 💡.
Pero pa e aña aki, e mensahe mundial ta hopi mas profundo, e ta trata di transforma e sistemanan cu ta sostene nos economia 🔄 y reconstrui nos relacion cu e clima 🌤
Pa un isla chikito manera Aruba 🇦🇼, esaki tin un nificacion masha special. Nos no por djis copia e solucinannan di paisnan grandi; nos tin cu adapta nan na nos mesun realidad 🏝

🔄 Transforma nos economia: Esaki ta nifica cambia nos manera de pensa. No ta trata djis di bende un producto 'berde' 🟢, sino di promove un economia circular caminda nos ta reduci e sushi 🗑 cu nos ta genera, reuza loke nos tin y sostene e comercio local 🏪 cu ta respeta nos recursonan limita.

🌊 Reconstrui nos relacion cu e clima: Nos tin cu corda cu nos naturalesa...nos lama 🏖 y nos mondi cu nos matanan🌵ta nos miho defensa contra e cambionan climatico. Proteha nos costanan y nos naturalesa no ta un luho, pero un necesidad pa nos propio bienestar y sobrevivencia 🦎

E reto pa Aruba: Accion climatico no ta un tarea di gobierno so , e ta cuminsa cu e decisionnan cu nos ta tuma tur dia den nos hogar, nos bario y nos trabou. Sana nos relacion cu naturalesa 🌿 y cambia e forma cu nos ta consumi 🛒 ta e unico manera pa garantisa un Aruba sostenibell y prospero pa e futuro generacionnan 🧒👧.

E cambio ta cuminsa cu nos! ✨

Bo salud, nos prioridad!

Pa keda semper bon informa:
✅Like nos page Directie Volksgezondheid DVG Aruba
✅Follow nos riba Instagram directie_volksgezondheid_aruba
✅Check Aruba Health App
✅Subi nos website www.dvg.aw
✅Yama nos na 5224200
✅Mail nos na [email protected]
✅Check nos WhatsApp Channel https://whatsapp.com/channel/0029Vb7YnFr5vKA3Fh9vtD31
✅Join nos WhatsApp Communities https://chat.whatsapp.com/F7uEhpf8tXoLf3q91HBr5G

03/06/2026

ARUBA A RECIBI DUCAPHEN Y MOBOCON 2026 PA FORTALECE COLABORACION REGIONAL DEN SALUD PUBLICO.

ORANJESTAD, Aruba – 3 di juni 2026 – Aruba ta orguyoso di ta anfitrion di dos encuentro regional importante den e siman aki: e conferencia anual di Dutch Caribbean Public Health Expertise Network (DuCaPHEN) y e reunion anual di MoBoCon (Mosquito Borne Control Network), reuniendo expertonan, profesionalnan di salud publico y specialistanan di control di vector for di diferente pais y isla den Reino Hulandes.

DuCaPHEN ta un red di colaboracion cu a wordo establece pa fortalece cooperacion den salud publico, vigilancia epidemiologico, preparacion pa emergencia, promocion di salud y con pa responde na crisis entre Aruba y e otro islanan di Caribe Hulandes. E encuentro a brinda un plataforma pa intercambio di conocimiento, experiencia y mehor practicanan den diferente area di salud publico.

Paralelamente, durante dianan 2, 3 y 4 di juni, Aruba tambe tawata anfitrion di e reunion anual di MoBoCon (Mosquito Borne Control). E proyecto aki ta reuni cada aña representantenan di e teamnan responsabel pa control di vector y mosquito na tur e islanan Hulandes. Durante tres dia, participantenan a comparti experiencia, resultado di investigacion, reto y solucionnan practico relaciona cu prevencion y control di enfermedadnan transmiti pa sangura

Parti di e programa a tuma luga den sala di reunion di Directie Volksgezondheid (DVG), unda participantenan a participa den presentacionnan y discusionnan tecnico. Y atardi, e grupo a move pa diferente locacion den comunidad pa comparti experiencia practico y observa metodonan di control di sangura na Aruba.

E dos encuentronan aki ta mustra e importancia di colaboracion regional pa fortalece preparacion y respuesta contra desafionan di salud publico cu nos region ta enfrenta. Tambe ta brinda oportunidadnan valioso pa siña for di otro, fortalece relacionnan profesional y desaroya solucionnan conhunto pa proteha salud di nos comunidadnan.

Como anfitrion di DuCaPHEN y MoBoCon 2026, Aruba ta reafirma su compromiso cu cooperacion regional, innovacion y fortalecemento continuo di salud publico na beneficio di tur habitante den Caribe Hulandes.

Bo Salud, Nos Prioridad

Pa keda semper bon informa:
✅Like nos page Directie Volksgezondheid DVG Aruba https://www.facebook.com/share/1BUf49SZUj/
✅Follow nos riba Instagram https://www.instagram.com/directie_volksgezondheid_aruba?igsh=MXA4YTMydTBjNnVyNg==
✅Check Aruba Health App
✅Subi nos website www.dvg.aw
✅Yama nos na 5224200
✅Mail nos na [email protected]
✅Check nos WhatsApp Channel https://whatsapp.com/channel/0029Vb7YnFr5vKA3Fh9vtD31
✅Join nos WhatsApp Communities https://chat.whatsapp.com/F7uEhpf8tXoLf3q91HBr5G

01/06/2026

𝗦𝘁𝗼𝗳 𝗱𝗶 𝗦𝗮𝗵𝗮𝗿𝗮 𝗹𝗼 𝗰𝗼𝗻𝘁𝗶𝗻𝘂𝗮 𝗮𝗳𝗲𝗰𝘁𝗮 𝗔𝗿𝘂𝗯𝗮 𝗺𝗮ñ𝗮𝗻 𝘁𝗮𝗺𝗯𝗲

ORANJESTAD, Aruba – 1 juni 2026: Directie Volksgezondheid (DVG) ta informa comunidad cu, si awe bo a experencia molester relaciona cu stof di Sahara y calidad di aire reduci, prediccionnan actual ta indica cu situacion similar lo continua mañan, 2 di juni 2026.

Presencia di stof di Sahara den atmosfera por causa disminucion di calidad di aire y aumenta molester cerca persona cu asma, alergia, problema respiratorio, hende di edad avansa, mucha chikito y otro grupo vulnerabel.

Sintomanan cu por presenta ta:

🤧 Tos
🤧 Nister
🤧 Irritacion di wowonan, nanishi y garganta
🤧 Dificultad pa hala rosea
🤧 Dolor di cabes of sensacion di cansancio

DVG ta recomenda comunidad pa tuma e siguiente precaucionnan:

🤧 Limita actividadnan fisico pafo, specialmente durante periodonan cu hopi stof den aire
🤧 Mantene porta y bentana sera mas hopi posibel
🤧 Usa airco of ventilacion interno si ta disponibel
🤧 Bebe suficiente awa pa mantene curpa hidrata
🤧 Evita luga cu hopi stof of biento fuerte si por
🤧 Persona cu condicion respiratorio mester tene nan medicamento cerca y sigui nan tratamento conforme indicacion medico
🤧 Busca asistencia medico si sintomanan bira severo of persisti

DVG ta sigui monitor e situacion hunto cu Meteorological Department Aruba (METEO Aruba) y lo informa comunidad si tin cambionan importante.

Bo Salud, Nos Prioridad

Pa keda semper bon informa:

Bo Salud, Nos Prioridad

Pa keda semper bon informa:
✅Like nos page Directie Volksgezondheid DVG Aruba https://www.facebook.com/share/1BUf49SZUj/
✅Follow nos riba Instagram https://www.instagram.com/directie_volksgezondheid_aruba?igsh=MXA4YTMydTBjNnVyNg==
✅Check Aruba Health App
✅Subi nos website www.dvg.aw
✅Yama nos na 5224200
✅Mail nos na [email protected]
✅Check nos WhatsApp Channel https://whatsapp.com/channel/0029Vb7YnFr5vKA3Fh9vtD31
✅Join nos WhatsApp Communities https://chat.whatsapp.com/F7uEhpf8tXoLf3q91HBr5G

Adres

Caya Ing. Roland Lacle # 4
Oranjestad

Openingstijden

Maandag	08:00 - 16:00
Dinsdag	08:00 - 16:00
Woensdag	08:00 - 16:00
Donderdag	08:00 - 16:00
Vrijdag	08:00 - 16:00

Website

http://www.dvg.aw/

Meldingen

Wees de eerste die het weet en laat ons u een e-mail sturen wanneer Directie Volksgezondheid DVG ARUBA nieuws en promoties plaatst. Uw e-mailadres wordt niet voor andere doeleinden gebruikt en u kunt zich op elk gewenst moment afmelden.