03/06/2021
Awo si a yega ora pa habri deporte completo.
Den un carta dirigi na e federacion di landamento, Aruba Aquatics Federation (AAF), Directie Volksgezondheid(DVG) a 'exigi' un lista di e cantidad di mayornan cu lo ta presente durante e 4 session nan di e competencia e fin di siman aki na Pisina Olimpico Roly Bisslik cu lo inicia awe diahuebs. E departamento di IBISA/DVG lo controla e competencia durante e weekend aki. Tambe ta mustra cu pa e atleta bou 10 aña ta 1 mayor so por ta presente.
Wel wel wel!!!! Esaki pa nos definitivamente DVG ta midi cu dos lineal. E ta imposibel pa kere cu ya ta haci 1 luna y pico cu e ultimo reglanan di protocol a wordo ahusta unda a kita entre otro samenscholing y yen otro regla y pa deporte si ta mantene esaki strak y cu carta dirigi manera ta deporte di e culpabel(keremi cu e la cuminsa sinti asina). Pisina Roly Bisslik no ta carga ni 300 hende(hera menos) pakiko no permiti tur hende drenta anto eynan exigi reglanan di mondkapje na tur momento y uso handsanitizer. E 1.5 meter ta keda un opcion ya cu no tin samenscholing, cada individuo proteha nan mes.
Dimes 4 bez pa aña tin competencia grandi di landamento, e campeonato nacional e weekend aki ta un di nan. Ki bunita momento pa e mayornan apoya nan yiu(nan). Papiando di e parti mental, nada mas dushi bo relaha e mente mirando bo yiu landa. Tanto pa e mucha como su mayaronan. A lo largo 60.000 hende ta vacuna, kizas por exigi esaki pa mustra na entrada(esnan cu no a hacie no por drenta).
Un otro punto interesante kitando e atencion di landamento ta e deporte di combate cu ta sufriendo formal. Mirando e desaroyo rond cu e nightlife(banana banana di hende) y sin lubida campaña politico(aglomeracion tot het met) ta kere cu e deporte di combate cu ta mil biaha menos cu e dos menciona merece un chens di inicia cu nan deporte bek despues di 1 anja y mei.
Corda cu esaki ta un observacion critico paso al fin al cabo, awe na Pisina Olimpico nos tin sigur cu mayornan di geel, berde, blou, biña, roos, blanco y oraño tur kier wak nan yiu competi.
Habri deporte paso nos tin sigur cu un di esnan mas disciplina ta opera e area aki.
