Ağstafa Rayon İcra Hakimiyyəti

01/06/2026

Beynəlxalq Uşaqlar Günü münasibəti ilə “1 İnci Psixoloji və Nitq Mərkəzi”ndə uşaqlar üçün ödənişsiz konsultasiyalar və diaqnostika yoxlanışları həyata keçirilib

1 İyun – Beynəlxalq Uşaqlar Günü münasibəti ilə Ağstafa şəhərində fəaliyyət göstərən “1 İnci Psixoloji və Nitq Mərkəzi”ndə uşaqlar üçün ödənişsiz loqoped, psixoloq konsultasiyalar, refleksoloq müayinəsi, erkən inkişaf və diaqnostika yoxlanışları həyata keçirilib. Aksiyadan yüzdən çox uşaq, o cümlədən şəhid və qazilərimizin övladları yararlanıblar.
Tədbirdə Ağstafa Rayon İcra Hakimiyyəti başçısının müavini – Ərazi-təşkilat və ictimai-siyasi məsələlər şöbəsinin müdiri Lalə Eyyubova, “1 İnci Psixoloji və Nitq Mərkəzi”inin direktoru Musa Nəsibov və digərləri çıxış edərək aksiyanın yüksək əhəmiyyətindən söz açıblar. Qeyd olunub ki, suveren Azərbaycanın tərəqqisi, qalib xalqımızın firəvanlığı məqsədi ilə Ulu Öndər Heydər Əliyevin müəyyənləşdirdiyi siyasət ölkəmizdə gələcəyin vətənpərvər, yüksək zəkalı, intellektual gəncliyi olacaq bugünkü uşaqların xoşbəxt həyatının, təlim-tərbiyəsinin, fiziki-mənəvi sağlamlığının müdafiəsinə yönəlib. Hazırda Prezident İlham Əliyev və Birinci vitse-prezident Mehriban Əliyeva tərəfindən cəmiyyətin həssas və kövrək təbəqəsi olan uşaqlara dövlətimizin diqqət və qayğısı günbəgün daha da yüksəlir.

01/06/2026

Bu il də 1 İyun - Uşaqların Beynəlxalq Müdafiəsi Günü Ağstafada geniş bayram tədbiri ilə qeyd olunub

Bu gün ilk dəfə 1950-ci ildən etibarən bütün dünyada qeyd olunmağa başlayan Uşaqların Beynəlxalq Müdafiəsi Günüdür. Ölkəmizin hər yerində olduğu kimi, Ağstafada da bu əlamətdar gün uşaqlar üçün təşkil olunmuş geniş bayram tədbiri ilə qeyd olunub. Həsənsu kənd tam orta məktəbin akt zalında keçirilən bayram tədbirində Ağstafa Rayon İcra Hakimiyyətinin başçısı Seymur Orucov, rayonun rəhbər şəxsləri, şəhid və qazi ailələrinin üzvləri, eləcə də ictimaiyyət nümayəndələri iştirak ediblər.
Əvvəlcə Dövlət Himnimiz səsləndirilib, Ümummilli Lider Heydər Əliyevin və Vətən uğrunda canlarını fəda edən şəhidlərimizin əziz xatirələri bir dəqiqəlik sükutla yad edilib.
Rayonun məktəbəqədər və tam orta təhsil müəssisələrinin uşaqlarının təqdimatında nümayiş etdirilən sevimli nağıllardan səhnəciklər, şeir kompozisiyaları, oxunan nəğmələr tamaşıçalar tərəfindən rəğbətlə qarşılanıb. Həmçinin məktəb binasının foyesində istedadlı uşaqların əl işlərindən ibarət təşkil olunmuş sərgidə böyük marağa səbəb olub.
Qeyd olunub ki, əsası Ulu Öndər Heydər Əliyev tərəfindən qoyulmuş dövlət uşaq siyasəti də bu gün Prezident İlham Əliyev və Birinci vitse-prezident Mehriban Əliyeva tərəfindən uğurla davam etdirilir. Ölkəmizin gələcəyi hesab olunan uşaqların sağlam, təhlükəsiz və xoşbəxt böyümələri üçün dövlətimiz tərəfindən müxtəlif qanunlar, proqramlar qəbul olunur və sosial layihələr həyata keçirilir.
Bayram tədbirinin sonunda uşaqlarla xatirə şəkilləri çəkdirilib.

01/06/2026

https://www.facebook.com/PresidentIlhamAliyev/posts/pfbid022LDux7dPruL6gSmYRGgEQTUVotGaYNhadbs8h21KcjejSMzyLMsDPdbPuPKf1icml

Əziz övladlar! 1 İyun - Uşaqların Beynəlxalq Müdafiəsi Günü münasibətilə hər birinizi təbrik edir, hamınıza cansağlığı və xoşbəxtlik arzulayıram.

01/06/2026

https://www.facebook.com/FirstvicepresidentofAzerbaijanOfficial/posts/pfbid02G9iWMVdPAWN6zSVh6fpAB7LxHDx4tqgnKjHbpMGD5wCP5tyrTvibv3pCbAsFyp5rl

27/05/2026

https://www.facebook.com/share/p/1GZyst47v6/

28 May - Azərbaycanın Müstəqillik Günü

27/05/2026

Qurban bayramı günlərində Ağstafada sakinlərə qurbanlıq heyvanların satışı və kəsimi xidmətləri müvafiq norma və qaydalara uyğun təşkil olunur

Ölkəmizin hər yerində olduğu kimi, Ağstafa rayonunda da 27-28 may, Qurban bayramı günlərində əhalinin təhlükəsiz ət və ət məhsulları ilə təmin olunması, həmçinin qurbanlıq heyvanların satışı və kəsiminin müvafiq norma və qaydalara uyğun şəkildə təşkili məqsədilə bütün zəruri tədbirlər icra olunur. Ağstafa Rayon İcra Hakimiyyətinin başçısı Seymur Orucov məsul şəxslərlə birlikdə rayon üzrə Həsənsu kəndində fəaliyyət göstərən heyvanların satışı və kəsimi yerinə baş çəkib, orada əhaliyə göstərilən xidmətlərin yüksək səviyyədə təşkilinə dair aidiyyəti üzrə müvafiq tapşırıq və tövsiyələrini verib.
Bir daha müsəlmanlarının mənəvi birlik və həmrəylik rəmzi olan müqəddəs Qurban bayramı günlərində etdiyiniz duaların, kəsdiyiniz qurbanların Tanrı dərgahında qəbul olunmasını arzu edirik.

27/05/2026

https://www.facebook.com/share/p/1AERuAJ671/

26/05/2026

https://www.facebook.com/share/p/1NiVT61PgU/

Hörmətli həmvətənlər!

Sizi və Azərbaycanın hüdudlarından kənarda yaşayan bütün soydaşlarımızı müqəddəs Qurban bayramı münasibətilə ürəkdən təbrik edir, hər birinizə ən səmimi arzularımı yetirirəm.

İslamın sonuncu səmavi din və mənəvi-əxlaqi qurtuluş yolu olaraq bəşəriyyətə göndərilməsini təcəssüm etdirən Qurban bayramı günlərində milyonlarla müsəlman Həcc ziyarətində bir araya gəlir, birlik və bərabərliyin, nəcib amallar uğrunda hər cür fədakarlığa hazır olmanın qürur və sevincini yaşayır.

Hər il ölkəmizdə ümumxalq bayramı kimi qeyd olunan Qurban mərasimləri insanlar arasında həmrəylik, humanizm və mərhəmət duyğularını daha da gücləndirir, cəmiyyətimizdə milli-mənəvi dəyərlərə bağlılığın, xeyirxah əməllərin təntənəsinə çevrilir.

Əziz bacı və qardaşlarım!

Bu mübarək günlərdə şəhidlərimizin ölməz xatirəsini bir daha minnətdarlıqla yad edir, xalqımızın və dövlətimizin əmin-amanlığı naminə etdiyiniz duaların Tanrı dərgahında qəbul olunması diləyi ilə ailələrinizə xoşbəxtlik, süfrələrinizə bol ruzi və bərəkət arzulayıram.

Qurban bayramınız mübarək olsun!

26/05/2026

https://azertag.az/xeber/prezident_ilham_aliyev_qurban_bayrami_munasibetile_azerbaycan_xalqini_tebrik_edib-4226211

Prezident İlham Əliyev Qurban bayramı münasibətilə Azərbaycan xalqını təbrik edib

Bakı, 26 may, AZƏRTAC

Prezident İlham Əliyev Azərbaycan xalqını və respublikamızın hüdudlarından kənarda yaşayan bütün soydaşlarımızı müqəddəs Qurban bayramı münasibətilə təbrik edib.

AZƏRTAC xəbər verir ki, dövlətimizin başçısı təbrikində bildirib: “İslamın sonuncu səmavi din və mənəvi-əxlaqi qurtuluş yolu olaraq bəşəriyyətə göndərilməsini təcəssüm etdirən Qurban bayramı günlərində milyonlarla müsəlman Həcc ziyarətində bir araya gəlir, birlik və bərabərliyin, nəcib amallar uğrunda hər cür fədakarlığa hazır olmanın qürur və sevincini yaşayır”.

Azərbaycan Prezidenti qeyd edib ki, hər il ölkəmizdə ümumxalq bayramı kimi qeyd olunan Qurban mərasimləri insanlar arasında həmrəylik, humanizm və mərhəmət duyğularını daha da gücləndirir, cəmiyyətimizdə milli-mənəvi dəyərlərə bağlılığın, xeyirxah əməllərin təntənəsinə çevrilir.

Prezident İlham Əliyev təbrikində şəhidlərimizin ölməz xatirəsini minnətdarlıqla yad edib, xalqımızın və dövlətimizin əmin-amanlığı naminə edilən duaların Tanrı dərgahında qəbul olunması diləyi ilə ailələrə xoşbəxtlik, süfrələrə bol ruzi və bərəkət arzulayıb.

25/05/2026

https://www.facebook.com/reel/1001658249503243