Babək Rayon İcra Hakimiyyəti

Babək Rayon İcra Hakimiyyəti Heydər Əliyev, Babək, AZ6700 Mərkəzi Babək şəhəridir. Rayonda 1 şəhər, 2 qəsəbə, 33 kənd vardır. Rayonun ən yüksək zirvəsi Buzqov dağıdır (2475 m).

Babək rayonu - 23 oktyabr 1978-ci ildə rayon kimi təşkil olunmuşdur. Şimal-qərbdə Ermənistan, cənubda İranla həmsərhəddir. Ərazisi 828,42 km2, əhalisi 78121 min nəfərdir (01.01.2025 ci il). Rayon ərazisi Zəngəzur, Dərələyəz dağ silsilələrinin təpələri, Naxçıvan və Gülüstan düzənliklərindən ibarətdir. Yayı quraq keçən soyuq yarımsəhra, quru çöl və qışı quraq keçən soyuq iqlim tipinə malikdir. Rayo

n mineral sularla zəngindir. Sirab mineral su bulağı bütün dünyada məşhurdur. Ərazisindən Araz, Naxçıvançay və s. çaylar axır. Rayonda Uzunoba, Nehrəm, Sirab, Cəhri, Qahab su anbarları və suvarma kanalları vardır. Əsasən kənd təsərrüfatı rayonudur. Rayonda 36 ümumtəhsil məktəbi, 5 məktəbdənkənar və 1 məktəbəqədər təhsil müəssisəsi, 36 kitabxana, 1 Mədəniyyət sarayı, 16 mədəniyyət evi, 12 klub, 1 xalq teatrı, 2 muzey, 4 uşaq musiqi məktəbi və 1 incəsənət məktəbi fəaliyyət göstərir; səhiyyə sahəsində isə 1 xəstəxana (PHŞ), 6 Ailə Sağlamlıq Mərkəzi, 28 tibb məntəqəsi və 1 İctimai Səhiyyə Xidməti İdarəsi – Naxçıvan Regional Mərkəzi fəaliyyət göstərir. Babək rayonu ərazisindən keçən avtomobil yolları respublika əhəmiyyətli və yerli əhəmiyyətli yollara aiddir. Respublika əhəmiyyətli yollar 42 km, yerli əhəmiyyətli yollar isə 166 km-dir. Rayon ərazisindən Ordubad-Şərur dəmir yolu keçir. Babək rayonunun ərazisi daş, duz, tikinti materialları və minerallar ilə zəngindir. Mineral bulaqlardan Sirab, Vayxır, Cəhri və başqalarına bu bölgədə rast gəlinir. Rayonda fauna və flora aləmi də zəngindir. Araz su qovşağının su anbarında müxtəlif növ balıqlar vardır. Tarixi və memarlıq abidələri - Babək rayonunun ərazisi tarixi arxeoloji abidələrlə zəngindir. Buranın təbii coğrafi mövqeyi rayonda əkinçi-maldar tayfaların qədim dövrlərdən məskunlaşmasına və uzun müddət yaşamasına şərait yaratmışdır. I Kültəpə və II Kültəpə kimi dünya miqyaslı abidələr Babək rayonu ərazisindədir. Bununla yanaşı rayonda Çalxanqala arxeoloji abidəsi, Abbasabad qalası mövcud olmuşdur və Nehrəm İmamzadəsi mədəniyyət abidəsi vardır. Bundan başqa rayon ərazisində elmi əhəmiyyətə malik Eneolit, Tunc, Dəmir dövrünə və Antik dövrə aid arxeoloji abidələr, qədim duzdağ yatağı, orta əsrlərə aid yaşayış yerləri, nekropollar, maddi mədəniyyət qalıqları və onlarla digər arxeoloji, tarixi, memarlıq abidəsi, zəngin materiallar aşkara çıxarılmış və tədqiq edilmişdir. Son illər rayonun Çeşməbasar kəndində "Heydər" məscidi, Babək şəhərində, Nehrəm, Cəhri qəsəbələrində, Şıxmahmud, Qahab, Zeynəddin və Sirab kəndlərində memarlıq baxımından gözəl məscidlər inşa edilmişdir. Rayonun mərkəzində Babəkin heykəli, "Şəhidlərin abidə kompleksi", “İkinci Dünya Müharibəsi iştirakçılarının xatirəsinə abidə ucaldılmış, Nehrəm qəsəbəsində "Şəhidlər abidə kompleksi" ucaldılmış, Zeynəddin kəndində “Şəhidlər” xatirə kompleksi ucaldılmış, Kültəpə kənd tam orta məktəbinin həyətində şəhid Həsən Şahverdiyevin büstü qoyulmuş və Nehrəm qəsəbəsində Heydər Parkı salınmışdır. Son dövrlərdə rayonun ərazisində olan tarixi və memarlıq abidələrinin təmiri və bərpası istiqamətində müəyyən işlər görülmüşdür. Rayon mərkəzində Ümummilli Lider Heydər Əliyevin abidəsi ucaldılmışdır.

Şəhid anasının doğum günü münasibətilə ailəsi ziyarət olunubŞəhid Cəfərov Cəfər İbrahim oğlunun anası Cəfərova Familə Hü...
04/09/2026

Şəhid anasının doğum günü münasibətilə ailəsi ziyarət olunub

Şəhid Cəfərov Cəfər İbrahim oğlunun anası Cəfərova Familə Hüseyn qızı 69 yaşı münasibətilə yaşadığı evdə ziyarət olunub.

Ziyarət zamanı Babək Rayon İcra Hakimiyyəti başçısının müavini Səbinə Abbasova şəhid anasını doğum günü münasibətilə təbrik edib, ona möhkəm cansağlığı, uzun ömür və ailə səadəti arzulayıb.

Səmimi söhbət zamanı şəhid Cəfər Cəfərovun əziz xatirəsi ehtiramla yad edilib, onun Vətən qarşısındakı xidmətlərindən və keçdiyi şərəfli döyüş yolundan danışılıb. Bildirilib ki, Vətənin müdafiəsi, Azərbaycanın ərazi bütövlüyü və suverenliyi uğrunda canından keçən şəhidlərimizin qəhrəmanlığı xalqımızın yaddaşında daim yaşayır.

Söhbət zamanı şəhid ailəsinin qayğıları ilə maraqlanılıb. Familə Cəfərova doğum günündə göstərilən diqqətə, şəhidlərin xatirəsinə və onların ailələrinə göstərilən hörmət və qayğıya görə minnətdarlığını bildirib.

Zeynəddin kəndində sülh və həmrəylik mövzusunda maarifləndirici tədbir keçirilibBabək rayonunun Zeynəddin kəndində “Sülh...
04/09/2026

Zeynəddin kəndində sülh və həmrəylik mövzusunda maarifləndirici tədbir keçirilib

Babək rayonunun Zeynəddin kəndində “Sülh Aylığı” çərçivəsində “Sülhə gedən yol həmrəylikdən keçir” mövzusunda maarifləndirici tədbir keçirilib.

Babək Rayon İcra Hakimiyyətinin ictimai-siyasi və humanitar məsələlər sektorunun müdiri Şahin Şirzadov, Zeynəddin kənd inzibati ərazi dairəsi üzrə nümayəndə Əyyub Məmmədov və Zeynəddin kənd musiqi məktəbinin direktoru İntizar Məmmədova mövzu ilə bağlı çıxış ediblər.

Çıxışlarda sülhün cəmiyyətin sabit inkişafı, insanların təhlükəsiz və firavan həyatı üçün mühüm əhəmiyyət daşıdığı bildirilib. Azərbaycanın ərazi bütövlüyü və suverenliyinin bərpasında xalqımızın birliyi və həmrəyliyinin, Prezident İlham Əliyevin rəhbərliyi ilə həyata keçirilən qətiyyətli siyasətin mühüm rolu vurğulanıb.

Eyni zamanda, regionda davamlı sülh və sabitliyin qorunmasında qarşılıqlı anlaşma və həmrəyliyin əhəmiyyətindən bəhs olunub. Gənc nəslin sülh, dostluq və qarşılıqlı hörmət dəyərləri ruhunda yetişdirilməsinin vacibliyi diqqətə çatdırılıb.

Sonda mövzu ətrafında fikir mübadiləsi aparılıb, iştirakçıların sualları cavablandırılıb.

02/09/2026

Tarixi qərardan müstəqil Azərbaycanın gələcəyinə uzanan yol

1991-ci il sentyabrın 3-də Ümummilli Lider Heydər Əliyevin Naxçıvan Muxtar Respublikası Ali Məclisinin Sədri seçilməsi xalqın böyük etimadının ifadəsi olmaqla yanaşı, Azərbaycanın dövlətçilik tarixində yeni mərhələnin əsasını qoydu.

Mürəkkəb siyasi şəraitin və ağır blokadanın hökm sürdüyü həmin illərdə Naxçıvanda milli maraqlara söykənən qətiyyətli siyasi xətt həyata keçirildi, muxtar respublikanın təhlükəsizliyinin qorunması və insanların üzləşdiyi çətinliklərin aradan qaldırılması istiqamətində mühüm addımlar atıldı.

Naxçıvanda həyata keçirilən bu siyasət sonralar bütün ölkə miqyasında davam etdirilərək müstəqil Azərbaycanın möhkəmlənməsində mühüm rol oynadı.

3 sentyabr tarixi bu baxımdan xalqın Ümummilli Liderə etimadının və böyük dövlətçilik yolunun mühüm səhifələrindən biri kimi tarixə həkk olunub.

3 sentyabr 1991-ci il – Naxçıvandan başlayan müstəqillik və dövlətçilik yolu3 sentyabr 1991-ci il Azərbaycanın müasir dö...
02/09/2026

3 sentyabr 1991-ci il – Naxçıvandan başlayan müstəqillik və dövlətçilik yolu

3 sentyabr 1991-ci il Azərbaycanın müasir dövlətçilik tarixində mühüm yer tutan əlamətdar günlərdən biridir. Məhz həmin gün Ümummilli Lider Heydər Əliyev Naxçıvan Muxtar Respublikası Ali Məclisinin Sədri seçilib. Bu tarixi hadisə təkcə Naxçıvanın deyil, bütövlükdə Azərbaycanın gələcək siyasi taleyində mühüm mərhələnin başlanğıcı olub.

Həmin dövrdə Naxçıvan ağır blokada şəraitində yaşayır, Ermənistanın siyasi və hərbi təzyiqləri ilə üzləşirdi. Belə mürəkkəb bir zamanda Heydər Əliyevin 1990-cı il iyulun 22-də Naxçıvana qayıdışı xalqda böyük ümid yaratmışdı. Qısa müddət sonra keçirilən seçkilərdə Azərbaycan və Naxçıvan parlamentlərinə deputat seçilməsi onun siyasi fəaliyyətinin yeni mərhələsini başlatdı.

Ümummilli Liderin Naxçıvandakı fəaliyyəti milli dövlətçiliyin bərpası istiqamətində mühüm qərarlarla yadda qaldı. 1990-cı il noyabrın 17-də onun sədrliyi ilə keçirilən sessiyada “sovet sosialist” sözləri muxtar respublikanın adından çıxarıldı, Azərbaycan Xalq Cümhuriyyətinin üçrəngli bayrağı Naxçıvan parlamentində qaldırıldı və onun Azərbaycanın rəsmi dövlət bayrağı kimi qəbul edilməsi üçün vəsatət irəli sürüldü. 1991-ci ildə Sovet İttifaqının saxlanılması ilə bağlı referendumun Naxçıvanda boykot edilməsi də milli dövlətçilik iradəsinin mühüm ifadələrindən biri oldu.

Heydər Əliyevin 3 sentyabr 1991-ci ildə Naxçıvan Muxtar Respublikası Ali Məclisinin Sədri seçilməsi bu siyasi xəttin daha ardıcıl həyata keçirilməsinə imkan yaratdı. Cəmi dörd gün sonra – sentyabrın 7-də Naxçıvan Muxtar Respublikası Dövlət Müdafiə Komitəsinin yaradılması haqqında qərar qəbul edildi. Sonrakı dövrdə muxtar respublikanın müdafiə imkanlarının gücləndirilməsi, milli ordu birləşmələrinin yaradılması və Naxçıvanın təhlükəsizliyinin qorunması istiqamətində mühüm addımlar atıldı.

Eyni zamanda, ağır blokada şəraitində iqtisadiyyatın dirçəldilməsi, kənd təsərrüfatında islahatların aparılması, Türkiyə və İranla əlaqələrin genişləndirilməsi istiqamətində mühüm tədbirlər həyata keçirildi. 1992-ci ildə qonşu dövlətlərlə qurulan münasibətlər Naxçıvanın xarici əlaqələrinin və iqtisadi imkanlarının genişlənməsində mühüm rol oynadı.

1991–1993-cü illərdə Naxçıvan Azərbaycanda müstəqil dövlətçilik ənənələrinin formalaşdığı mühüm siyasi mərkəzə çevrildi. Müstəqil Azərbaycanın dövlətçilik sisteminin əsas istiqamətlərinin müəyyənləşdirilməsində həmin dövrdə Naxçıvanda qəbul edilən qərarlar xüsusi rol oynadı.

Ümummilli Liderin Naxçıvanda başladığı siyasi və dövlətçilik missiyası 1993-cü ildə xalqın təkidli tələbi ilə ölkə rəhbərliyinə qayıdışından sonra bütün Azərbaycan miqyasında davam etdi. Ölkədə sabitliyin təmin olunması, müasir dövlət idarəçiliyinin formalaşdırılması və Azərbaycanın inkişaf yoluna çıxması bu siyasi xəttin mühüm nəticələrinə çevrildi.

Bu gün Ümummilli Lider Heydər Əliyevin müəyyənləşdirdiyi dövlətçilik yolu Prezident İlham Əliyevin rəhbərliyi ilə uğurla davam etdirilir. 3 sentyabr 1991-ci il isə Naxçıvandan başlayan və müstəqil Azərbaycanın gələcək inkişaf yolunun müəyyənləşməsində mühüm rol oynayan tarixi mərhələ kimi yaddaşlarda yaşayır.

Şəhidimizin əmanəti doğum günündə ziyarət olunubŞəhid Novruzlu Ümid Bahadur oğlunun qızı Novruzlu Nilay Ümid qızı 10 yaş...
02/09/2026

Şəhidimizin əmanəti doğum günündə ziyarət olunub

Şəhid Novruzlu Ümid Bahadur oğlunun qızı Novruzlu Nilay Ümid qızı 10 yaşı münasibətilə yaşadığı evdə ziyarət olunub.

Ziyarət zamanı Babək Rayon İcra Hakimiyyətinin başçısı Ovni Muradov şəhid övladını doğum günü münasibətilə təbrik edib, ona möhkəm cansağlığı, xoşbəxt uşaqlıq, təhsilində uğurlar və işıqlı gələcək arzulayıb. Bildirib ki, şəhidlərimizin övladları xalqımız üçün doğma və əzizdir, onların hərtərəfli qayğı ilə əhatə olunması daim diqqətdə saxlanılır. Nilayın gələcəkdə savadlı, vətənpərvər və ölkəmizə layiqli bir gənc kimi yetişməsini arzulayıb.

Ziyarətdə iştirak edən Yeni Azərbaycan Partiyası Babək rayon təşkilatının sədri İsa Məmmədov da Nilayı doğum günü münasibətilə təbrik edib, ona sağlam, xoşbəxt və uğurlu gələcək arzulayıb. Bildirib ki, şəhidlərimizin ailələrinə və övladlarına diqqət göstərmək, onların yanında olmaq hər birimizin mənəvi borcudur.

Səmimi söhbət zamanı şəhid Novruzlu Ümid Bahadur oğlunun əziz xatirəsi ehtiramla yad edilib, onun Vətən qarşısındakı xidmətlərindən və göstərdiyi qəhrəmanlıqdan danışılıb.

Bildirilib ki, Vətənin azadlığı, ərazi bütövlüyü və suverenliyi uğrunda canından keçən şəhidlərimizin ailələri və övladları dövlətimizin daim diqqət və qayğısı ilə əhatə olunur. Ulu Öndər Heydər Əliyevin əsasını qoyduğu bu siyasət Prezident İlham Əliyevin rəhbərliyi ilə ardıcıl şəkildə həyata keçirilir.

Vurğulanıb ki, şəhidlərimizin qəhrəmanlığı heç zaman unudulmayacaq, onların əziz xatirəsi xalqımızın qəlbində daim yaşayacaq.

Sirab kəndində “Sülh və insan hüquqları” mövzusunda tədbir keçirilibBabək rayonunun Sirab kəndində “Sülh Aylığı” çərçivə...
02/09/2026

Sirab kəndində “Sülh və insan hüquqları” mövzusunda tədbir keçirilib

Babək rayonunun Sirab kəndində “Sülh Aylığı” çərçivəsində “Sülh və insan hüquqları” mövzusunda maarifləndirici tədbir keçirilib.

Tədbirdə sülhün qorunmasının, insan hüquq və azadlıqlarına hörmətin, cəmiyyətdə qarşılıqlı anlaşma və həmrəyliyin əhəmiyyəti barədə ətraflı məlumat verilib. Azərbaycanın uzun illər üzləşdiyi münaqişə və müharibə reallıqlarından, ölkəmizin ərazi bütövlüyünün və suverenliyinin bərpasından, postmüharibə dövründə regionda davamlı sülhün təmin olunması istiqamətində görülən işlərdən bəhs olunub.

Çıxışlarda Azərbaycan Respublikasının Prezidenti İlham Əliyevin qətiyyətli siyasi mövqeyinin və prinsipial çıxışlarının ölkəmizin milli maraqlarının müdafiəsində, ədalətin və sülhün təmin olunmasında mühüm rol oynadığı vurğulanıb.

Tədbirdə Babək Rayon İcra Hakimiyyətinin ictimai-siyasi və humanitar məsələlər sektorunun müdiri Şahin Şirzadov, Sirab kənd icra nümayəndəsi Rüfan Orucov, Sirab kənd tam orta məktəbinin əməkdaşları Əli İsmayılov və Səkinə Ələkbərova çıxış ediblər.

Çıxışlarda insan hüquqlarının mahiyyəti, hər bir şəxsin hüquq və azadlıqlarına hörmətlə yanaşılmasının vacibliyi, eləcə də gənc nəslin sülh və humanizm dəyərləri ruhunda tərbiyə olunmasının əhəmiyyəti diqqətə çatdırılıb.

Sonda mövzu ətrafında fikir mübadiləsi aparılıb, iştirakçıların sualları cavablandırılıb.

“Mina problemi daha güclü beynəlxalq həmrəylik tələb edir”Azərbaycan Respublikasının Prezidenti İlham Əliyev “Şəhərlərin...
02/09/2026

“Mina problemi daha güclü beynəlxalq həmrəylik tələb edir”

Azərbaycan Respublikasının Prezidenti İlham Əliyev “Şəhərlərin bərpası üçün humanitar minatəmizləmə: Təhlükəsiz yaşayış məskənləri üçün mükəmməllik standartlarının müəyyənləşdirilməsi” mövzusunda 4-cü Beynəlxalq Minatəmizləmə Konfransının iştirakçılarına müraciət edib.

Dövlətimizin başçısı müraciətində minaların və partlamamış hərbi sursatların dünyanın bir çox ölkələrində insan həyatı və təhlükəsizliyi üçün ciddi təhdid olaraq qaldığını bildirib. Qeyd olunub ki, münaqişələr başa çatdıqdan uzun illər sonra belə partlayıcı sursatlar insanların həyatını itirməsinə və yaralanmasına, infrastrukturun zədələnməsinə, yenidənqurma və inkişaf layihələrinin ləngiməsinə səbəb olur. Bu baxımdan humanitar minatəmizləmə təhlükəsiz yaşayış məskənlərinin yaradılmasının əsas şərtlərindən biridir.

Prezident İlham Əliyev Azərbaycanın bu problemin ən ağır təzahürlərindən biri ilə üzləşdiyini diqqətə çatdırıb. Ermənistanın Azərbaycan ərazilərini təxminən 30 il işğal altında saxlaması nəticəsində ölkəmiz dünyanın mina ilə ən çox çirklənmiş ölkələrindən birinə çevrilib. İlkin hesablamalara görə, Azərbaycan ərazisinin 13 faizindən çoxu mina və partlamamış sursatların təsirinə məruz qalıb. Qarabağ və Şərqi Zəngəzurun azad edilmiş ərazilərində mövcud mina təhlükəsi yenidənqurma işlərinə, iqtisadi fəaliyyətə, təhlükəsiz hərəkətə və keçmiş məcburi köçkünlərin doğma torpaqlarına qayıdışına ciddi maneə yaradır.

Dövlətimizin başçısı mina terrorunun ağır nəticələrini əks etdirən statistik göstəriciləri də diqqətə çatdırıb. Bildirilib ki, Vətən müharibəsinin başa çatdığı 2020-ci ildən indiyədək mülki şəxslər, hərbçilər, minaaxtaranlar, jurnalistlər və yenidənqurma işlərində iştirak edən şəxslər də daxil olmaqla, 437 Azərbaycan vətəndaşı mina və partlayıcı sursat hadisələrinin qurbanı olub. Onlardan 73 nəfər həyatını itirib, 364 nəfər ağır yaralanıb. Ümumilikdə isə Ermənistanın Azərbaycana qarşı təcavüzünün başlanmasından indiyədək 3 min 500-dən çox vətəndaşımız minalardan zərər çəkib.

Prezident İlham Əliyev Ermənistan tərəfindən təqdim edilən minalanmış sahələrin xəritələrinin əsasən qeyri-dəqiq və natamam olduğunu bildirib. Minaların yalnız keçmiş hərbi mövqelərdə deyil, yollar boyunca, yaşayış məntəqələrinin yaxınlığında, qəbiristanlıqlarda, kənd təsərrüfatı torpaqlarında, meşələrdə, çay sahillərində və digər mülki ərazilərdə də aşkar edildiyi vurğulanıb.

Bütün bu çətinliklərə baxmayaraq, Azərbaycan azad edilmiş ərazilərin minalardan təmizlənməsi istiqamətində genişmiqyaslı fəaliyyət həyata keçirir. Dövlətimizin başçısı bildirib ki, bu günədək 298 min hektardan çox ərazi təmizlənib, 260 min 147 mina və partlamamış hərbi sursat aşkar edilərək zərərsizləşdirilib. Minatəmizləmə əməliyyatlarının sürətinin, təhlükəsizliyinin və səmərəliliyinin artırılması məqsədilə qabaqcıl texnologiyalar, innovativ yanaşmalar və müasir idarəetmə sistemləri tətbiq olunur.

Müraciətdə humanitar minatəmizləmənin Böyük Qayıdış Proqramının həyata keçirilməsi ilə birbaşa bağlı olduğu da xüsusi vurğulanıb. İşğal zamanı dağıdılmış şəhər və kəndlərin yenidən qurulması, yolların, tunellərin, hava limanlarının, enerji obyektlərinin, məktəblərin, xəstəxanaların və yaşayış məntəqələrinin yaradılması minatəmizləmə fəaliyyəti ilə əlaqəli şəkildə həyata keçirilir. Artıq təxminən 40 min keçmiş məcburi köçkün doğma torpaqlarına qayıdıb, Qarabağ və Şərqi Zəngəzurda yaşayan insanların ümumi sayı isə 90 mini ötüb.

Prezident İlham Əliyev Azərbaycanın humanitar minatəmizləmə, yenidənqurma, şəhərsalma, infrastrukturun inkişafı, ətraf mühitin bərpası, rəqəmsal həllər və keçmiş məcburi köçkünlərin geri qayıdışını vahid çərçivədə birləşdirən münaqişədən sonrakı bərpa modelini formalaşdırdığını bildirib. Azərbaycanın əldə etdiyi təcrübəni oxşar problemlərlə üzləşən ölkə və regionlarla bölüşməyə hazır olduğu qeyd edilib.

Dövlətimizin başçısı mina probleminin miqyasının daha güclü beynəlxalq həmrəylik və praktik dəstək tələb etdiyini vurğulayıb. Azərbaycan həm humanitar minatəmizləmə, həm də azad edilmiş ərazilərdə aparılan genişmiqyaslı yenidənqurma və bərpa prosesinin əsas yükünü öz milli resursları hesabına həyata keçirir. Bununla yanaşı, beynəlxalq ictimaiyyətin maliyyə, müasir avadanlıq, texniki bilik, təlim, texnologiyaların transferi və uzunmüddətli tərəfdaşlıq istiqamətlərində daha fəal iştirakı minatəmizləmə prosesinin sürətləndirilməsi baxımından mühüm əhəmiyyət daşıyır.

Prezident İlham Əliyev əminliyini ifadə edib ki, 4-cü Beynəlxalq Minatəmizləmə Konfransı açıq dialoq, təcrübə mübadiləsi və praktiki əməkdaşlığın inkişafına, beynəlxalq minatəmizləmə standartlarının gücləndirilməsinə, eləcə də təhlükəsiz və dayanıqlı yaşayış məskənlərinin yaradılması istiqamətində ümumi məqsədlərə nail olunmasına mühüm töhfə verəcək.

‼️ Naxçıvan Muxtar Respublikasının əmək və əhalinin sosial müdafiəsi naziri Fərid Bağırzadə sentyabrın 7-də Babək rayonu...
02/09/2026

‼️ Naxçıvan Muxtar Respublikasının əmək və əhalinin sosial müdafiəsi naziri Fərid Bağırzadə sentyabrın 7-də Babək rayonunda vətəndaşları qəbul edəcək.

Vətəndaşlar 2–4 sentyabr tarixlərində Nazirliyin [email protected] elektron poçt ünvanına rəsmi müraciət edərək qəbula yazıla bilərlər.

01/09/2026

Prezident İlham Əliyevin Qırğızıstana işgüzar səfəri (31.08-01.09.2026)

Prezident İlham Əliyev: Cənubi Qafqaz bölgəsi sülh zonasına çevrilməkdədirSentyabrın 1-də Qırğız Respublikasının paytaxt...
01/09/2026

Prezident İlham Əliyev: Cənubi Qafqaz bölgəsi sülh zonasına çevrilməkdədir

Sentyabrın 1-də Qırğız Respublikasının paytaxtı Bişkek şəhərində “ŞƏT plyus” formatında görüş keçirilib.

Azərbaycan Respublikasının Prezidenti İlham Əliyev görüşdə iştirak edib. “Irıs Ordo” Konqres Mərkəzində Qırğız Respublikasının Prezidenti Sadır Japarov Prezident İlham Əliyevi, digər dövlət və hökumət başçılarını qarşılayıb. Görüş iştirakçılarının birgə fotosu çəkilib.

Dövlətimizin başçısı tədbirdə çıxış edərək Azərbaycan-Qırğızıstan münasibətlərindən, Cənubi Qafqazda yaranmış yeni sülh şəraitindən, Azərbaycan-Ermənistan münasibətlərinin normallaşdırılması istiqamətində görülən işlərdən və beynəlxalq münasibətlərdə çoxtərəflilik prinsiplərinin əhəmiyyətindən danışıb.

Prezident İlham Əliyev bildirib ki, bir ildən bir az çox müddət əvvəl Azərbaycan və Ermənistan sülh sazişinin mətnini paraflayaraq 30 illik münaqişəyə son qoyublar. Dövlətimizin başçısı vurğulayıb ki, bununla da uzun illər münaqişə zonası olmuş Cənubi Qafqaz bölgəsi sülh zonasına çevrilməkdədir.

Prezident qeyd edib ki, Azərbaycan artıq Ermənistana neft məhsulları tədarük edir və üçüncü ölkələrin yüklərinin tranzitini təmin edir. Eyni zamanda, Ermənistanla qarşılıqlı ticarətin həcminin artırılması, məhsul çeşidinin genişləndirilməsi və yeni yerüstü nəqliyyat kommunikasiyalarının yaradılması istiqamətində iş aparılır.

Dövlətimizin başçısı Azərbaycanın öz suverenliyini və ərazi bütövlüyünü tamamilə özü bərpa etdiyini diqqətə çatdıraraq BMT Təhlükəsizlik Şurasının qətnamələrinin qısa müddətdə icrası üçün müvafiq mexanizmlərin hazırlanmasının vacibliyini vurğulayıb.

Prezident İlham Əliyev Azərbaycanın bundan sonra da beynəlxalq məsələlərdə çoxtərəflilik prinsiplərinin möhkəmləndirilməsinə öz töhfəsini verəcəyini bildirib.

Address

Babək şəhəri, H. Əliyev Prospekti 1
Babekskiy
AZ6700;NAXÇIVANMUXTARRESPUBLIKASI,BABƏKŞƏHƏRI

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00

Telephone

+994365413041

Website

Alerts

Be the first to know and let us send you an email when Babək Rayon İcra Hakimiyyəti posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Babək Rayon İcra Hakimiyyəti:

Shortcuts

Share

Category