28/05/2026
28 May – Müstəqillik Günü yalnız tarix deyil, xalqımızın azadlıq ruhunun, milli iradəsinin və sarsılmaz dövlətçilik ənənəsinin təntənəsidir. Bu müqəddəs gün Azərbaycan xalqının əsrlər boyu yaşatdığı azadlıq amalının zəfərə çevrildiyi şərəfli bir gündür.
“Dayaq Vətən Müharibəsi Əlillərinə və Şəhid Ailələrinə Dəstək " Təşkilatı olaraq, xalqımızı bu böyük və əlamətdar gün münasibətilə səmimi qəlbdən təbrik edir, hər bir vətəndaşımıza rifah, əmin-amanlıq və firavan gələcək arzulayırıq.
Bu gün Azərbaycan artıq yalnız regionun deyil, dünyanın diqqətlə izlədiyi, öz siyasi mövqeyi, güclü iqtisadiyyatı, qüdrətli ordusu və milli birliyi ilə seçilən müstəqil və suveren dövlətdir. Dövlətimizin beynəlxalq arenada söz sahibi olması, üçrəngli bayrağımızın ən yüksək zirvələrdə dalğalanması hər bir azərbaycanlının qürur mənbəyidir.
Müstəqil Azərbaycanın möhkəm təməlləri Ümummilli Lider, dahi şəxsiyyət Heydər Əliyev tərəfindən qurulmuş, dövlətçilik ideologiyası xalqımızın milli sərvətinə çevrilmişdir. Bu siyasi xəttin uğurla davam etdirilməsi nəticəsində Möhtərəm Prezident, Müzəffər Ali Baş Komandan cənab İlham Əliyevin rəhbərliyi ilə Azərbaycan daha da güclənmiş, dünyada nüfuzu artmış, öz haqq səsini beynəlxalq tribunlardan qətiyyətlə bəyan edən qüdrətli dövlətə çevrilmişdir.
Bu gün qalib xalqın nümayəndələri olaraq müstəqilliyimizin dəyərini daha dərindən anlayır, dövlətimizə və ordumuza sonsuz qürur hissi keçiririk. Azərbaycanın sabahı güclü dövlətçilik, milli birlik və vətən sevgisi üzərində daha böyük zəfərlərə doğru inamla addımlayır.
Yaşa, qüdrətli, müstəqil və sarsılmaz Azərbaycan!
