ADNSU-nun nəzdində Bakı Neft - Energetika Kolleci

04/09/2026

Kollecimizin əməkdaşı Xəyalə Xanbaba qızı müasir təhsilin əsas çağırışlarından biri olan süni intellektin təhsil prosesində tətbiqi ilə bağlı fikirlərini AZƏRTAC-a verdiyi müsahibədə bölüşüb.

Müsahibədə süni intellektin qadağan edilməsindən daha çox, onun etik, təhlükəsiz və səmərəli istifadəsinin tənzimlənməsinin vacibliyi vurğulanıb. Xəyalə xanım həmçinin rəqəmsal savadlılığın artırılması, şagirdlərdə tənqidi düşünmə və müstəqil problem həll etmə bacarıqlarının inkişaf etdirilməsinin əhəmiyyətindən danışıb.

Əməkdaşımızın müasir təhsilin inkişafı və innovativ texnologiyaların tətbiqi ilə bağlı fikirlərinin AZƏRTAC-da işıqlandırılması kollektivimiz üçün qürurverici hadisədir. 👏

Xəyalə Xanbaba qızını bu uğuru münasibətilə təbrik edir, fəaliyyətində yeni nailiyyətlər arzulayırıq!

📌 Müsahibə ilə daha ətraflı tanış olmaq üçün aşağıdakı linkə keçid edə bilərsiniz:

Süni intellekt texnologiyalarının sürətli inkişafı həyatın bütün sahələrinə, o cümlədən təhsil sisteminə ciddi təsir göstərir. Bu, eyni zamanda, təhsil ictimaiyyəti qarşısında mühüm sualı gündəmə gətirir: süni intellekt texnologiyalarından düzgün və məsuliyyə...

27/08/2026

📢 Kollecdə əlavə təhsil üzrə müsahibə mərhələsinə start verildi!

ADNSU-nun nəzdində Bakı Neft-Energetika Kollecində əlavə təhsil üzrə qəbulun müsahibə mərhələsi artıq başlayıb.

🎓 Namizədlərə müsahibə mərhələsində uğurlar arzulayırıq!

27/08/2026

📢 QƏBUL PROSESİ DAVAM EDİR!

ADNSU-nun nəzdində Bakı Neft-Energetika Kollecində qəbul prosesi davam edir! 🎓

05/08/2026

Bakı Neft-Energetika Kollecinin müəllimləri beynəlxalq təlim proqramında iştirak ediblər.

Bakı Neft-Energetika Kollecinin müəllimləri Əsgərova Günay, Məmmədova Afaq və Novruzova Günay Türkiyənin İstanbul şəhərində keçirilən beynəlxalq təlim proqramında uğurla iştirak ediblər.

Təlim proqramı çərçivəsində iştirakçılar İstanbul İşıq Universiteti, İstanbul Nişantaşı Universiteti, Topkapı Universiteti və American Life təşkilatında keçirilən müxtəlif mövzularda seminar və təlimlərə qatılıblar.

04/08/2026

📢 Ümumi orta təhsil bazasında kolleclərə ixtisas seçimi başlayıb

Ümumi orta təhsil bazasında orta ixtisas təhsili müəssisələrinə qəbul olmaq istəyən şəxslər üçün ixtisas seçimi mərhələsi 3 avqust tarixindən başlayıb və 9 avqust saat 23:59-dək davam edəcək.

İxtisas seçimi zamanı namizədlərə seçmək istədikləri ixtisaslar və təhsil müəssisələri üzrə seçimlərini müəyyən edilmiş qaydalara uyğun şəkildə həyata keçirmələri tövsiyə olunur.

📌 Bakı Neft-Energetika Kolleci üzrə təqdim olunan ixtisaslar, qəbul qaydaları və təhsil imkanları ilə bağlı ətraflı məlumatları növbəti paylaşımlarımızdan əldə edə bilərsiniz.

03/08/2026

🎉 Müəllimlərimizi təbrik edirik! 🎉

Bakı Neft-Energetika Kolleci (PHŞ) olaraq magistratura pilləsinə qəbul olunmaları münasibətilə dəyərli müəllimlərimizi səmimi qəlbdən təbrik edirik!

Bu uğur onların bilik, zəhmət və peşəkarlığının növbəti göstəricisidir. İnanırıq ki, əldə etdikləri yeni bilik və təcrübə kollecin tədris keyfiyyətinin daha da yüksəlməsinə mühüm töhfə verəcək.

29/07/2026

ADNSU-nun nəzdində Bakı Neft-Energetika Kollecində Yay Məktəbi fəaliyyətə başladı. İştirakçılar bu müddət ərzində yeni bilik və bacarıqlar qazanacaq, interaktiv təlimlərdə iştirak edərək həm öyrənəcək, həm də faydalı təcrübə əldə edəcəklər.

24/07/2026

Hörmətli tələbələr,

Təhsil xidmətlərimizin keyfiyyətinin davamlı olaraq artırılması və tədris prosesinin daha da təkmilləşdirilməsi məqsədilə məmnunluq sorğusunda iştirak etməyinizi xahiş edirik.

Sorğuda verəcəyiniz cavablar göstərdiyimiz xidmətlərin qiymətləndirilməsi, mövcud ehtiyacların müəyyənləşdirilməsi və gələcək inkişaf istiqamətlərinin formalaşdırılması baxımından mühüm əhəmiyyət kəsb edir.

Zəhmət olmasa, bir neçə dəqiqənizi ayıraraq sorğunu tamamlayın. Dəyərli rəy və təklifləriniz üçün əvvəlcədən təşəkkür edir, əməkdaşlığınızı yüksək qiymətləndiririk.

24/07/2026

24/07/2026

ADNSU nəzdində Bakı Neft və Energetika Kollecinin əməkdaşları "Assessment in Higher Education" mövzusunda keçirilən təlimdə iştirak ediblər.
Təlim çərçivəsində ali təhsildə qiymətləndirmənin müasir yanaşmaları, öyrənmə məqsədlərinin müəyyənləşdirilməsi, Bloom taksonomiyası, sillabusun qiymətləndirmə ilə əlaqələndirilməsi, formativ və summativ qiymətləndirmə, qiymətləndirmə nəticələrinin tədrisin inkişafında istifadəsi və effektiv rubrikaların hazırlanması kimi mövzular müzakirə olunub.
Kollecimizin əməkdaşları əldə etdikləri yeni bilik və təcrübələri tədris prosesində tətbiq etməklə təhsilin keyfiyyətinin daha da yüksəldilməsinə töhfə verməyi hədəfləyirlər.