Rövşən Rüstəmov

Home
Azerbaijan
Baku
Rövşən Rüstəmov

"Azərbaycan Dəmir Yolları" QSC-nin sədri

1980-ci ildə anadan olmuşdur.

1997-2001-ci illərdə Azərbaycan Respublikasının Prezidenti yanında Dövlət İdarəçilik Akademiyasında Dövlət və bələdiyyə idarəetməsi ixtisasını fərqlənmə diplomu ilə bitirib.

2001-2003-cü illərdə Dövlət İdarəçilik Akademiyasında İqtisadiyyatın hüquqi tənzimlənməsi ixtisasını fərqlənmə diplomu ilə bitirərək magistr dərəcəsi alıb.

2004-2007-ci illərdə elmi fəaliyyəti

çərçivəsində iqtisadiyyatın davamlı inkişaf problemləri üzrə dissertasiya işini müdafiə edərək İqtisadiyyat üzrə fəlsəfə doktoru elmi dərəcəsini alıb.

2004-2012-ci illərdə “Azərpoçt” MMC-də Biznesin inkişafı şöbəsində müdir müavini, Əməliyyatlar şöbəsinin müdiri vəzifəsində çalışıb.

2012-2014-cü illərdə “Azərkosmos” ASC-də Korporativ idarəetmə üzrə müşavir vəzifəsində işləyib.

2014-cü ildə Azərbaycan Respublikasının Prezidentinin Sərəncamı ilə “Tərəqqi” medalı ilə təltif edilib.

2014-2021-ci illərdə “Azərkosmos” ASC-də sədr müavini vəzifəsində çalışıb. Azərbaycan Respublikası Prezidentinin 2021-ci il 14 iyun tarixli Sərəncamı ilə nəqliyyat, rabitə və yüksək texnologiyalar nazirinin müavini təyin edilib. Azərbaycan Respublikası Prezidentinin 2022-ci il 26 oktyabr tarixli Sərəncamı ilə “Azərbaycan Dəmir Yolları” QSC-nin sədri təyin edilib.

02/06/2026

Bu gün Gürcüstanın Axalkalaki şəhərində Bakı–Tbilisi–Qars dəmir yolu xəttinin modernləşdirilmədən sonra istifadəyə verilməsi münasibətilə keçirilən tədbirdə iştirak etdik. Bugünkü tədbir 18 mayda Bakıda Azərbaycan və Gürcüstan rəhbərlərinin iştirakı ilə imzalanmış protokolun məntiqi sonluğudur.

ADY tərəfindən həyata keçirilən genişmiqyaslı modernləşdirmə işləri nəticəsində BTQ-nin illik yükötürmə qabiliyyəti 1 milyon tondan 5 milyon tona yüksəldilib. Görülmüş işlər Avrasiya məkanında yükdaşımaların sürətinin və etibarlılığının artırılmasına, region ölkələri arasında ticarət əlaqələrinin genişlənməsinə, eləcə də beynəlxalq təchizat zəncirlərinin daha səmərəli fəaliyyətinə mühüm töhfə verəcək.

Bakı–Tbilisi–Qars xətti Azərbaycan, Gürcüstan və Türkiyə arasında uğurlu tərəfdaşlığın nümunəsi olmaqla yanaşı, regionun tranzit potensialının reallaşdırılması üçün Şərqlə Qərbi birləşdirən strateji nəqliyyat arteriyalarından biridir.

01/06/2026

Uşaqların Beynəlxalq Müdafiəsi Günü münasibətilə bütün uşaqları, o cümlədən balaca sərnişinlərimizi təbrik edir, təbəssüm dolu günlər arzulayırıq.

28/05/2026

28 May – Müstəqillik Günü tariximizin qürurla yazılmış səhifələrindən biridir.

1918-ci ildə Şərqin ilk demokratik respublikasını yaratmaqla dünya tarixinə silinməz imza atmış xalqımızı Müstəqillik Günü münasibətilə təbrik edir, sarsılmaz birliyimizin güclü və firavan Azərbaycanı yeni uğurlara aparmasını diləyirik.

27/05/2026

Xalqımızı müqəddəs Qurban bayramı münasibətilə təbrik edir, kəsilən qurbanların, edilən duaların və tutulan niyyətlərin Allah dərgahında qəbul olunmasını arzulayıram.

Bu əziz bayram hər bir ocağa ruzi, sevinc və firavanlıq gətirsin.

23/05/2026

ADY Ümumdünya Şəhərsalma Forumunun 13-cü sessiyasında (WUF13) urbanizasiya və şəhər transformasiyasında dəmir yollarının roluna həsr olunmuş iki xüsusi sessiya ilə yaxından iştirak edib.

AZCON Holding-in stendində ADY-nin fəaliyyətinin nümunəsi əsasında keçirilmiş sessiyalarda dəmir yolu ilə sərnişindaşımanın regional inkişafı, mobilliyi və iqtisadi artımı necə dəstəklədiyi nümayiş etdirilib. Təqdimatlar zamanı Qarabağ və Şərqi Zəngəzurda dəmir yolu infrastrukturunun yenidən qurulması, o cümlədən Ağdam Dəmir Yolu və Avtovağzal Kompleksi barədə geniş məlumat verilib, həmçinin ADY-nin 2030-cu ilə qədərki dövrü əhatə edən infrastruktur planlarının Bakı və şəhərətrafı ərazilərdə mobilliyə gözlənilən təsirləri təqdim olunub.

ADY könüllülərin cəlb edilməsi və tədbir iştirakçıları üçün dəmir yolu daşımalarının təşkili ilə də WUF13-ün fəaliyyətini dəstəkləyib.

WUF13-də iştirakımız dəmir yolları vasitəsilə daha əlçatan və dayanıqlı urbanizasiyaya töhfə vermək istiqamətində geniş öhdəliyimizin bir hissəsi oldu.

18/05/2026

Azərbaycan Respublikasının Prezidenti cənab İlham Əliyev və Gürcüstanın Baş naziri cənab İrakli Kobaxidzenin iştirakı ilə Bakı–Tbilisi–Qars dəmir yolu xəttinin modernləşdirilməsi layihəsinin tamamlanması və yekun qəbulu ilə bağlı sənədin imzalanması BTQ-nin yeni mərhələyə keçdiyini, Orta Dəhliz üzrə daha böyük yükdaşıma funksiyasını icra etməyə hazır olduğunu göstərir.

ADY tərəfindən 2024-cü ildə xəttin Gürcüstan hissəsində görülmüş modernləşdirmə işləri nəticəsində illik yükötürmə qabiliyyəti 1 milyon tondan 5 milyon tona çatdırılıb.

Yenilənmiş BTQ Azərbaycanın regional logistika mərkəzi kimi xüsusilə Orta Dəhliz üzrə mövqeyini daha da gücləndirir – Azərbaycanı Türkiyə üzərindən Avropa dəmir yolu sisteminə daha güclü şəkildə inteqrasiya edir və ölkəmizi Şərq-Qərb ticarətində etibarlı logistika qovşağına çevirir.

Bu cür iri infrastruktur layihələri Azərbaycanı yalnız tranzit məkanı deyil, regionun yük axınlarını idarə edən və istiqamətləndirən aparıcı logistika platformalarından biri kimi ön plana çıxarır.

15/05/2026

İctimai nəqliyyatda daha bir ilkə imza atdıq. Bu gündən etibarən ADY və AzInTelecom-un əməkdaşlığı ilə dəmir yollarında ilk dəfə SİMA Pay – üztanıma ilə ödəniş sistemi istifadəyə verildi.

İndi sərnişinlərimiz fiziki kart və ya əlavə cihaz olmadan, sadəcə üztanıma texnologiyası vasitəsilə turniketlərdən sürətli və rahat keçid edə bilərlər.

Xidmət ilkin mərhələdə Bakı və Sumqayıt vağzallarında və Koroğlu dayanacağında tətbiq olunur. Bu yenilik sərnişin rahatlığını artırmaqla yanaşı, ödəniş prosesində təhlükəsizlik və çevikliyi də yeni səviyyəyə yüksəldir.

Bununla da dünyanın qabaqcıl “Face Pay” təcrübəsini Azərbaycanda tətbiq etməklə rəqəmsal nəqliyyat ekosisteminin inkişafına növbəti töhfəni vermiş oluruq.

10/05/2026

Müstəqil Azərbaycan gücünü Ümummilli Lider Heydər Əliyevin zəngin irsindən, strateji ideyalarından, təkrarolunmaz vətənpərvərliyindən və xalqa bağlılığından alır.

Bu gün hər birimiz onun uzaqgörən siyasətinin uğurlu davamı ilə yeni nailiyyətlərə doğru addımlayır, Ulu Öndərin əziz xatirəsini dərin ehtiramla yad edirik.

09/05/2026

Ümummilli Lider Heydər Əliyevin anadan olmasının 103-cü ildönümü ilə əlaqədar Fəxri xiyabanda Ulu Öndərin məzarını ziyarət edərək əziz xatirəsini ehtiramla andıq, görkəmli oftalmoloq-alim, akademik Zərifə xanım Əliyevanın da xatirəsini dərin hörmətlə yad etdik.

08/05/2026

Bu gün Bakı şəhərində dayanıqlı mobilliyin inkişafı istiqamətində növbəti mühüm addım atdıq – Abşeron dairəvi dəmir yolu üzərində Dərnəgül dayanacağını istifadəyə verdik.

Yeni dayanacaq sərnişinlərə daha sürətli, rahat və əlçatan nəqliyyat imkanı təqdim etməklə yanaşı, şəhər mərkəzində nəqliyyat sıxlığının azaldılmasına və ictimai nəqliyyat şəbəkəsinin inteqrasiyası ilə multimodal sərnişindaşımaya töhfə verəcək.

Dərnəgül dayanacağının strateji yerdə yerləşməsi sayəsində şəhərin müxtəlif istiqamətlərindən gələn sərnişinlər artıq mərkəzə daxil olmadan metro və avtobus şəbəkəsinə daha rahat çıxış imkanı əldə edəcəklər.

Eyni zamanda, Dərnəgüldən mərkəzə gəlmək üçün cəmi 10 dəqiqə kifayət edəcək. İlkin mərhələdə bu dayanacaqdan illik 200 min, 2030-cu ilədək isə 500 min sərnişinin istifadə etməsi gözlənilir.

Bu yeniliklə Abşeron dairəvi marşrutu üzrə stansiya və dayanacaqların sayı artıq 15-ə çatdı. Qarşıdakı illərdə isə yeni xətlərin bərpası, əlavə dayanacaqların inşası və müasir sərnişin qatarlarının alınması ilə Bakıətrafı dəmir yolu nəqliyyatının əhatə dairəsi daha da genişləndirməyi hədəfləyirik.

Vətəndaşlarımız üçün daha təhlükəsiz, rahat və müasir nəqliyyat sistemi qurmaq üçün layihələrin icrasını davam etdirəcəyik.

Address

Baku

Website

https://ady.az/

Alerts

Be the first to know and let us send you an email when Rövşən Rüstəmov posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Rövşən Rüstəmov:

Shortcuts

Want your organization to be the top-listed Government Service in Baku?