Azərbaycan Demokrat Partiyası

05/04/2026

Gördüklərini deyənlərin və yazanların həbsə atılması cinayətdir!

Qanunsuz və haqsız olaraq həbsə atılmış bu adamlara biganə olmayın!

05/04/2026

Tbilisi Şəhər Məhkəməsi jurnalist Əfqan Sadıqovun Azərbaycana deportasiya edilməsi ilə bağlı qərar qəbul edib.
Əfqan Sadıqovun hüquqlarını müdafiə edən Sosial Hüquqlar Mərkəzinin (Social Justice Center) rəhbəri Tamta Mikeladze Qəzetçiyə bildirib ki, Tbilisi vaxtı ilə 02:00 başlayan məhkəmə prosesi 04:00 radələrində başa çatıb. Gürcüstan Təhlükəsizlik Xidmətinin müraciəti əsasında baş tutan məhkəmə prosesində jurnalistin müdafiəçilərinin vəsatətləri qəbul edilməyib. Azərbaycan səfirliyi gecə saatlarında məhkəməyə Əfqan Sadıqovun pasportunun deaktiv edildiyi barədə arayış təqdim edib.
Tamta Mikeladze Qəzetçiyə bildirib ki, Təhlükəsizlik Xidməti Əfqan Sadıqovun Gürcüstanın milli təhlükəziliyinə təhdid olduğunu önə sürərək deportasiya edilməsini tələb edib. Məhkəmə iddianı əsaslı sayıb. Tamta Mikeladze qeyd edib ki, Tbilisi Şəhər Məhkəməsinin qərarı Avropa İnsan Hüquqları Məhkəməsinin qərarının və Avropa İnsan Hüquqları Konvensiyasının kobud və birbaşa pozuntusudur: “Çünki Avropa İnsan Hüquqları Məhkəməsi tərəfindən Gürcüstana qarşı çıxarılan və Əfqan Sadıqovun Azərbaycana təhvil verilməsini dayandıran müvəqqəti tədbir qüvvədə qalır və məhkəmə tərəfindən ləğv edilməyib. Buna görə də onun Azərbaycana təhvil verilməsi heç bir qanuni əsasla Avropa İnsan Hüquqları Konvensiyasına və Avropa İnsan Hüquqları Məhkəməsinin qərarına uyğun deyil”.
Jurnalistin həyat yoldaşı Sevinc Sadıqovanın Qəzetçiyə verdiyi məlumata görə, aprelin 3-də Tiflis Şəhər Məhkəməsində Gürcüstan Prokurorluğunun təqdimatı ilə Əfqan Sadıqovun Gürcüstanı tərk etməsinə qoyulan qadağa ləğv edilib. Bunu Azərbaycan tərəfinin Əfqan Sadıqov barədə açılan cinayət işinin ləğv edilməsi ilə əlaqələndiriblər. Məhkəmənin qərarından sonra Əfqan Sadıqovun Fransada yaşayan ailəsinin yanına getməsi gözlənilirdi. Fransa höküməti Əfqan Sadıqovun ailə birləşməsi müraciətinə müsbət cavab vermişdi.
Qeyd edək ki, aprelin 4 də gecə saatlarında bir qrup yağınsöndürmə xidmətinin əməkdaşı Tbilisidə Əfqan Sadıqovun yaşadığı mənzilə gələrək qaz sızması olduğunu bildirib. Qapı acıldıqdan sonra isə mənzilə daxil olan mülki geyimli şəxslər jurnalisti həbs edib.

05/04/2026

Aprelin 3-də Ali Məhkəmədə “AbzasMedia işi” üzrə həbs olunan jurnalistlərin kassasiya şikayətlərinə baxılıb.

AbzasMedia xəbər verir ki, hakim Zaur Hüseynovun sədrliyi ilə keçirilən sonuncu məhkəmə prosesində jurnalistlərin kassasiya şikayəti təmin olunmayıb.

Jurnalist Hafiz Babalı aylardır pensiya ala bilmədiyini və kartlarının bloklandığını deyib.

“Artıq 28 aydır ki, həbsdəyəm və müddət ərzində pensiyamı ala bilməmişəm. Səhhətimdə ciddi problemlər var. Aldığım pensiya da müalicəm üçün xərclənirdi. İndi isə bundan məhrumam”, – deyə jurnalist çıxışında bildirib.

Daha sonra vəkil Günay İsmayılova çıxış edərək bildirib ki, istintaq materiallarında jurnalistlər Elnarə Qasımova və Nərgiz Absalamovanın təqsirini sübut edəcək faktlar yoxdur.

Vəkil Günay İsmayılova bildirib ki, Elnarə Qasımova AbzasMedia ilə 2023-cü ilin oktyabrında qısa müddət könüllü işləyib və onun mütəşəkkil dəstə üzvü olmasına dair heç bir sübut yoxdur. Onun sözlərinə görə, Qasımova sadəcə fotoqraf olduğuna görə ittiham olunub və xaricə yeganə səfəri şəxsi məqsədlə olub.

İsmayılova qeyd edib ki, Nərgiz Absalamova da videoreportyor fəaliyyəti səbəbindən eyni ittihamla cəlb edilib. Vəkil bildirib ki, ona qarşı sənəd saxtalaşdırılması ilə bağlı heç bir mötəbər sübut yoxdur.

Vəkilin sözlərinə görə, hər iki şəxs Məhəmməd Kekalovun ilkin ifadəsi əsasında saxlanılıb, lakin o, sonradan məhkəmədə bu ifadələrindən imtina edib.

Daha sonra dövlət ittihamçısı Rəşad Məmmədli çıxışında məhkəmədən jurnalistlər barəsində kassasiya şikayətinin təmin edilməməsini tələb edib.

Müşavirəyə gedən məhkəmə heyəti kassasiya şikayətini təmin etmədiyini bildirib.

05/04/2026

Məhbəs nədir, qardaşım,
Sən azadsan, sirdaşım.
Dəmir qapı, soyuq daş
Səni sındırmaz, qardaş!

05/04/2026